JEREMIA 20:2 - PATHIEN LEKHABU THIENGTHO (BSI)

² Ziephet chun, Pashur chun thiemgau Jeremia chuh a zêp a, Lalpa In a Benjamin kawtkhak chungnung a suongkul a chun a khum ta a.

JEREMIA 20:2 ပူးပေါင်းရင်းမြစ်များ

JEREMIA 37:13

Amah chuh Benjamin kawtpi a tun phet chun, kawtkhak veng lawiupa Hanania chapa Shelemiah chapa, a min Irija a na um a, amah chun, “Kaldai te kawmah na kipiei,” ti’n thiemgau Jeremia chuh a mana.

ZEKARIA 14:10

Gam chengcheng chuh Geba apat a Jerusalem simlam Rimmon tiengin siem guol hung hi’n a. Tichun, Jerusalem chuh a vela gamte chung achun chawihsân hung hi’n tin; Benjamin kawtkhak apat a tumasang a a na umna sa, a ning kawtkhak tieng chun. Chuleh, Hananel insang apat a leng uain thawkna khuk tiengin a mun chuh luoh ina.

JEREMIA 1:19

Hun do untin uh, himahlele hun zo puo’n au; nang hun hukdawk dingin na kawmah ka um ngâla,” tih hi Lalpa kamsuok ahi.

2 KHANGTHUBU 16:10

Tichun, Asa chu thiemgau pa chunga chun a lungna a, suongkul ah a khum ta a, chun, Asa’n mi khenkhat a sugimthei na lai set a.

JEREMIA 36:26

Chun, leng chun lengpa chapa Jerahmeel leh Azriel chapa Seraiah tawh Abdeel chapa Shelemiah chuh lehkhazikpa Baruk leh Jeremia man dingin thu a pie a, himahleh, amau chuh Lalpa’n a selgu tai.

JEREMIA 29:26

“Lalpa chun thiempu Jehoiada thasang in thiempu dingin a hun siem a, Lalpa Ho-In enkawl na hi a, thiemgau kiti phawt chuh kawlbuh sak in suongkul a na khum ding ahi.

2 KHANGTHUBU 24:21

Leng Joash le Zekaria thah guo lak ah a panga, lengpa thupiek in Zekaria chu Ho-In huongsung ah suongin a sep lum tau hi.

1 LENGTE 22:27

Chun, a kawm u ah, leng in hiti hin a tii, ‘Zie pa hi suongkul ah khum unla, lungmuong taka ka hungkit macheng, gimthawkna an leh gimthawkna tui a na pieu un,’ tiu in,” a ti a.

THUPHUON 17:6

Zie numei chuh mi thiengthote thisan leh, Isu min zieka thaha umte thisana kham chun ka mu a. Ka muh phet chun mak ka sa mah mah mai a.

THUPHUON 2:10

Na thil thuok ding haw hi lau ki’n; ngaitie, patepa na um theihna dingin, Diabol chun na lak uh a mi khenkhat chuh suongkul a hun khum ding a hii; tichun, ni sawm sung gimtheihna thuok unlau. Himahlele, thih tiengin taksanum in na um in, tichun, hinna lallukhuk chuh hun pie’ng ka.

NASEPTE 7:52

Nanguh hun suonte’n, thiemgaute laka kuo a, a bawlsiet loh uh um? Mi Diktat hung ding thu hilhlawkte khah a that u a; zie Mi Diktat chuh matsakte leh thatte chuh nangmau hi na hiu apuo!

NASEPTE 5:40

Tichun, sawlchakte chuh a sam lut u a, a zêp u a, tichun, Isu min a thu gen kit lo hiel dingin thu a pieu a, a thahdawk tau a.

NASEPTE 5:18

Khutichun, sawlchakte chuh a man u a, vantâng suongkul a chun a khum tau a.

NASEPTE 4:3

Khutichun, a man u a, nitâk lam a hih ziekin, a zing gei in suongkul ah a khum tau a.

MATTHAI 21:35

Chun, a ngakte chun a suokte chuh a na man u a, khat a zêp u a, khat a that u a; khat suongin a sep u a.

JEREMIA 26:8

Chun, hiti hi ahi a, Jeremia chun mipite kawma gen ding a Lalpa’n thu a piek haw cheng chuh a gen zawhin, thiempute, thiemgaute leh mipi chengcheng te chun amah a man tau a, “Thi tei ding na hi.

JOB LEHKHABU THE BOOK OF JOB 13:27

Ka keng ah kawl nei buh sak a, Ka chieh na chengcheng na en thim a, Ka nieknung nasan na en chien a.

2 KHANGTHUBU 18:23

Ziephet chun Zedekiah chun a va naih a, Makaiah mai ava benga, “Na kawma thu gen dingin Lalpa thagau in khawilam ah ahim ei pawtsan?” a ti a.

JOB LEHKHABU THE BOOK OF JOB 33:11

Ka keng ah kawl ei buh sak a, Ka chiehna cheng a suidawk hi,” na ti a.

1 LENGTE 13:4

Chun, hiti hi ahi a, Bethel a maichâm dem a kiko khum Pathien thu gen chu leng Jeroboam in a het phatin, maichâm apat chun a khut in a vak bân a, “Amah chu man un,” a ti a. Chun a vak batna khut chuh a hung zeng ta mai a, khutichun a khut chu a leh zuk kit thei ta puoh a.

JEREMIA 26:10

Tichun, Juda puitute chun zie thu chuh a zak phet un leng in apat in Lalpa In lutna kawtkhak thak achun a chuu a,

JEREMIA 37:21

Tichun, leng Zedekia chun thu a pie a, “Jeremia chuh vengtu huongsung a suongkul achun a na khum unla, nicheng leh chângthâk siempa In apat in chângthâk tang khat na piek dinguh ahi a, khawpi sunga chângthâk a um lai chan na piek dinguh ahi,” tin. Tichun, Jeremia chuh vengtu huongsung achun khum in a um zing ta a.