JEREMIA 22:3 - PATHIEN LEKHABU THIENGTHO (BSI)

³ Lalpa chun hiti hin a tii; Diktak leh thudik in vaihawm un la, sugimtheite khut a gimtheihna thuokte chuh hukdawk unla, chun, gamdang mite, pa neilote leh meithaite chungah diklohna ahim, hiemngam na ahim chîng kiu in; zie mun ahin mi diktat thisan le hun suoh diek kiu in.

JEREMIA 22:3 ပူးပေါင်းရင်းမြစ်များ

JEREMIA 21:12

Aw David inkuonte haw Lalpa chun hiti hin a tii: “Zingkal in diktakin vaihawm unla, mi sugimtheite khut apat in sukgimtheih a umte chuh hukdawk un la, khutilochun, na thil gilo hih ziek u hin ka lungnatna chuh mei guola kuong in, kuomah phelh theih loh in hung kuong khan a”

MIKA 6:8

Aw mihing, Lalpa’n thilpha chuh a hun hilh ta a. Lalpa’n a hun ngêk pên chuh ziehi ahi: Thil dik hih leh, lungsietna suklat zing leh, I Pathien u tawh kingainiem taka kipawlkhawm zing hi ahi.

JEREMIA 22:17

Himahlele, na huoihamna te, mi dik thisan suohna dingin leh bawl sietna leh pawngbawlna ding mai in, na mit leh na lunggil na mang zo ahi.

JAKOB 1:27

I Pathien uh leh, Pa mitmuha sakhuo ho dân thieng leh kisubuoklo chuh ziehi ahi: nauchagah leh meithai a liengvaih lai uh a veh a, amah ngêi zie khawvel sietna lak apat a kisubuok lo a kikiengkawih hi ahi.

EZEKIEL 22:7

Na sunga chun nu leh pate a musit u a, na sunga chun malzin a zawhthawh bawl u a, na sunga chun nauchagahte leh meithaite chuh a bawlsieu hi.

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

JOEL 3:19

“Juda chate chunga diem lo hiela tawi a; a gam uh a mithiem thisan a suoh ziekun, Aigupta gam chuh thalek gam suok intin; Edom gam chuh thalek gamgaw hung suok ina.

JEREMIA 9:24

A suong ta chengin zie hi suong hen, ‘Kei Lalpa hi,’ Hehpihnate, vaihawm diknate, diktatna te lei chunga mang sek ka hi tih ei het u a, a hetthiem nau chuh ka kipahpih lam ahi ngâla tih hi Lalpa kamsuok ahi.”

JEREMIA 5:28

A hung thau u a, a hung zawl u a. Ahi, a nunsietna thilhih teu chun chintawk a he puou. Pa neilote lamzan na dingin dikna’n vai a hawm puou a, mi gimtheite te dinmun chuh a venbit sak puou hi.

ISAI 1:23

Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

THUCHINGTE 23:10

Malai gamgi chuh chawnmang ki’n la, pa neilote lo achun le lut diek ki’n.

SAM LEHKHABU THE PSALMS 68:5

Pathien a umna mun thiengtho a um chu Pa neilo haw pa, meithaite ngaihtuoh pa ahi.

2 LENGTE 24:4

pawikhawihlo thisan a suoh a, Jerusalem chu pawikhawih lo te thisan a a sukdim ziekin Lalpa’n a ngaihdam nuom loh ahi.

DAN NIHNA 24:7

“Kuole, Israel suon, a suohpihte pummat a suok bawla bawl ahim, zuok ahim het dawk ahih chun, suklup ding ahi; zie guola chuh na lak u apat zie thil phalo chuh na sukbeih dinguh ahi.

JEREMIA 26:16

Tichun, lawiupa haw leh mipite chun thiempute leh thiemgaute kawm achun, “Zie pa hi thah loh ding ahi, Lalpa Pathien min a ei uh kienga thugen ahi zawi,” a tiu a.

THUCHINGTE 6:17

Mit hah chapo leh lepchieh haw, pawikhawih lote thisan suohna khut haw,

SAM LEHKHABU THE PSALMS 94:21

Mi diktat te hinna suol guo’n a kipunkhawm sek u a, Mawhna neilo chuh thiemloh a chan sak tei tei sek ui.

SAM LEHKHABU THE PSALMS 94:6

Meithai leh malzinte chuh a that u a, Pa neilo haw chuh a that sek ui.

JOB LEHKHABU THE BOOK OF JOB 24:9

Pa neilo, nawi cheplaite bawhthâk sak a chîng u a, Chagahte nausen haw chuh bat thasang in a lau a.

JOB LEHKHABU THE BOOK OF JOB 22:9

Meithaite chuh khutngawn in na sawlmang a, Pa neilote bân chuh na sukbawt saka.

2 SAMUEL 23:3

Israel Pathien chun a gen a; Israel te suongpi chun: “Mi chunga diktaka vaihawm sek, Pathien kihcha kawma vaihawm sek chu dik ngêi ina.

