JEREMIA 22:9 - PATHIEN LEKHABU THIENGTHO (BSI)

⁹ Chun, amau chun, “A Pathien uh Lalpa thugawlh chuh a taihsan u a, pathien dangte a ho u a, a na a sep ziekuh ahi,” ti’n dâwng un au.

JEREMIA 22:9 ပူးပေါင်းရင်းမြစ်များ

2 KHANGTHUBU 34:25

Ei deih puou a, pathien dangte kawmah a kithawi u a, a thilhih teu in ka lungnatna a chawktho uh ahi. Jerusalem chung achun ka lungnat na a puokzak a dai kit ngei puo’n a.

2 LENGTE 22:17

Ei hengilh u a, pathien dangte kawmah gimlim a hâl u a, a khutsuok u a ei suklungnat ziekun, zie muna hin ka lungnatna so sang ding ahi a, mit thei mai ding ahi puoi.

JEREMIA 50:7

A mu taphawt in a ne zel u a, a melmateu chun, ‘Ei uh thiemloh ei puoi, Lalpa chungah thil a hih gilo u a, amau suonte kinepna pên Lalpa hiel chungah thil a sukkhelh ziekuh ahi,’ a tiu a.

1 LENGTE 9:8

Chun, zie In hi sang ten mahlele, a chieh pel taphawtte chun maksa’n a lunggil uh thawngguih un tin, ‘Bangati a Lalpa’n zie gam leh zie In hi zie bang a hi a bawl ahim?’ hun ti’n au.

JEREMIA 9:13

Chun, Lalpa chun, “A masang u ah ka Dan ka kawih a, a hengilh u a, ka aw a ngaitha puou a, zuih le a zui puou hi.

JEREMIA 11:3

Chun, nangin a kawm u ah, Lalpa Israel Pathien chun hiti hin a tii: ‘Zie thugawlh thu ngaitha lo chuh hansie dawl in um hen,’ a tii.

JEREMIA 16:11

Hiti hin na gen ding ahi. “Nanguh hun suon ten ei taihsan ziekun ahi, pathien dang le a ho u a, a na a sem u a, a ho u a, ei taihsan u a, ka dân a zâwp puou hi.

EZEKIEL 5:15

“Khutichun, lungna tak leh thangtawm taka, nasa taka hilhgaih a, na chunga vaihawmna ka tunsak tieng chuleh na kimvela nam haw mitmuh achun muhsit um leh kizawnhona, kivaulawkna leh thil tizat-um hung hi’n la. Kei, Lalpa hin ka gen ta hi.

EZEKIEL 12:16

Ahihziekin chemzâm leh kiel leh hipi lak apat chun a laku a mi tawmchah hinghawih ing ka ting, ziete chun Jentel te laka a chieh na lam cheng u ah a tenum na hawu chengcheng chuh a phuon na dingun; chun, kei hi Lalpa chuh ka hi tih he’n au,” a ti a.

EZEKIEL 14:23

A umdan u leh a thilhih hawu na muh tieng u leh ki-awi ta’n na tin un; a chunga ka thilhih chengcheng chuh a ziek umlo in bangmah ka hih puoi tih he’n lau,” tih hi Lalpa Pathien in a gen hi, ti’n.

EZEKIEL 39:23

Chun, namte chun, Israel insung mite chuh ka chunga a gitlohna ziekuh a saltâng ahiu hi tih he ta’n au. Ka chunga a ginum loh bêk ziekun, amau haw apat in ka mai ka sel a, a melmateu khut ah ka pie a. chemzâm in a that vek tau hi.

DAN NIHNA 29:24

Namtin te chun, ‘Lalpa’n bang zieka zie gam hi a hiti bawl ahi dem? Bang zieka khuti lungnat lâwm lâwm ahi dem?’ ti’n tin un;

JEREMIA 11:10

A pileputeu, ka thu ngaitha nuom lote thulimlohna lam achun a vaikit u a; pathien dangte nasem dingin a chieh u a, Israel inkuon te leh Juda inkuonte chun a pileputeu kawma ka thugawlh chuh a bawhsie tau hi.