JEREMIA 24:2 - PATHIEN LEKHABU THIENGTHO (BSI)

² Bawm khat achun theipi hawih tak tak, theipi min masa bang hiel hi a um a, himahleh, bawm dang achun theipi sie tak, nek tâk loh khawpa sie hi a um a.

JEREMIA 24:2 ပူးပေါင်းရင်းမြစ်များ

ISAI 5:7

Sepaihte Lalpa grep huon chuh Israel Inkuon hi ahi a, Juda mipite hi a grep phuhte chuh ahiu hi. Thu dik a kineppih a, himahleh thisan suohna’n a dim a; diktatna kineppih mahleh lungkham taka kiko aw zak ahi tai!

ISAI 5:4

Ka grep huon a hin ka hihsa tihloh banga hih beh naklai ding? Grep gah phatak gah dinga ka kinep mai zên tawh, bang zieka grep lêm ngen hung gah mai ahi ta?

MIKA 7:1

Ka chung a gik na e! Nipi theigah kisungkhawm leh grep lawh hun laia a kilo hengilh lawh ding tawbang ka hi ngâla; theipi gah min masa tawbang ka hi a, ka hinna’n a utchak le a um diek puoi!

MATTHAI 5:13

“Lei chi na hiu hi; himahlele chi hi tam ta leh, bang in a hih al kit ta die? Zie a kipat chun paih dawk a, mihiemte tawhphah maimai ding ngâllo chun bangmah in a mat theih puoi.

HOSEA 9:10

Lalpa chun, Israel te ka muhdawk pat ni chun, gamgaw a grep bang mai ahiu a. Nang haw hun suonte chuh theipi gah min masa bang phet ahiu ui. Himahleh, Baal-Peor tângah a hung u a, zahchâk um takin a masang achun a kisuthiengtho u a, tichun, a pathien hoteu banga kihdak-um a hung hi tau hi.

JEREMIA 29:17

“Sepaihte Lalpa chun hiti hin a tii: Ngaitiem u, a chunguh achun chemzâm te, kiel te, hipite hun tun sak ing ka ting, theipi hût, a siet takluot zieka nek theih loh bang mai in siem ing ka.

NAHUM 3:12

Na kulhpi chuh theipi gah min masa tawbang ahi: a kilin thet u chun a gahte chuh na kama a hung kiek lut zieng tawbang hi ahi!

KISIMNA 18:13

A lo u a gah masapen Lalpa a ding a a hun chawih u chuh nang a hi’n tin; na In a mi thiengtho chengcheng in ne thei un au.