JEREMIA 21:7 - PATHIEN LEKHABU THIENGTHO (BSI)

⁷ Zie zawh tieng chuleh, Lalpa kamsuok chun a tii. Leng Zedekia leh a miliente leh midang zie khawpi a hipi leh chemzâm leh kiel a thi lote chuh Babulon leng Nebuknezar khut leh a melmateu khut leh nang haw hun thah guote khut achun pie’ng ka ting. Chemzâm hiem ah thiu un tin, amau chuh sit puo’n tin, lungsiet diek puo’n tin, lainat diek puo’n a.

JEREMIA 21:7 ပူးပေါင်းရင်းမြစ်များ

JEREMIA 37:17

Leng Zedekia chun a sam dawka, chun, leng chun a insung ah a gukcha’n a dawng a, a kawmah, “Lalpa apat in thu bang ahim bêk a um em?” a ti a. Jeremia chun, “A um hi, Babulon leng khuta matsak in um tei ding na hi,” a ti a.

EZEKIEL 7:9

Chun, gawt loh in hun kawih puo’ng ka ting, na chunga zahngai lo hiel ding ka hi: Na lak u a thil tenum na hih hawu leh na umdan chengcheng chuh hun dit ding ka hi: khutichun, kei Lalpa hi gawt thei ka hi tih hun hen lau.

JEREMIA 13:14

Amau haw chuh kisuktuoh sak ing ka ting, pate leh chapate nasan le tih hi Lalpa kamsuok ahi. Amau haw sukmangthai lohna ding khawp in lungsietna ahim khawtuohna ahim nei puo’ng ka ting, susie zaw bawn ing ka.

DAN NIHNA 28:50

upate le khawksalo, khangthakte le lungsiet diek lo, hiemngam melpu tak nam chuh.

EZEKIEL 9:10

Ken le muh khelh nei puo’ng ka ting ting, lungsiet hiel puo’ng ka ting, a gitloh nau chuh a bûk-abel in khuksak ing ka,” a ti a.

EZEKIEL 8:18

Zieziekchun, ken le lungna taka sawisa ding ka hi: gawt loh in kawih puo’ng ka ting, a chung u a zahngai lo hiel ding ka hi; ngeih tak in ka bil ah kiko leu le ana ngaitha puo’ng ka,” a ti a.

ISAI 47:6

Ka mite chungah ka lungna ta a; Keia te hitalo bang khawp hielin ka bawl ta a; Na thuneihna nuoi ah ka hun pie a, nangin lungsietna himhim latsak lo in na um a, teksiete nasan chuh gilo takin namkawl gik tak na puok saka.

ISAI 27:11

Thing bawkte chuh hung vuoi tha’n tin, bawng intin, tichun, numeite’n meia tih dingin chawm khawm un au. Mipite chun bangmah het theihna mawng mawng a nei puou a, a siempau Pathien in lungsietna leh a chung u a zahngaihna himhim latsak ta puo’n a.

JEREMIA 15:5

“Aw Jerusalem, kuo a hun lungsiet ding? Kuo a hung lungkham pih ding? Na chanchin hun dawng dingin kuo a na kawma hung ding?

JEREMIA 15:9

Cha sagih hing nu chuh a chau ta a, a thagau a thah ta a; sun ahih lai in nisa chuh a tum ta a. A zahhuoi in a min a sie a. Chun, a dang cheng chuh a melmateu in chemzâma a thah dingun pie’ng ka,” tih hi Lalpa kamsuok ahi,

JEREMIA 22:25

Na hinna hawlte khut achun hun pie’ng ka ting, na kihchak pente khut achun, Babulon leng Nebuknezar khut leh Kaldai te khut ngêi achun hun pie ding ka hi.

JEREMIA 27:6

Tuhin le ka suok, Babulon leng Nebuknezar khut ah zie gam haw cheng hi ka pie ta a, gamsate le amah nasem dingin ka pie tai.

JEREMIA 34:3

A khut apat in suokcha hiel puon la, mat hin na tin, tichun, amah khuta piek a um ding na hi. Babulon lengpa chuh na mit ngêi in mu’n na tin, tichun, kimaichangtuoh in kiho un na tin, Babulon gam ah chieh ding na hi.

EZEKIEL 23:28

Lalpa Pathien chun hiti hin a ti ngâla: Ngaitie, na mi hawtte, na lungthima na chim mah mah te khuta chuh hun matsak ding ka hi.

JEREMIA 14:12

Anngawl mahleu le a kiko u chuh ngaitha puo’ng ka ting, hâlmang thilpiek leh buh leh bâl thillat a piek tieng u leh le pawm puo’ng ka; Chemzâmte, kielte, hipite’n amau chuh sumangthai zaw’ng ka,” a ti a.

JEREMIA 19:7

Tichun, zie mun ahin Juda leh Jerusalem thil guot haw chuh bangmahlo suok sak ing ka ting; chun, amau chuh a melmateu masang achun chemzâm in thah sak ing ka ting, a luong hawu chuh chung leng vachate leh lei a gamsate an dingin pie’ng ka.

JEREMIA 20:4

Chun, Lalpa’n hiti hin a ti ngâl a: ‘Ngaitie, nang a ding leh na guolte chengcheng a dingin tizat-um in hun siem ing ka, tichun, a melmateu chemzâm in thah hiu un tin, nangin zie chuh na mit ngêi a mu ding na hi. Judate chengcheng chuh Babulon leng khut ah pie vek ing ka ting; amah chun Babulon ah sal in pui in tin, chemzâm in that in a.

JEREMIA 32:4

Chun, Juda leng Zedekia le Kaldai mite khut apat pawt puo’n tin, Babulon lengpa khuta matsak a um zaw ding ahi, tichun, kimaichangtuoh in kiho un tin, a mit ngêi in a mel mu ding ahi.

JEREMIA 36:29

Chun, Juda leng Jehoiakim chungchâng achun Lalpa’n hiti hin a tii: Babulon lengpa hung in tin, zie gam hi susie’n tin, a sunga mihing leh ganchate hi sumangthai vek in a, ti a kizik chuh bang zieka zie tawbang thu chuh na zik ahim ti’n lehkhabuziel chuh na hâlvam ta a.

JEREMIA 50:17

Israel chuh belam guol a thehdalh ahi a, sakeibaknei te’n a delhmang u a, a masa’n Asuria leng in amah chuh a ne zo a, a tawpna ah Babulon leng Nebuknezar in a guh haw chuh a sukbawt sak tai.

SUNNA LA 2:20

Aw Lalpa, ngaiin, zie hi kuo kawma na hih ahim ngaihtuoh in; numeite chun a cha deih lai tak teu sa chu a neu a; leng khap guon a zui tau a. khata sau naupangte chu ne ding ahiu em? Thiempu leh thiemgaute chu Mun Thiengtho a thah a um ding ahiu em?

SUNNA LA 2:22

Lalpa lungnatna ni a chu kuomah a suohchak loh na ding leh, nutsieh ahihloh na dingun Kutpi ni bang mai in, ka melmateu chu ning tin apat na samkhawm a; Na lungnatna ni chun taidawk leh suokcha himhim a um puoi. Ka dâwn tei uh, ka etkawl lai uh ka chateu chu melma te’n ei thah sak tau hi.