DAN NIHNA 27:19

“ ‘Gam chuom mite, nauchagahte, meithaite chunga diklo taka vaihawm chuh gausap in um hen,’ ti’n tin un. “Chun, mipite chengcheng chun, ‘Amen,’ ana tih dinguh ahi.

DAN NIHNA 25:1

“Mi’n thubuoi a neih tieng u leh vaihawmna ah tun intin un, chun, vaihawmte chun thubuoi chuh khen intin un, a dik chuh thiemchan sak untin, a diklo chuh thiemloh a chansak dinguh ahi;

DAN NIHNA 10:18

Pa neilote leh meithaite chuh diktakin vai a hawm sak seka, gam chuom mite chuh nek ding leh silh ding pien a hehpih sek.

THIEMPUDANTE 19:15

“Vaihawmna achun diklo taka ana hih dinguh ahi puoi; mi chagahte chuh deihsak chuom in, mi hausate chuh na zah chuom dinguh ahi diek puoi; himahleh, na invengte chungah diktakin vai na hawm sak ding ahi.

MIKA 3:11

Khawpi a lawiupate chuh gawlhgukna kinem in vai a hawm tau a. Thiempute chun lawh kinem in dân a sinsak u a; thiemgaute chun, dangka muh kinem in kilâkna thu a gen u a, a bawn u chun, Ka kawmah Lalpa a um hi, a ti chiet u a. “Ka chunga ah thil phalo hungtung puo’n a, Lalpa chuh ka kawm u ah a um ngâl a,” a ti tei tei u a.

PAWTDAWKNA 22:22

Meithai ahim, naupang pa neilo ahim chuh na sukgimtheih ding ahi puoi.

MATTHAI 23:23

“Na chunguh a gik hi! Nang haw, Danthuzik leh Pharisai gukhahte haw! Pudina leh pathikhawm, chuleh zira cheng hi sawma-khat na tuok sek u a, himahleh, dân thu khawk zaw diktatna, lungsietna, ginumna haw chuh na ngaitam ngâl sek un; ziehaw chuh a puo na hih dinguh chuh, a dangte chuh haihsan diek lo in.

PAWTDAWKNA 22:21

“Malzin na bawlsiet loh dinguh ahi, muh le na muhsit loh ding uh ahi; nang haw le Aigupta gam akhan malzin na hiu kha.

ISAI 58:6

“An ngawlh dân diktak, ka deihlam chuh ziehi ahi: Diktatlohna namkawlte leh, sukgimtheihna kawlbuh chuh phel sak unla, sukgimtheih a umte chuh thahdawk un.

ISAI 58:7

Eimah an mi gilkielte kawm hawp leh, gimthei kinawhdawk haw eimah In a puih hi hilo maw? Sangawn a umte puona khuh leh, eimah sa tawbang pute kawma kiselguk loh hi ahi puoh a ahim?

JEREMIA 7:23

Ka aw ngaithau inla, na Pathien uh hing ka ting, nang u le ka mite hin lau. Na Pathien a dingun na umdan dinguh ka hun hilh cheng hi zawp un, khutileh, nanguh a dinga pha ding ahi, ti a thu ka piek zawk ahi.

JEREMIA 19:4

Kei ei kiheimangsan u a, zie mun hi a subuok u a, amau leh a suonteu leh Juda leng te’n le a hêtkhâk loh uh pathien dangte kawmah gimlim a hâl ziekun leh zie mun hi pawi khawih lo thisan a a sukdim tâk ziek un.

SUNNA LA 3:36

Lalpa’n lem a sakpih loh a chungthu a mihing lehhei dingin.

EZEKIEL 18:12

Gimthei leh tasamte a pawngbawl a, mi a buluh a, bat neite thil kawih a piek kit loh a, milim haw lam a ngat a, a ho a,

EZEKIEL 45:9

Lalpa Pathien chun hiti hin a gen a, “Nang haw, Israel leng chate leh vaihawmte, Na thagum suohnau leh pawngbawlnate chuh haihsan tau un. Thil dik leh, vaihawmna diktak chuh hih zawu un. Ka mite chuh a gam u apat nawhdawk kit ta kiu in, Lalpa’n, a tii.

AMOS 5:24

Himahlele, thudik a vaihawmna chuh tui bangin luong hen la, diktatna chuh tuilien bangin luong hen!

DAN NIHNA 24:17

“Gam chuom mite leh nauchagahte chuh diklo takin vaihawm khum kiu inla, meithai puon chuh bat gâkna a na lak dinguh ahi puoi;

SAM LEHKHABU THE PSALMS 82:4

Tasam leh chagahte chu hukdawk un la: Minunsie khuta pan chun humbit un.

EZEKIEL 18:7

kuomah a pawngbawl loh a, bat neite thil kawih a piek kit zawk a, kuomah buluh lo a, gilkielte kawma nek ding a pieka, sangawn a umte puon a silh saka,

AMOS 5:15

Gitlohna chuh hawu unla, phatna ngainau unla, kulh kawt ah dikna chuh tung dingun: Joseph te inkuon a mi, a na damsunte chunga chun Lalpa Sepaihte haw Pathien chun lungsietna nei ding ahi ngâl a.