JEREMIA 2:36 - PATHIEN LEKHABU THIENGTHO (BSI)

³⁶ Bangti dana baihlam taka na umdan theng viel zung zung sek na hi? Asuria’n a hun sukzahchak bangin Aigupta’n le hun suzakcha ding ahi.

JEREMIA 2:36 ပူးပေါင်းရင်းမြစ်များ

JEREMIA 31:22

Aw nang, chanu nungchawn, bang chan ahim na zawn vak ding? Lalpa chun lei ahin thil thak a siem ta a, numei in pasal hum zaw ta ding ahi,” ti’n.

HOSEA 5:13

Ephraim in a damlohnate mu a, Juda chun a liemnate a muhdawk tieng chu leh, Ephraim chuh Asuria gam vaipawpa kawmah panpihna ngên in chieh intin, himahleh a natna ahim, a liemna ahim chuh sudam thei diek puo’n a.

HOSEA 12:1

“Ephraim chun huih kivâk na’n a manga, suohlam huih chuh a zui seka: zuou thu leh kipumbawlna thu ahih pung hiei hiei a, Asuria tawh thu a thun u a, Aigupta lam ah thau a paw lut hi.”

JEREMIA 2:23

Ka kisubuok puoh a, Baal pathien le ka delh puoi, bang ti a ti thei na him? Phaicham a na nung chang chuh en inla, na thilhih sa haw chuh kihet in. Sangawngsau tuoi hûk tai viel viel tawbang phet na hi.

2 KHANGTHUBU 28:16

Edom te chun Juda te chu a hun do pan tau a, tamtak a man tau a.

HOSEA 14:3

Asuria te chun ei hukdam thei ta puou a, kidona sakawlte chun le ei hukbit thei diek puoi. Ka khutsuok teu kawm achun, ‘Ka pathien uh na hiu,’ ti kit ngêi ta puo’ng kau. Nauchagahte chun nang ah zahngaihna a mu sek ngâl u a,” ti’n.

HOSEA 10:6

Amah ngêi chule lengpa Jareb kawma piek dingin Asuria gama chiehmang pih hi’n a: Ephraim chuh sukzahchak hi’n tin, Israel chun amah thu pun ngêi chuh zahpih ina.

HOSEA 7:11

Ephraim chuh vakhu lungmawl, hetthiemna neilo tawbang ahi a, a mite chuh Aigupta kawmah panpihna ngên in a chieh u a, a zawhin Asuria te kawmah a tai kit u a.

EZEKIEL 29:7

Khut a ahun tûk u leh na bawnga, a liengko uh na sun ek a; kinelna a ahun mat u leh na bawnga, a kâwng uh a kithing chan chan a.

SUNNA LA 5:6

Ka hin zawm theihna ding un. Aigupta leh Suria te kawmah khutdawh in ka vak tau hi.

SUNNA LA 4:17

Ei u chu panpihna hungtung lo ding thîlna’n I mitteu a chau zo ta a; Ei hukbit theilo ding namte chu I ngak u a.

JEREMIA 37:7

“Lalpa Israel Pathien chun hiti hin a tii: Juda leng kei ei dawng dinga hung pa kawm achun hiti hin gen in, Ngaitie, nang hun panpih dinga hung Pharaoh sepaihte khu, amau thu’n a gam uh Aigupta ah vaikit ding ahiu hi.

JEREMIA 2:33

Ahun deihchate muh theih na dingin na um dân na hih fel a, numei gilo haw kawm ale na umdan na sinsak ta hi.

JEREMIA 2:18

Nile luipi tui dâwn dinga Aigupta lampi na hawh hi nang a dinga banga phachuom? Euphrates tui dâwn dinga Asuria lampi na hawh hile nanga ding a banga phachuom?

ISAI 20:5

Tichun, a kineppih pên uh, Ethiopia te leh, a suon pên uh Aigupta te ziek chun, lungkham tak leh zahhuoi takin um un tin, a kinepnau bei ina.

JEREMIA 46:12

Namtin in na zahchâkna chuh a hedawk tau a, na kah thawm chuh khawvel pumpi ah a dim ta a, gâlhât leh gâlhât a kido u a, lei ah a puk gel tau hi!

EZEKIEL 16:28

“Asuria mite kawma le na hûk manga, na khawp theih loh ziekin ahi, a kawm u ah na kiphahkadak a, na khawp diek chuong puoh nalai a.

JEREMIA 22:20

Lebanon achun chieh to inla, kap un. Bashan achun na aw suoh inla, Abarim achun kiko in. Nang hun ngaizawngte chengcheng chuh suksiet in a um ta ngâl u a.

JEREMIA 22:22

Na belampute cheng chuh huih in mût mang intin, nang hun hehpihte chuh sal in tâng untin, zie tieng chuleh nang le na gitlohna haw chengcheng ziekin, zahhuoi tak leh lungkham takin hung um tei ding na hi.