JEREMIA 2:6 - PATHIEN LEKHABU THIENGTHO (BSI)

⁶ Aigupta gama pata ei puidawk a, gamthip gamgaw kawkhuk leh thihna lim leh gamgaw mun, kuomah chen loh na mun apat a ei puidawk pa Lalpa kha khawia um ahi ta? a ti diek puou hi.

JEREMIA 2:6 ပူးပေါင်းရင်းမြစ်များ

DAN NIHNA 32:10

“Gamthip gam ah amah chuh a mu a, Gamthip chai tieltuol leh mau hulhul achun; ûmkimvel in a enkawla, A mitnaucha bangin a veng.

HOSEA 13:4

Kei hi Lalpa na Pathien uh, Aigupta gama pata hun puidawkpa chuh ka hi. Kei tihloh chuh Pathien dang na nei puou ui. Kei chauh hi a hun hukdampa chuh ka hi.

MATTHAI 4:16

Thim nuoia chute chun vak lopitak a muu a; Thihna mun leh a lîma chute chunga chun vak a hung pawt tai!” ti a a gen kha a hung tun theihna dingin ahi.

HOSEA 12:13

Thiemgau mang in Israel chuh Aigupta gam apat in Lalpa’n a puidawk a, thiemgau mah mang in Lalpa’n a hukbit hi.

JEREMIA 5:2

Amau chun Lalpa chuh a hin zing bangin a ti nau a, lepchieh a kihâksiel ahiu hi.

JEREMIA 2:8

Thiempu te’n la, ‘Lalpa chuh khawia um ahi,’ le a ti diek puou a, dân enkawl te’n le ei he diek puou a; vaihawm te chuh ka chung ah a hel u a, thiemgau te’n le Baal min in thu a gen u a, thilpha chuom lo a delh tau hi.

JEREMIA 2:2

Chieh inla, Jerusalem zak in kiko inla, Lalpa’n hiti hin a tii, ti’n: “Na khangdawng laia na nunnem zie te; kihuol laia nei hehpih ziete khah ka hezing hi. Gamgaw muntin ale nei zui a, bangmah chin khâk loh na gam haw ale nei zui sek kha.

ISAI 64:7

Tichun, na min sama nang hun tu dinga kisuhalh kuomah a um puou a, kei u kawmah na mai na sel ta a; Ka gitloh ziekun nei sumangthai ta a.

ISAI 63:9

A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.

SAM LEHKHABU THE PSALMS 77:5

Malai nite chu ka ngaihtuoh ta a. Malai hun leh kum te chu ka hezing a.

SAM LEHKHABU THE PSALMS 23:4

Ahi, thihna lîm guom thim hawh mahleng le, Thil phalo mawngmawng lau hiel puo’ng ka; nang ka kawmah na um ngâl a, Na khetbuk leh na mawlh in nei thamuon sek ahi.

JOB LEHKHABU THE BOOK OF JOB 35:10

Himahleh, kuoma’n, “Ei siempa Pathien chuh khawitaka um ahim, Zan laia la ei sak sakpa chuh?

JOB LEHKHABU THE BOOK OF JOB 3:5

Thim sah tak leh thihna lim chang u henla, A chungah meipi zing hen la; Sun a thim chuh tizat-um hielin um hen.

2 LENGTE 2:14

Chun, Elija puon hung ketha a lâk chun tui chu a vak zêp a, “Lalpa, Elija Pathien chu khawitak ah a um hi?” a ti a. Tui chu a vak zêp kit leh, tui chu aleh lam gel achun a hung kikhen ta a, Elisha chu a chieh gâlkai ta a.

VAIHAWMTE 6:13

Chun, Gideon chun a kawmah, “Aw hepu, ka kawm u a Lalpa a um chun bangti dana zie bangpi hi ka chung u a hungtung ahim? a ti a. Ka pileputeu in, Lalpa’n Aigupta gam apat nei puidawk a, thilmak taktak a hih sek hi ti a ei hilh u haw kha bangti ahi ta’m? Tuhin chuh Lalpa’n ei kinungheisan a, Midian te khut ah ei pie ta hi,” a ti a.

PAWTDAWKNA 20:2

“Kei, Lalpa na Pathien uh, Aigupta gama suok apat a hun puidawkpa chuh ka hi.

DAN NIHNA 1:19

Chun, Lalpa I Pathien un thu ei piek guolin Horeb tâng apat chun I pawt u a, Amor te thingtâng gam lampi a gamthip zatak leh lauh-um tak na muh u kha I hawhpai u a, khutichun, Kadesh-barnea chuh I hung tung u a.

JEREMIA 13:16

Lalpa na Pathien u chuh limbawl unla, thim a hun tunsak ma a mielzul a tâng chung haw a na keng uh na suih mau hin, vak na kinep lai tak un thim a hung tunsak a, thim sah tak mai chuh siem ding ahi.

JEREMIA 51:43

A khawpite chuh hawmngawn in a um ta a, thalek, gamgaw, mihing himhim chen loh na, mihing cha kuomah tawh khâk loh gam a hung suok tai.

DAN NIHNA 8:2

Chun, a thupiek haw chuh zui ding na hiu em na hi puou em, na lungthim uh hetna dinga hun patep ding leh hun sugimthei dinga gamthip a kum sawmli a hun puihna lampi chengcheng kha hezing un.

JEREMIA 5:12

Lalpa chuh lepchieh hih sak in, “Bangmah hih thei puo’n a, sietna le I chung u ah hung tung diek puo’n tin, chemzâm ahim kiel ahim le thuok lo ding I hiu hi.

AMOS 2:10

Chun, Amor te gam luoh dingin, Aigupta gam apat in ka hun puidawk a, gamthip ah kum sawmli sung chuh nanguh ka hun pui a.