JEREMIA 2:7 - PATHIEN LEKHABU THIENGTHO (BSI)

⁷ Gam phatak agah leh aphatna chen dingin ka hun puilut a, himahleh, na lut phet un ka gam chuh na subuok u a; ka go chan chuh thil ten um na suok sak tau hi.

JEREMIA 2:7 ပူးပေါင်းရင်းမြစ်များ

JEREMIA 16:18

Tichun, a luong uh kihdak-um thil haw chun ka gam a subuok u a ka gochan chuh manlohna a a sukdim tâk ziekun, a gitlohnau chuh a lehnih in dinthuk ing ka, tih hi Lalpa kamsuok ahi.

KISIMNA 13:27

A kawm u ah, “Nei sawlnau gam achun ka va chieh u a, bâwngnawi leh khuoizu a luong gam ahi a; a gam gah haw le ka hun puou hi.

EZEKIEL 36:17

“Mihing chapa, Israel inkuon chuh amau gama a chen lai u khan a umdan u leh a thilhih hawu chun a subuok u a; a umdan u chuh kei dingin numei a thineih laia a buokna tawbang mai ahi a.

JEREMIA 3:9

Chun, a hûk thanghuoi na haw ziek chun gam chuh a buok zo ta a, thingbul suongbul kawmah zawl a sai ta a.

JEREMIA 3:1

“Mi’n a zi ma hen la, amah taihsan in pasal dang nei leh; a pasal masa chun a na pawm kit dem? A gam chuh buok lawh hiel lo ding ahim? Nang chuh tamtak kawmah nawhchizuok bangin na khawsa a; khutisa chun ka kawmah na hung vaikit die? tih hi Lalpa kamsuok ahi.

MIKA 2:10

Tho un la, chieh mang un! zie tak ahin bitna a um diek puoi. Na gitlohna ziekun, zie mun hi sietna lauh-um tak tunna mun in na siem tau hi!

EZEKIEL 20:6

Zie ni khan amau chuh Aigupta gam apat a puidawk a, amau dinga ka gam huol, nawitui leh khuoizu a luong gam, gam chengcheng laka gam hawihpen a chuh puilut dingin a kawm u ah kihâksielna’n ka khut ka zaka.

NEHEMIA 9:25

Kulh nei khawpi leh gam phatak haw chuh a lau a, thilpha chitin a dim in a luoh u a, tuikhuk laihsate, grep huonte leh theikung tampi a nei u a. Tichun, a neu a, a vah u a, a hung thau tau a, na phatna chuh kiningting tak in a nawpchen u a.

DAN NIHNA 21:23

A luong chuh thing lêka a zan gieh ding ahi puoh a, zie ni ngeia chuh na vuih dinguh ahi; thinga kikhai taphawt chuh Pathien gausap chang ahi ngâla; Lalpa na Pathien un luoh dinga a hun piek gam chuh na sukbuok lohna dingun.

DAN NIHNA 6:18

Lalpa mitmuha dik leh pha chuh na hih zel dinguh ahi, khutichun; nang u dingin pha’n tin, na pileputeu kawma kihâksiela a tiem gam phatak a chuh lut in luoh thei inlau.

JEREMIA 3:2

Tang kawlh velvul lam akhun na mit thawlh viel inla, entie, a hun kuolpih loh na mun uh a um em? Gamthip a Arabia mi bang mai in, amau haw ngak in lamsîk ah na chu zing sek a. Na gitloh na leh na hûknate ziekin gam chuh a buok zo tai.

JEREMIA 32:23

A hunglut u a a luoh tau a; himahleh, na kamsuok a nit puou a, na dân le a zui diek puou a, hih dinga na thupiek haw le a hih puou a, zieziekchun, zie thil phalo haw cheng hi a chung u a na tunsak ahi hi.

JEREMIA 32:30

Israel chate leh Juda chate chun a tanglak u apat in ka mitmuh a thil phalo ngen a hih ngâl u a: Israel chate chun a khut nasep hawu chun ei sulungnau hi, tih hi Lalpa kamsuok ahi.

EZEKIEL 20:28

Khut zak hiela amau ka tiem gama hi ka puih lut phetin, tâng sang leh thingbawk pha a muhna taphawt u ah kithawihna a siem u a, a thilpiekteu lungnat-um tak haw chuh a pieu a. A gimlim thilpiek hawu chuh a pieu a, a dâwn ding thilpiek hawu chuh a sungtha ngâl u a’, ti’n.”

HOSEA 9:3

Israel mipite chuh Lalpa gam ah cheng den puou untin, Aigupta lam ah vaikit untin; Asuria gama chun an thienglo ne’n au.

DAN NIHNA 32:9

Lalpa chanvo chuh a mite ahiu; Jakob suonte chuh a gochan ahiu.

NEHEMIA 9:26

“Himahlele, thu awilo in na chungah a kiphin u a; na dân a nungngat u a, nang lam a hun puihkit guo thiemgaute chuh a that u a, lungnat um takin thil a hih u a.

ISAI 19:25

Sepaihte Lalpa chun, “Ka mi, Aigupta te haw leh, ka khutsuok Asuria te haw leh ka gochan Israel te haw chuh vangsak in um u hen,” ti’n a vangsak ta ngâla.

EZEKIEL 20:24

Ka thutanna haw a zuih loh u a, ka dân siem haw a muhsit u a, ka sabbath haw a bawhsiet u a, a pileputeu milim haw a mitkat zawk ziek un.

EZEKIEL 23:35

Zieziekchun, Lalpa Pathien chun hitihin a tii: Nei hetngilh a nei nutsieh tâk ziekin, na hûkna leh na nawhchizawkna mawh chuh na puok ding ahi, ti’n.