JEREMIA 23:9 - PATHIEN LEKHABU THIENGTHO (BSI)

⁹ Thiemgaute chungchâng thu achun, ka sunga ka lungchang hi a puokkek a, ka guh chengcheng le a kithing a, zukham bang mai ka hi ta a, Lalpa leh a thu thiengtho ziek chun; zu’n a zel zawh mah mah mihiem ka bang mai tai.

JEREMIA 23:9 ပူးပေါင်းရင်းမြစ်များ

HABAKKUK 3:16

Ziehaw cheng hi ka zak in, ka kithing a; lau in ka kha a kitat hiel tai! Ka guh ahin muotna a lut a, Ka kalsuonte chuh a hâwi ta a! Ei dote chunga gawtna tung ding chuh thipkêi in ngak ing ka.

DANIEL 8:27

Tichun, ka chau a, ni bang zah ahim chu ka dam puoh a. Zie apat chun ka hung halhdawk kit a, leng na chuh ka sem kit ta a; himahlele, kilâknate chuh mak ka sa mah mah zieng a, mahleh, kuoma’n a hethiem puou hi.

SUNNA LA 3:15

Thil tui kha ka gawl ah a sung lut a; gamsai ei dâwn kham sak u a.

ISAI 51:21

Zieziekchun, nang haw liemna thuok, Jerusalem a gimtheihna thuokte haw, uain dâwn kham hisâm lo a lawn duoi duoi te haw, zie hi heu in!

SAM LEHKHABU THE PSALMS 60:3

Na mite hi thil haksa na thuok saka: Humhaihna uain chuh nei dâwn sak ta a.

ROME 7:9

Keimah ngêi le, makhan danlo in ka hing a, himahlele, thupiek chuh a hung um phetin, gitloh chuh a hung halh a, kei chuh ka thi ta a.

EZEKIEL 9:6

Teksie haw, tangval haw, nungak haw, naupang haw leh nupi haw chuh that suok kêi unla; ahihziekin, tiemtehna nei haw vang chuh va naih kiu in; ka mun thiengtho a chun pan un,” a ti a. Khutichun, Ho-In maia upa haw a chun a pan tau a.

EZEKIEL 9:4

Chun, Lalpa chun ka kawmah, “Khawpi chuh tawh viel inla, Jerusalem chuh tawh suok in; a sunga thil tenum kihih haw zieka lungkham a kap sek haw chuh a chalpâng u ah tiemteh in,” a ti a.

JEREMIA 9:1

Ka luchang hi tui hi henla, ka mit hi mitthi tuinak hile chuh aw! Ka mi, ka chanu thah a um te a ding chun sun le zan in kap ing ka.

JEREMIA 5:31

Thiemgaute chun lepchieh thu ngen a genlawk u a; thiempute chun la a thu thuu in vai a hawm u a; ka mite chun khutibang hih chuh a nawp lam uh ahi. Himahleh, a tâwp a hung tun tieng bangti’n na hih ta ding u le?

ISAI 29:9

Ding zing unla, maksau un! kimuhmawh sak unla, mitdûk in um den un! a kham u a, himahlele, uain ziek ahi puoi; a lawn a lawn u a, mahleh, zu dâwn ziek ahi puoi.

ISAI 28:1

E khai! Ephraim haw zukham hât leh kiletsakna lallukhuk chung leh a lopi nau pakcha tuoi zing lai, uain in a zawh sate chung chuh a gik hi.

ISAI 6:5

Ziephet chun, ken, “Mûk thienglo pu ka hi a, mûk thienglo pu mite laka um ka hih ziekin, ka chung a gik na e! a mangthai chuh ka hita hi; ka mit in Lalpa, Sepaihte Lalpa chuh a mu ta ngâl a,” ka ti a.

SAM LEHKHABU THE PSALMS 69:20

Mi ei gensietna hi ka thasietna ahi a; nasa tak mai in ka lungkham a: Tichun, ei lungsiet ding ka hawl a, himahleh kuomah a um puoh ngâl u a; Ei thamuon ding ka hawla, himahleh, kuomah ka mu puoi.

JEREMIA 8:18

Aw ka lungkhamna hi kithamuon thei leng chuh aw! Sunggil lam ah hin ka lunggil a chau zo tai.

JEREMIA 20:9

“Amah min chuh gen kha ta puo’ng ka ting, Amah min in le thu gen ta puo’ng ka,” ka ti a. Himahleh, ka guh sung ahin mei-âm kikhum bang mai in ka lunggil sung ahin a sa hut hut a, ka thip hiet hiet thei puoh a, ka kichawl thei puoh ngâl a.

JEREMIA 36:16

Chun, hiti hi a hung hi a, zie thu haw chuh a zak phet un lau in a ki-en tuoh u a, “Zie thu haw cheng hi ka lengpau hilh ngêi ngêi ung kau,” a tiu a.

EZEKIEL 13:3

Lalpa Pathien chun hiti hin a tii: “Thiemgau ngawl, amau ngaihdan zuia bangmah mu sâm lo haw chuh, a chunguh agik ie.