JEREMIA 2:32 - PATHIEN LEKHABU THIENGTHO (BSI)

³² Nungak in a kicheina haw a hengilh in, mo thak in a kithuomna a hengilh thei em? Ka mite’n vang ei hetngilh niu hi simsen ding guol ahi ta puoi.

JEREMIA 2:32 ပူးပေါင်းရင်းမြစ်များ

SAM LEHKHABU THE PSALMS 106:21

Pathien a hukdampau chuh a hengilh tau a, Aigupta gama thil lopi tak tak hih pa chuh, A hukdampau Pathien chuh a hengilh tau a,

JEREMIA 13:25

Ziehi na chanvo, nang a dinga ka hun guotsak chuh ahi. Nei hengilh a lepchieh na taksan ziekin tih hi Lalpa kamsuok ahi.

JEREMIA 3:21

Tang sang chai velvul chung haw achun thawm a um a, Israel chate kah thawm leh thil nget thawm chuh. Lalpa Pathien a hengilh u a, a umdan uh a thanhuoi tâk ziekin.

JEREMIA 2:11

Nam dang te chun pathien tak hilo mahleh, a pathien uh a sang ngei puou a, ka mite’n vang kei a lopi na Pathien uh hi thil phachuom lo tawh ei theng tau hi.

ISAI 17:10

Israel Pathien, nang hun hukdawkpa leh, suongpi dettak guola nang hun vengbitpa chuh na hengilh ta a. A thasang in, gamdang pathien hona dingin huon thiengtho poh na kisiem zaw ta a.

HOSEA 8:14

“Israel chun a Siempa a hengilh a, tichun, leng In haw a kisak a, chun, Juda chun khawpi kulh nei tampi a sa a; himahleh, a khawpite chung achun mei sawl ing ka ting, a leng inteu chuh mei in katum zo ina”. ti’n.

ISAI 61:10

Lalpa achun nasa takin kipâk ing ka ting, ka lungthim le ka Pathien chung ah kipâk in a; amah chun hukdamna puon ei silh saka, diktatna puonâk chuol in ei thuom ta ngâla. moneipa chuh pakchavui a a kithuom a, mo chuh sana khite a a kichei bangin.

SAM LEHKHABU THE PSALMS 9:17

Minunsie te chun Sheol zuon un tin, Nam Pathien hetngilh te chengcheng chu tawh.

JEREMIA 18:15

Himahleh, ka mite chun vang ei hengilh tau a, milim pathien haw masangah gimlim a hâl tau a. Ziehaw chun a chieh na lampi hawu achun a kisuih sak a, lampi lui u chuh zui lo in, lampi neu haw achun a chieh tau hi.

JEREMIA 13:10

Zie nam gilo, ka thu te ngaitha nuom lo a, amau haw lunggil tâk na bang a pathien dangte nasem leh ho dinga delh zuite hih zie kâwnggak bangmah a pang thei talo tawbang hi hung hi ding ahiu hi.

THUPHUON 21:2

Chun, khawpi Thiengtho Jerusalem thak chuh, mo, a pasal tuok dinga kichei tawbanga kisazo diem in. Pathien kawm apat, van a hung suk le ka mu a.

EZEKIEL 22:12

Na sunga chun thisan suoh dingin gawlhgukna a lau a, a lawk leh a pung na la a, na invengte thil na pawng lak sak a, diklo takin na kisulawk a, kei nei hengilh ta ahi,” Lalpa Pathien chun a tii.

THILSIEMBUL 24:22

Chun, sangawngsau haw chun a dâwn khawp phet un suokpa chun sana sekel kimkhat bûk nak buh leh a khuta buh ding chaucha nih sekel sawm bûk a ladawk a,

2 SAMUEL 1:24

Nang haw Israel chanute haw, Saul chu kah un, Puonsan hawihte a hun silh sak a, Na puonhawu a sana zêphawih hun belh sakpa chu,

THILSIEMBUL 24:53

Chun, Abraham suokpa chun dangkaguo kicheinate, sana kicheinate leh silhlechen haw a ladawk a, Rebekah chuh a pie a. A suohpihpa leh a nu chule thil mantam taktak te a pie tai.

THILSIEMBUL 24:30

Laban chun nakbuh leh chaucha a suohpihnu khuta um haw chuh a mu a, “Mi khatin ka kawmah hitibang hin thu a gen hi,” a ti a, a suohpihnu Rebekah thugen haw chuh a het phetin, zie mipa kawm achun a chieh ta a, ngaitie, amah chuh tuikhuk a sangawngsau haw kieng achun a na ding zing hi.

ISAI 57:11

“Kuo na lauh ziek leh na kihchak zieka lepchieh gena ei hezing lo a ei ngaihtuoh lo na hi? Hun sawttak ka hun thipsan ziekin nei limbawl talo ahi maw?

JEREMIA 2:33

Ahun deihchate muh theih na dingin na um dân na hih fel a, numei gilo haw kawm ale na umdan na sinsak ta hi.

DAN NIHNA 32:15

Ahihziekin, Jeshurun te chuh a hung thau u a, ahi lawk lawk u a; Na hung thau a, na hung mûm a, na hung zawl ta a; Khutichun, a siempa Pathien chuh a nusieh ta a, A hukdamna suongpi chuh a ngaidau hi.

VAIHAWMTE 8:34

Chun, Israel chate chun a kimvel u a melma te laka hukdawk sek Lalpa a Pathien u chuh a hengilh tau a.

JEREMIA 23:27

Amau haw chun a invengteu kawma a mang uh gen in, ka mite chuh ka min a hetngilh sak guou a, a pileputeu in Baal zieka ka min a hetngilh sek bang uh khan!