JEREMIA 21:4 - PATHIEN LEKHABU THIENGTHO (BSI)

⁴ Lalpa, Israel Pathien chun hiti hin a tii; “Ngaitie, Babulon leng leh Kaldai mi kulh pawlam a hun um kimvela hun dote gâlvan matchâk chuh vaihkik sak ing ka ting, chun, zie khawpi sunga hin amau chuh puikhawm ing ka.

JEREMIA 21:4 ပူးပေါင်းရင်းမြစ်များ

JEREMIA 33:5

Kaldai te do dingin a hung u a, himahleh, ka lungnatna leh ka thangtawm a ka thah te luong haw chun sudim zawn au, a gitlohna chengcheng teu ziekin zie khawpi apat hin ka mel ka sel ta ngâl a.

JEREMIA 32:5

Tichun, Zedekia chuh Babulon lam ah pui intin, amah ka va veh thâk ma chengin zie tak achun um zing ina, Lalpa’n a tii. Kaldai te chuh do mahleu chin le, lawhting diek puo’n lau,” ti’n.

ISAI 13:4

Ngaiin tânga mipi thawm, mipi nasatak thawm bang mai chuh namtin, lalgam a umkhawm haw sa vengvung thawm chuh Sepaih haw Lalpa chun galdo dingin sepaihhawn a pun khawm ahi tai.

ISAI 5:5

“Tuhin, ka grep huon chunga ka hih ding chuh hun hilh ing ka; a ling dai chuh lamang ing ka ting, nek zawhin um in tin, a suong pal chuh suchim ing ka ting, gamsate tawhden in um ina.

ZEKARIA 14:2

Lalpa’n Jerusalem do dingin nam chengcheng sam khawm ding ahi ngâl a. Khawpi chuh lâk in um intin; Inhaw chule suksiet hi’n tin, numeite chuh pawngsuol in um un au. Khawpi a mi kimkhat chuh sala puih in um un tin, mipi nutsieh a umsunte chuh khawpi apat in sukmang hi puo’n au.

SUNNA LA 2:7

Lalpa’n maichâmte chu nawlh in Mun thiengtho chu a kihdak ta a; A leng In kulh bângte chu melmate khut ah a pie dawk ta a, amau chun Kut lopi ni guolin Lalpa In ah thawm gi a nei u a.

SUNNA LA 2:5

Melmate bang mai in Lalpa’n Israel chu a hihsie ta a; A leng In teu leh kulhpite chu a suchim vek a. Juda chanu chung achun sûnna leh kahna a hih pung a.

JEREMIA 39:3

Jerusalem a lak phet un Babulon lengpa leh a milien haw chuh a bawn un kawtkhak laita pên achun a chuu a; amau haw chuh Nergarsarezer Samgarnebo tawh, Sarsedim, Rabsaris, Nergarsarezer dang leh Rabmag tawh Babulon leng milien dang haw cheng tawh ahiu a.

MATTHAI 22:7

Khutichun, leng chuh a lungna ta a; a sepaih hawn a sawl a, zie tuolthat haw chuh a sumang a, a khuou le a hâl sak ta a.

HOSEA 9:12

A chateu khanlet sak mahleu le, khatchale hin hawih lo in lâkmang sak vek ing ka. Zie mipite hi ka taihsan tieng chu leh, a chunguh a gik na ding e! ti’n.

JEREMIA 52:18

Bel haw leh vutluoh, meivak hekmitna, kuong leh gimlim kawihna thikkhe leh sumeng ûmlebel matchâk haw chengcheng chuh a kilak vek u a.

ISAI 10:4

Kidona a thah ahim, a hihloh leh sala puih a him in um inla. Khuti khawpa a hihsa chun le Lalpa lungnat chuh a hai diek puo a, gawt dingin a khut a tha zing nalai hi.

JEREMIA 20:4

Chun, Lalpa’n hiti hin a ti ngâl a: ‘Ngaitie, nang a ding leh na guolte chengcheng a dingin tizat-um in hun siem ing ka, tichun, a melmateu chemzâm in thah hiu un tin, nangin zie chuh na mit ngêi a mu ding na hi. Judate chengcheng chuh Babulon leng khut ah pie vek ing ka ting; amah chun Babulon ah sal in pui in tin, chemzâm in that in a.

JEREMIA 21:3

Tichun Jeremia chun a kawm u ah, Zedekia kawm achun hiti hin va gen un,

JEREMIA 32:3

Juda leng Zedekia’n a khum a hi a, a kawm achun hiti hin a gen a: “Bang zieka nangin, ngaiin, zie khawpi hi Babulon lengpa khut ah pie’ng ka ting, la ding ahi, Lalpa’n a tii, ti a na genlawk ahim?

JEREMIA 32:24

“Entie, khawpite, tângte chuh la dingin a hung u a, khawpi chuh Kaldai te khuta piek ahi ta a; a hun dote chuh Chemzâmte, kielte, hipite ziek chun, ti chun, na gensa haw chuh a hung ta a, entie na mu hila.

JEREMIA 35:17

Zieziekchun, Sepaihte Lalpa Israel Pathien chun hiti hin a tii; Ngaitiem u, Juda leh Jerusalem a chêngte chunga thil phalo hung tung ding a ka genlawk sate kha hun tun sak ing ka; a kawm u ah thu ka gen a, a ngaitha ngâl puou hi,” ti’n.

SUNNA LA 2:3

Amah chun a lungnatna lauh-um tak chun Israel ki chu a sukbawt saka, a khut changlam chu melma masang apat chun a nung zuk a, Mei ko a kimvela thilte katum zul zul bangin, thil chengcheng chu a katum vek tai.

EZEKIEL 39:3

Na khut veilam apat in na thalpi subawng ing ka ting, na changlam apat in na thalchang chuh sukie’ng ka!