JEREMIA 20:8 - PATHIEN LEKHABU THIENGTHO (BSI)

⁸ Thu ka gen cheng leh ka kap dawk seka, “Kipawngbawlna leh suksietna” ti’n ka kiko dawk a. Lalpa thu chuh kei a dingin sun ni tum a dem leh muhsit lawhna mai ahih ziekin.

JEREMIA 20:8 ပူးပေါင်းရင်းမြစ်များ

JEREMIA 6:10

A hettheih ding un kuo a ka hopih ding, kuo a ka sap ding? Ngaitie, bilvih loh ahiu a, a za thei puou a, Lalpa thu chuh amau dingin nuihzat um ahi a, kipahna himhim a nei ta puou hi.

2 KHANGTHUBU 36:16

Himahleh Pathien mi sawlte chu a na musit u a, a thugen chu a ngaihsak puou a, Thiemgau te chu a nuihsan u a, suohchak na himhim umlo khawpa, Lalpa lungnatna a mite chunga a tun ma chun.

1 PETER 4:14

Krista min zieka hosiet na hih uh chun, na hamphau hi, zie chuh lopina Thagau, Pathien Thagau ngêi chuh na chungu ah a um hi tihna a hi ngâl a.

HEBRAI 13:13

Zieziekchun, eihaw le, amah a muhsitnau chuh kipuok in, khawpi pawlama a kawm lam achun chieh hitiu.

HEBRAI 11:26

Aigupta gam go haw sang chun Krista a gensietnau chuh lopi zaw a seh in, kipahman piek ding chuh a thil zing hi.

LUKE 11:45

Dan sinsaktu khatin a kawmah, “Sinsakpa, zie thu na gen haw hi, kei u le nei sumuolpho ahi,” a ti a.

JEREMIA 28:8

Kei leh nang masanga thiemgaute chun gam tamtak chungah kidonate, thil phalo leh, hipite thu a gen sek uh a.

JEREMIA 20:7

Aw Lalpa, nang in nei na thêm a, thep a um ka hi ta hi. Nang chuh kei sangin na hatzaw a, nei zo ta a. Nichang tumin nuihzatbuk ka hi a, micheng in ei nuihsan u a.

JEREMIA 17:27

Himahleh, chawlhni nit thiengtho ding leh, chawlhni a puokgik puo lo a Jerusalem kulh kawtkhak a lutpih loh ding thu a ei ngaihthak loh u chun, a kulh kawtkhak haw chuh mei in ka’n tin, Jerusalem a leng In te chuh katum zo intin, mit ngei ta puo’n a.

JEREMIA 7:9

Gucha kawm in, tuolthat in, zawlsai leh lepchieh a kihâksiel in Baal kawma gimlim hâl in pathien dang na hêtkhâk loh uh na ho u a.

JEREMIA 5:6

Zieziekchun, gammânga sakeibaknei in amau chuh pet intin, gamgaw a ngei haw chun amau chuh ne zo ina. Keite chun a khawpiteu chuh chang intin; a hung pawtdawk tak u leh bawttel ina. A bawhsiet nau chuh a tama, a nungchawnnau haw a nasat ziekin.

JEREMIA 5:1

Jerusalem kawtthêl achun a suk ato in taiviel unla, en un, melchik unla, a lamlien ningkawi tin chuh hawl un, thil dik bawla thudik hawl mi khat bêk na muh u leh Jerusalem chuh ngaidam ing ka.

JEREMIA 15:10

Ka chung a gik na e! Ka nu’n lei chung pumpi a kiniel hât leh kina mi a nei na hin hi. Kuomah a ka khel puoh a, kuomah a ka palâk diek puoi. Himahleh, ei hansiet khum chiet tho u a.

JEREMIA 15:15

Ziephet chun, ken “Aw Lalpa nangin na hechien a, ei hezing inla, ei hung veh in. Ei sugimtheite chung achun phuba ei lak sak in. Na zahngaihna ziekin ka hinna hi sumang hiel ki’n; Nang mah ziek a minsietna tuok ka hi tih he’n.

HABAKKUK 1:3

Bang zieka zie tawbang nunsietna hi nei muh sak ahi ta’m? Bangti’n a, zie banga thil diklo hihte hi na et zing theih ding? Sietna leh thagum a kibawlna chuh ka kimvel ah a um a, kisuolna leh kinakna chuh mun chengah a um ta a!

2 LENGTE 2:23

Chun, Elisha chun Jerikoh chu a pawtsan a, Bethel ah a va chieh to a; lampi a a chieh lai chun, khuo apat pasal naupangte a hung pawt u a, a kawmah, “Nang lukawlhpa, pawt dawkin, nang lukawlhpa, pawt dawkin,” a tiu a.

ISAI 57:4

Kuo a tawtbawlna a na mat sek uh? Kuo a kam lien tak tak ka a, lei na thâk dawk khum sek uh? Nang haw hi thil sukhielte cha, lepchieh gente suon hilo na hiu hi?