JEREMIA 23:2 - PATHIEN LEKHABU THIENGTHO (BSI)

² Zieziekchun, Lalpa Israel Pathien chun, ka mite vengpa belampute chung thu achun hiti hin a tii: “Ka ganguol haw chuh na sudalh uh a, na delh mang uh a, na ngaihsak puou hi. Ngaitiem u! na thilhih dikloh ziekun hun tawh tha ding ka hi, Lalpa’n a tii.

JEREMIA 23:2 ပူးပေါင်းရင်းမြစ်များ

MIKA 7:4

Tichun, a lak u a mi phapen chuh hampa tawbang ahi a, mi dik pên chuh hamlingnei tawbang ahiu. Pathien in thiemgaute manga a genlawk masak guol khan, a mite a gawtna ding ni chuh a hungtung tai! Tuhin, a buoi na niu chuh a hungtung tai.

JEREMIA 21:12

Aw David inkuonte haw Lalpa chun hiti hin a tii: “Zingkal in diktakin vaihawm unla, mi sugimtheite khut apat in sukgimtheih a umte chuh hukdawk un la, khutilochun, na thil gilo hih ziek u hin ka lungnatna chuh mei guola kuong in, kuomah phelh theih loh in hung kuong khan a”

PAWTDAWKNA 32:34

Himahlele, tuhin chieh inla, chiehna ding ka hun hilhna mun akhan mipite hi va pui phawt in. Ngaitie, ka vânsâwlchâk in na ma pui zel in a, tih hezing in; amahvang chuh, ka hun vehthak ni chuleh a gitlohnau ngêi achun gawt ding ka hi,” a ti a.

JEREMIA 23:34

Thiemgau hi henla, thiempu hi henla, mipite hi leule, ‘Lalpa puokgik,’ tih thu hi a mat uh chun, amah tawh, a inkawte chuh gawt khawm ing ka!

JAKOB 1:27

I Pathien uh leh, Pa mitmuha sakhuo ho dân thieng leh kisubuoklo chuh ziehi ahi: nauchagah leh meithai a liengvaih lai uh a veh a, amah ngêi zie khawvel sietna lak apat a kisubuok lo a kikiengkawih hi ahi.

MATTHAI 25:43

Malzin ka hihin, nei tun sak puou a; sangawn a ka um in, puon nei silh sak puou a; damlo leh suongkul a ka um in, nei veh puou hi,’ hun tina.

HOSEA 2:13

Kei ei hengilh a, Baal kawma gimlim a hâl ziek leh, sana kicheinate a kithuoma a deihchakte a zuih zawk ziek chun gawt ding ka hi, tih hi Lalpa kamsuok ahi.

JEREMIA 13:21

Nang in guol pha a na siem te kha na chunga a kawih tieng leh bang na lawh ta die? Numei nauhanat bangin na sa ten lo ding na him?

JEREMIA 11:22

Ngaitiem u, amau haw chuh gawt ing ka ting, a tangvalteu chuh chemzâm in thiu intin, a chanu teu, a chapa teu chuh kiel a hung thi ding ahiu hi.

JEREMIA 8:12

Thil kihdak-um a bawl u hi a zakchau hi? Zakchalo, a zakcha hiel puou, a mai u le a muol chuom puoi. Zieziekchun, a pukte chu tawh pukkhawm untin amau haw ka vehthak ni leh paih thak hi’n au, tih hi Lalpa kamsuok ahi.

JEREMIA 5:29

Zie thil haw ziek hin gawt lo ding ka him, Lalpa’n a ti. Zie tawbang namte chung ahin ka hinna’n phuba la lo ding ahim?

JEREMIA 5:9

Zie thil haw ziek hin gawt lo thei ding ka him? Lalpa’n a tii. Zie tawbang nam chung ahin phuba la lo ding ka him?

MATTHAI 25:36

Sangawn a ka um in, puon nei silh sak u a, ka damloh in nei veh u a, suongkul a ka um in, ka kawmah na hung ngâl u a,’ hun tina.

JEREMIA 10:21

“Belam pute chuh a ngawng u a, Lalpa dawtna châng a he puou a; zieziekchun a lamzang puou a, a belam guol teu chuh a kithehzak zo tai.

JEREMIA 13:17

Himahleh, na ngaihthak loh u chun na chapona ziekun ka hinna hi a gûk in kap in a. Ka mitthitui nasatak in luong zing in tin; Lalpa belam hawn chuh sala puih ahih tâk ziek un.

JEREMIA 13:20

Khawdak unla, mâllam a pata hung te khu vak en tie, Na kawma Belam hawn hun kipie haw kha khawi a um ahi ta, belam guol deihum tak haw khah?

JEREMIA 44:22

Thil phalo na bawl ziek u leh thil gilo na hih hawu ziekin Lalpa’n a thuok ngâp talo ahi kha; zieziekchun na gam u chuh tu a a um bang hin luoh loh leh gamgaw, maksak leh hansie dawl a hung hita a.

EZEKIEL 34:5

Belampu a um loh ziekin nawhzak in a um u a, a zak phet u chun gamsa hangte an ding chauh a hung hi tau a.

ZEKARIA 11:16

Chun, ngaitie, gamsung achun belampu kawih ing ka ting, himahleh, amah chun a mangthaite le a hawl diek puo’n tin, a note chule hawl diek puo’n a, a liemte le sudam puo’n tin, a hatlaite le vak diek puo’n a. Khutih malak in, belam thau thau chuh a sa a ne a, a kengtin teu chuh a khetsiet sak zaw ding ahi.

JEREMIA 17:10

Kei Lalpa hi, mitin a umdan dungzui leh, a nasep gah hawu bang zela pie dinga lunggil mudawkpa leh lungthim patep sek pa chuh ka hi.”

ZEKARIA 10:3

Belampute chung achun ka lungna mah mah a, amau haw chuh gawt ding ka hi, Sepaihte Lalpa chun a gan guol Juda insung chuh a hung entha a. Kidona sakawl hattak tak guolin siem ding ahi ngâl a.