JEREMIA 2:34 - PATHIEN LEKHABU THIENGTHO (BSI)

³⁴ Na puonchen nasan ah mi gimthei, thilsie bawllo te hinna thisan a bek hi. A hun buluh te na thah le hi sâm lo in,

JEREMIA 2:34 ပူးပေါင်းရင်းမြစ်များ

2 LENGTE 21:16

Lalpa mitmuha thil gilo tak hih a, Judate milim ho dinga a puih mang tih loh in, Manasseh chun gitlohna neilo, mi tamtak a that a, Jerusalem khawpi sung chu thisan in a luong hiel hi.

JEREMIA 19:4

Kei ei kiheimangsan u a, zie mun hi a subuok u a, amau leh a suonteu leh Juda leng te’n le a hêtkhâk loh uh pathien dangte kawmah gimlim a hâl ziekun leh zie mun hi pawi khawih lo thisan a a sukdim tâk ziek un.

2 LENGTE 24:4

pawikhawihlo thisan a suoh a, Jerusalem chu pawikhawih lo te thisan a a sukdim ziekin Lalpa’n a ngaihdam nuom loh ahi.

PAWTDAWKNA 22:2

Gucha, mi In a lut chuh ana man in, ana zêp lum ta leh a thisan phuba chuh um puo’n a.

EZEKIEL 24:7

A thisan suoh chuh amah sung ah a um ngâla, leivui in a khuh theihna dinga leituol a sunthak sangin suongpi gaw chungah a sungtha zaw a.

EZEKIEL 20:31

Thilpiekte na piek u a na chateu meia na paih lut tieng u leh tuni chan hin na milim hawu achu nangmau leh nangmau kisubuok na hi ngâl u a. Nang haw’n thudawt a neih dinguh ka hi a ahim, Aw Israel insung mite haw? A hin a ka hin sung chuh nang haw dawt in um puo’ng ka, Lalpa Pathien chun a tii.

JEREMIA 8:12

Thil kihdak-um a bawl u hi a zakchau hi? Zakchalo, a zakcha hiel puou, a mai u le a muol chuom puoi. Zieziekchun, a pukte chu tawh pukkhawm untin amau haw ka vehthak ni leh paih thak hi’n au, tih hi Lalpa kamsuok ahi.

JEREMIA 7:31

A chanuteu leh a chapa teu hâl dingin Hinom guom achun Topheth mun sang haw chuh a siem u a, ziehaw chuh ka thupiek ahi puoh a, ka lungthim ale a um kha puoi.

JEREMIA 6:15

Thil ten um a hih un le a zakcha diek um? Hilo, a zakcha hiel puou a, a mai u le a muol diek puoi. Zieziekchun, midang lak achun puk untin, amau haw chuh ka gawt tieng leh a tâwp nau chuh hita’n a, Lalpa’n a tii.”

ISAI 59:7

A kengteu chuh thil phalo lam zuonin a suon u a; kin takin gitlohna neilote thisan a suoh sek ui. A ngaihtuohnau chuh manlohna lungthim ahi seka; a lampiu achun chigapna leh sietna aum hi.

ISAI 57:5

Gangpi bul tin leh thing hing nuoi tin ah na kipawlthanghuoi u a; phaicham leh suongpi kek kal haw achun na chateu kithawihna dingin na pie sek u a.

ISAI 59:3

Na khutteu chuh thisan a sukbuok in a um a, na khutzungteu chule manlohna a sukbuok in a um a; na mûk teu chun lepchieh a gen a, na lei u chu gitlohna thugen in a phun mulmul sek hi.

JEREMIA 2:33

Ahun deihchate muh theih na dingin na um dân na hih fel a, numei gilo haw kawm ale na umdan na sinsak ta hi.

JEREMIA 7:6

Nam dang mite, pa neilote meithaite na bawlsiet loh u a, zie mun ahi mi dik thisan na suoh loh u a na sietna ding u a pathien dangte na delh diek loh u chun,

SUNNA LA 1:9

A kihdak-umna chu a puonmawng ah a bek a; himahleh a tawpna ding chu a ngaihtuoh puoi. Nasa takin a puksie ta a; thamuontu ding himhim a nei puoi. A melmate’n a zo tau a, zahngaihna ngenin Lalpa, ngaitie, ka melma ten ei sukgimtheih zieu hi.

SUNNA LA 4:14

Kawtthêl haw achun mitdûk guolin a vakviel viel u a, thisan in a kisubuok u a, kuoma’n a silhlechen teu nasan a sukha nuom puou hi.

EZEKIEL 9:9

Ziephet chun, amah chun ka kawmah, “Israel leh Juda insung mite gitlohna hi alien bekseka ahi; gamsung chuh thisan suohna’n a dima, khawpi sung chuh diklo taka vaihawmna’n a dim ta ahi; ‘Lalpa’n gam chuh a nusieh ta a, Lalpa’n bangmah a mu dang e!’, a ti ngâl u a.

EZEKIEL 22:25

Sakeibaknei in hâm kawma a sapeh a lawih tel guolin na sung ah na thiemgaute phielgukna a um ahi; mihing hinna a ne zo u a; go leh thil mantam haw a kilak u a; na sung achun meithai tamtak a siem ui.

PAWTDAWKNA 22:1

“Kuo’n le, bâwngchal ahim, belam ahim a gûk a, a thah hi henla, a zuok hilele, bâwngchal khat mana chuh bâwngchal nga a piek ding ahi, belam khat thasang a chuh belam li a piek ding ahi; ahi’n, zie chuh ahih theih loh chun, a gukchak man chuh amah chuh zuok ding ahi; a gancha gûk chuh bâwngchal ahim, sabiltung ahim, belam ahim hilele a hinga muh kit ahih chun a lehnih a a dit ding ahi.

EZEKIEL 23:45

Himahleh, mi diktat te chun numei zawlsai a thisan suoh te gawtna tawbang chun amau chuh gawt in au, zawl a saih u a, a khut u a thisan a beh ziekin.