JEREMIA 20:7 - PATHIEN LEKHABU THIENGTHO (BSI)

⁷ Aw Lalpa, nang in nei na thêm a, thep a um ka hi ta hi. Nang chuh kei sangin na hatzaw a, nei zo ta a. Nichang tumin nuihzatbuk ka hi a, micheng in ei nuihsan u a.

JEREMIA 20:7 ပူးပေါင်းရင်းမြစ်များ

HOSEA 9:7

Gawtna ni a hungtung ta a, mipite chun ditthukna chuh mun au. Zie chuh a hungtun tieng leh Israel te chun he ta’n au. “Zie thiemgau pa hi a ngawl ahi; thagau hatkhum a um mi hi a ngawl ahi!” na tiu a. Na gitlohnau chuh a nasat bêk ziekin nei haw zawu ahi.

SUNNA LA 3:14

Ka mite dinga nuihzatbuk ka hung hi ta a, ni tum in ei nuihsan u a.

EZEKIEL 3:14

Khutichun, Thagau in ei dawm kâng a, ei la mang ta a; lungna tak leh dahsasa’n ka chieh ta a, Lalpa khut chuh ka chungah a hât ngâl a.

JEREMIA 20:9

“Amah min chuh gen kha ta puo’ng ka ting, Amah min in le thu gen ta puo’ng ka,” ka ti a. Himahleh, ka guh sung ahin mei-âm kikhum bang mai in ka lunggil sung ahin a sa hut hut a, ka thip hiet hiet thei puoh a, ka kichawl thei puoh ngâl a.

HEBRAI 11:36

Khenkhatte chun chiemnuih a bawlna leh zêpna a thuok uh a, ahi, zielo chun le, thikkawl buh sak leh, suongkul lutna haw le a tuok sek uh a.

1 KORINTH 9:6

A hihloh leh, Barnabas leh kei mai hi, nek kithalawh a nasem ding ka hiu hi?

NASEPTE 17:32

Chun, mithi lak apat thawhkitna thu Paul in a gen chuh a zak phet un, a lak u a khenkhat chun a nuihsan u a, himahleh, khenkhat chun, “Zie thu hi na gen ngaitha kit ung kau,” a tiu a.

NASEPTE 17:18

Chuleh, Epikuria mi leh Stoik mi laka sinsaktu khenkhat inle amah chuh a hung niel u a. A bangin, “Zie mi kamtam hin banga gen a guot?” a tiu a. A bangin, Isu thu leh thawhkitna thu a gen ziekin, “Gamdang pathiente thu gen pa a hih tuok hi,” a tiu a.

LUKE 23:11

Herod leh a sepaihte chun Isu chuh a engho u a, musit takin a bawl u a; puon lopitak silh sak in, Pilate kawmah a sawl kit tau a.

LUKE 16:14

Chun, Pharisaite’n zie thu haw chuh a zak phet un, dangka ngailul a hih ziekun, Isu a nuihsan u a.

MIKA 3:8

Himahleh, kei vang Jakob sukkhelhna sulang ding leh, Israel gitlohna hetsak dingin, Lalpa thagau zieka thil hihtheihnate, vaihawm nate leh hatna te chun ka dim takzet hi.

JEREMIA 29:26

“Lalpa chun thiempu Jehoiada thasang in thiempu dingin a hun siem a, Lalpa Ho-In enkawl na hi a, thiemgau kiti phawt chuh kawlbuh sak in suongkul a na khum ding ahi.

JEREMIA 17:16

Himahleh, aw Lalpa, a chunguh a thil phalo tun sak dingin ka hun sawl kha puoh ngâl a! A sietna dinguh ni le ka deih sak diek puoi tih le na hêi. Ka thugen haw le na he vek ngâl a.

JEREMIA 15:18

Bangti dana ka thuokna hi tawp lo a, sukdam ut lo bang mai ahi; ka natna hi sukdam loh ahim? Keia dingin luicha thephat tui kang sek bang na hi,” ti’n.

JEREMIA 15:10

Ka chung a gik na e! Ka nu’n lei chung pumpi a kiniel hât leh kina mi a nei na hin hi. Kuomah a ka khel puoh a, kuomah a ka palâk diek puoi. Himahleh, ei hansiet khum chiet tho u a.

2 LENGTE 2:23

Chun, Elisha chun Jerikoh chu a pawtsan a, Bethel ah a va chieh to a; lampi a a chieh lai chun, khuo apat pasal naupangte a hung pawt u a, a kawmah, “Nang lukawlhpa, pawt dawkin, nang lukawlhpa, pawt dawkin,” a tiu a.

JOB LEHKHABU THE BOOK OF JOB 12:4

Ka guolte nuihzatbuk mai ka hi a, Diktat tak leh demna bei himahleng mite simmawh leh nuihsan a um ka hi a, Himahleh Pathien in ka pauchamna a dâwn ni hung tung ngêi ina.

SAM LEHKHABU THE PSALMS 119:51

Kisatheite’n nasa takin ei nuihsan u a: Himahlele na dân chuh ka chieh mangsan puoi.

JEREMIA 38:19

Ziephet chun, Zedekia chun Jeremia kawmah, “Kaldai te khuta umsa Judate chuh ka lau hi, a ziek chuh, a khut uh a piek in um ta leng, ei sugimthei ding a hih ziekun a hi!” ti a.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

JOB LEHKHABU THE BOOK OF JOB 30:9

Tuhin vang chuh amau haw a dingin La tawbang mai ka hi ta a, Ahi, amau haw a dingin holimna mai ka hi tai.

ISAI 8:11

Lalpa chun khut hattak in hiti hin ka kawmah thu a gen ngâl a, zie mite lampi a hi ka chieh lohna dingin ei vau hilh masa ahi.