JEREMIA 23:3 - PATHIEN LEKHABU THIENGTHO (BSI)

³ Tichun, ka ganguol umsunte chuh ka delhzak na gam haw apat chun pui khawm kit ing ka ting, a huong sung u ah hâwi khawm ing ka ting, gah nuom takin um un tin uh, hung pung un au!

JEREMIA 23:3 ပူးပေါင်းရင်းမြစ်များ

JEREMIA 32:37

Ngaitie, ka lungnatna leh ka lunghihlohna leh ka thangtawmna nasa taka amau haw ka nawhdawkna gam haw cheng apat in puikhawm ing ka ting, zie mun ahin hun puikit ing ka ting, bit takin um sak ta’ng ka.

JEREMIA 29:14

Tichun, nang haw muhin um ing ka, Lalpa’n a tii. Na umdan uh theng ing ka ting, nam chengcheng laka ka hun thehzakna mun apat in hun puikhawm kit ing ka tih hi, Lalpa kamsuok ahi. Sala ka hun tânsakna apat ngêi khan hun puikit ing ka.”

JEREMIA 30:3

Ngaitie, Israel leh Juda, ka mipite saltanna apat a ka puih kitna ding nikhuo chuh a hungtung tai! gam, amau haw suonte kawma ka piek achun puikit ing ka ting, luoh ta’n au tih hi Lalpa kamsuok ahi,” ti’n Lalpa’n a tii.

EZEKIEL 11:17

Zieziekchun Lalpa chun hiti hih a tii: Nam dang haw lak apat chun hun puikit ing ka ting, na kithehzâk nau gam u apat chun hun puikhawm kit ing ka ting, Israel gam chuh hun pie’ng ka.

JEREMIA 31:8

Ngaitie, amau chuh mâllam apat in hun pui ing ka ting, kâwl mawng tâwp pên apat in hun puikhawm ing ka. Tichun, mitdûkte, kêngbâite, numei nauvawpte leh nauhanatte, mipi tamtak tawh hungtung khawm un au!

SAM LEHKHABU THE PSALMS 106:47

Aw Lalpa ka Pathien uh, ei hukdam inla, Namtin laka pan in ei puikhawm inla, Na min thiengtho chu ka pahchak theih na ding u leh, Na pahchakna sulopi ding in.

EZEKIEL 36:24

Namte lak apat chun hun puidawk ing ka ting, gam tin apat chun hun puikhawm ing ka ting, na gam ngêi u a chun hun puilut ding ka hi ngâla,

EZEKIEL 36:37

Chun, Lalpa Pathien chun hiti hin a tii: “Zie hi le amau dinga hih dingin Israel inkuon chuh Kei kidawtsak ing ka; belam hawn bang hiela amau chuh supung dingin.

MIKA 7:12

Zie ni chuleh Asuria apat Aigupta tiengin, Aigupta apat Euphrates luipi tiengin, tuipi leh tuipi kikal apat te leh tâng leh tâng kikal haw achun na kawmah hung khawm un au.

JEREMIA 8:3

Chun, zie inkuon gilo tak apat a suokcha sunte, ka nawhdawk na muna um chengte chun hin sangin thih tel zaw’n au tih hi Lalpa kamsuok ahi.”

JEREMIA 30:10

“Zieziekchun, aw ka suok Jakob, lau hiel ki’n, aw Israel mipite haw, tiza hiel kiu in, Lalpa’n a tii. Ngaiin, gamla tak apat in hun hukdawk ing ka ting, na suonlepak teu chuh a saltannau apat, Jakob ngêi chuh vaikit intin, kichawldam ta’n tin, kuoma’n sulau kit ta puo’n au.

JEREMIA 31:7

Lalpa chun, “Jakob a dingin kipâk in la sau unla, nam lopite lak achun kiko dawk un, phuongdawk unla, pakchau un, aw Lalpa chun Israel nutsieh a um te hi na hukdawk tai,” tiu in.

JEREMIA 46:27

“Aw ka suok Jakob, lau ki’n la, lung le lungthuoi diek ki’n; Aw Israel, Ngaiin, gamla tak apat in hun hukdam ding ka hi ngâla, Na suonte chule a saltannau apat chun; Jakob chuh hung vaikit intin, muong takin um hiet hiet intin; Kuoma’n sulau kit ta puo’n au.

THIEMPUDANTE 26:9

Chun, hun vangsak ing ka ting, chi tamtak hun hun suon sak ing ka ting; hun supung ing ka ting; chun, na chung u ah ka thuthun sudet ing ka.

JEREMIA 16:15

Himahleh, “Mâllam leh a delh zakna gam cheng apat Israel chate puidawkpa Lalpa a hin sung chuh,” tih hizaw ta’n a. A pileputeu kawma ka piek, amau haw gam ngêi achun puikit ding ka hi ngâl a.

JEREMIA 50:19

Tichun, Israel chuh a chênna mun achun puikit ing ka ting, Kannel leh Bashan achun cheng untin uh, Ephraim leh Gilead achun amah chuh ta viel ina.

EZEKIEL 36:11

Na chung u ah mihing leh gancha supung ing ka ting, hung pung intin un, lamzang in au; tuma lam guol khan luoh in hun umsak ing ka ting, a tunga na umdan sang u a kha bawn phazaw’n hun siem ing ka ting: khutichun, Lalpa chuh ka hi tih he’n lau.

MIKA 2:12

“Himahleh, aw Jakob na mite chuh a bawn un hun puikhawm kit ding ka hi. Belam hawn, a huong zuon bangin hun puikhawm ing ka. Ham hing laka belam a dima um bang mai in na gam u chuh mipi tamtak in sudim kit ing ka,” ti’n.