JEREMIA 20:5 - PATHIEN LEKHABU THIENGTHO (BSI)

⁵ Zielo chule khawpi hauhsakna chengcheng te, a sepdawk chengcheng teu, a go thillul haw cheng leh Juda lengte go haw cheng chuh a melmateu khut ah pie’ng ka ting, amau chun buluh un tin, kilak un tin, Babulon lam ah kipuok un au.

JEREMIA 20:5 ပူးပေါင်းရင်းမြစ်များ

EZEKIEL 22:25

Sakeibaknei in hâm kawma a sapeh a lawih tel guolin na sung ah na thiemgaute phielgukna a um ahi; mihing hinna a ne zo u a; go leh thil mantam haw a kilak u a; na sung achun meithai tamtak a siem ui.

JEREMIA 15:13

“Na sumlepai leh na gothilte chuh na gitloh ziek in aman bei in gâllâk in pie’ng ka, na gamgi tiengin.

SUNNA LA 1:10

A melmate chun a go neih cheng chu a lâksak tau a; Lalpa’n na mi pungkhawmte laka a lut loh dinguh ahi, ti a thu ana piek te achu a lut tâk ziekun.

JEREMIA 17:3

Aw nang ka tâng! gamsung pumpi a na gitloh na ziek hin, na sum leh na go chengcheng te, na munsangte tawh gâllâk in pie’ng ka.

2 KHANGTHUBU 36:10

Kum a hung kihei phetin leng Nebuknezar in Jehoiakin chu Ho-In a ûmlebel hawih taktak te tawh Babulon ah sal in a pui a, a paneu Zedekiah chu Nebuknezar in Juda gam leh Jerusalem ah leng in a siem hi.

DANIEL 1:2

Chun, Lalpa chun Juda leng Jehoiakim chuh a khut ah a pie ta a. Pathien In a ûmlebel khenkhatte chuh a la a, tichun, amah chun Shinar gama a pathien in achun a tun ta a.

SUNNA LA 4:12

Mi cheng cheng leh lei a lengte nasan aka tum tai; Gâlte leh melmate Jerusalem kulhkawta a lut ding chu a gingcha puou hi.

SUNNA LA 1:7

Zie banga thawmhau taka a um lai chun, Jerusalem chun a malai lopinate kha a hedawk sek a; Melmate khuta a puksiet lai in kuomah amah panpih ding himhim a um puou. A melma teu chun a puksietna chu a nuihsan tau a.

JEREMIA 39:8

Chun, Kaldai te chun leng In leh a mite In chuh mei in a hâl u a; Jerusalem kulh bâng haw chule a suchim vek tau hi.

JEREMIA 39:2

Zedekia vaihawm kum sawm le kum khatna, tha lina, ni kuo ni chun khawpi kulh chuh a susieu a.

JEREMIA 12:12

Thalek tângsangte chuh pal tan in susie tute a hung u a; gam tawp langkhat apat a langkhat tiengin, Lalpa chemzâm chun ne zo ding ahi ngâl a, muonna nei kuomah a um ta puou hi.

JEREMIA 4:20

Sietna chungah sietna a hung tung tai, gamsung chuh suksiet a hita a, ka puon-In te chuh thakhat a suksiet ahiu a, ka puonzak haw chule mitphetlohkal in suksiet ahi tai.

JEREMIA 3:24

Mahleh, zie thil tenum tak I khangdawng lai u apat ei suonteu in a sepgimnau chuh a ne zo tai; a belam guol teu, a chanuteu leh a chapa teu haw chanin.

ISAI 39:6

‘Ngaitie, na In sunga um chengcheng leh, tuni tienga na pute’n a khawl khawmteu chuh Babulon lam ah puok mang in um intin; bangmah nutsieh um puo’n a. Khutibang nite chuh hungtung ina,’ Lalpa’n a tii.

JEREMIA 32:24

“Entie, khawpite, tângte chuh la dingin a hung u a, khawpi chuh Kaldai te khuta piek ahi ta a; a hun dote chuh Chemzâmte, kielte, hipite ziek chun, ti chun, na gensa haw chuh a hung ta a, entie na mu hila.

HOSEA 13:15

A suohpihte laka lamzang pên himahleh, thalek apat in suohlam huihlum sawl ing ka ting, a tuinak teu chuh kang intin, a tuikul teu chuh gaw zo vek in a. Um-le-bel pha chengcheng, a go chuh hih sie vek ina.