JEREMIA 2:8 - PATHIEN LEKHABU THIENGTHO (BSI)

⁸ Thiempu te’n la, ‘Lalpa chuh khawia um ahi,’ le a ti diek puou a, dân enkawl te’n le ei he diek puou a; vaihawm te chuh ka chung ah a hel u a, thiemgau te’n le Baal min in thu a gen u a, thilpha chuom lo a delh tau hi.

JEREMIA 2:8 ပူးပေါင်းရင်းမြစ်များ

HABAKKUK 2:18

Milim pathien hih bang phatchuomna ahi? A siemtu chun a lim a siem ahi a; dangkati te sulsul a kisung; lepchieh sinsak mai ahi a; A siempa chun a thilsiem chuh aleh-ginchak a, milim pau theilo ahi ngâla.

JEREMIA 10:21

“Belam pute chuh a ngawng u a, Lalpa dawtna châng a he puou a; zieziekchun a lamzang puou a, a belam guol teu chuh a kithehzak zo tai.

JEREMIA 5:31

Thiemgaute chun lepchieh thu ngen a genlawk u a; thiempute chun la a thu thuu in vai a hawm u a; ka mite chun khutibang hih chuh a nawp lam uh ahi. Himahleh, a tâwp a hung tun tieng bangti’n na hih ta ding u le?

2 KORINTH 4:2

Thuguk leh thil zahchâk um te chuh kawih mang in, lepchieh takin na ka sem puou a; Pathien thu le milemna’n ka mang diek puou hi. Thudik hetsak in, Pathien mitmuh in, mi tin sie leh pha hetna mit tunga um ka guo zaw sek uh ahi.

JOHAN 16:3

Zie thil haw chuh hih un au, Kei leh Pa ei het loh ziekun.

HOSEA 4:6

Ka mite chuh hetna tâksap zieka sukmangthai ahiu a, hetna na deih loh ziekin ken le ka thiempu nasem dingin ka hun deih ta puoi. Na Pathien dân na hengilh viela, ken le na chate hengilh ing ka.

JOHAN 8:55

Nangun amah na he kha puou a, himahleh, ken ka hêi. Amah chuh ka he kha puoi, ti leng, nang haw guol mah a lepchieh hi ding ka hi. Himahleh, amah chuh ka he a, a thu le ka zawp ahi.

LUKE 11:52

“Na chunguh a gik hi! Nanguh, dân sinsakte haw, Hetna dinga kawt hawnna chabi chuh na kivawp u a; nang haw la lut guo diek lo in, mi dang lut guote la na kham ngâl u a!” a ti a.

MATTHAI 16:26

Mi’n khawvel pumpi hi nei hen la, a hinna chan ngâl henla hileh, amah dingin banga phachuom ding? Ahihloh leh, mi’n a hinna sika banga a piek ding?

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.

JEREMIA 12:10

Belampu tamtak te chun ka grep huon a susieu a, ka chanvo chuh keng in a tawhden u a, ka chanvo deihum tak mai chuh thalek gamgaw a suok sak tau hi.

JEREMIA 7:8

“Ngaitiem u, phatchuomna umlo lepchieh thu na taksang u a.

JEREMIA 4:22

Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.

JEREMIA 2:11

Nam dang te chun pathien tak hilo mahleh, a pathien uh a sang ngei puou a, ka mite’n vang kei a lopi na Pathien uh hi thil phachuom lo tawh ei theng tau hi.

JEREMIA 2:6

Aigupta gama pata ei puidawk a, gamthip gamgaw kawkhuk leh thihna lim leh gamgaw mun, kuomah chen loh na mun apat a ei puidawk pa Lalpa kha khawia um ahi ta? a ti diek puou hi.

ISAI 30:5

Mipite chuh nam kingakna tâk lo leh, panpih thei lote chunga a kingak ziek u chun muolpho un au.”

ISAI 29:10

Lalpa chun, ihmut suokna thagau chuh na chunguh ah a sung tha a, na thiemgaute chuh mipite mit ahiu a, himahlele, nanguh thil mulawk theite, na mit uh ahun sukdûk sak ta a.

ISAI 28:7

Himahlele, amau haw chun uain ziekin a sukhiel tau a, khamtheih ziekin a lawn chui chui u a, thiempu te leh thiemgaute chule zukham in a lawn duoi duoi u a, uain valh zawhin a um u a, zu ziekin a hâwi duoi-duoi u a, kilâkna chuh a he thei ta puou hi; vaihawmna thu ale a kipalpai tau hi.

1 LENGTE 18:40

Chun, Elijah chun a kawm u ah, “Baal thiemgau haw hi man unla, khatchale thahsuok kiu,” a ti a. Amau chun a man u a: Elija chun Kishon lui ah a pui tha suk a, zie tak achun amau haw chu a that vek ta a.

1 LENGTE 18:29

Chun, ni a hung kihei phet chun hiti hi ahi a, nitâk lam kithawih hun tiengin a sam a sam mai u a; himahlele aw gi mawng mawng a um ta puoh a, a dawng mawngmawng a um puoh a, a na ngaihsak mawngmawng le a um diek puoi.

1 LENGTE 18:22

Ziephet chun Elijah chun mipite kawmah, “Lalpa thiemgau um sun chu kei mai ka hi a; Baal thiemgaute vang chuh mi zali leh sawmnga ahiu hi.

1 SAMUEL 12:21

bangmah a mattheihloh, hun panpih thei leh hun hukdawk thei le hilo zui in petsan kiu in, bangmahlo ahi ngâl u a.

1 SAMUEL 2:12

Chun, Eli chapate chu Belial chapate ahiu a; Lalpa chuh a he puou a.

DAN NIHNA 33:10

Jakob te chuh hilh in au na thutanna haw, Israel te chuh, na dân; Na ma ah gimlim kawih in au, Na maichâm ah hâlmang kithawihna,

JEREMIA 9:14

Himahleh, lochal tak leh amau deih bang taka a suonteu in a sinsak Baal chuh a delh zui zawk tâk ziekun.

JEREMIA 18:18

Tichun, amau chun, “Hung tiem u, Jeremia hi mat ahih theihna ding ngaihtuoh hitiu, thiempute lak apat dân thu bei ding ahi puoh ngâl a, mipil apat in lemguotna, chun, zawlnei apat in thu bei diek puo’n a. Hung tiem u, gensie sausau hitiu, a thu himhim ngaihsak hiel puoi tiu,” a kitiu a.

EZEKIEL 22:26

A thiempute chun le nasatak in ka dân a bawhsieu a, ka thil zek haw a subuok u a, thil zek leh thil maimai a khenchuom him puou a, thil buok leh thil thieng kikhiekna le kuomah a sinsak puou; ka Chawlhni te chuh a ngaidau u a, khutichun a lak u ah sukminsiet in ka um ahi.

EZEKIEL 34:2

“Mihing chapa, Israel belampute chungah genlawk inla, genlawk inla, a kawm u ah, ‘Lalpa Pathien chun belampute kawm achun hiti hin a tii: Israel belampu, amau leh amau kivâk chauh haw chung chuh agik ie! Belampu chun belam hawn chuh a vak dinguh hilo ahim?

JOB LEHKHABU THE BOOK OF JOB 35:10

Himahleh, kuoma’n, “Ei siempa Pathien chuh khawitaka um ahim, Zan laia la ei sak sakpa chuh?