JEREMIA 2:31 - PATHIEN LEKHABU THIENGTHO (BSI)

³¹ Aw khangthak te haw Lalpa thu hih ngaihsak un, Israel a ding chun gamthip tawbang ka hi a ahim? Bangti dana ka mite chun, ka pawt chien tau a, na kawmah hung vaikit ta puo’ng kau, a tih uh ahim?

JEREMIA 2:31 ပူးပေါင်းရင်းမြစ်များ

DAN NIHNA 32:15

Ahihziekin, Jeshurun te chuh a hung thau u a, ahi lawk lawk u a; Na hung thau a, na hung mûm a, na hung zawl ta a; Khutichun, a siempa Pathien chuh a nusieh ta a, A hukdamna suongpi chuh a ngaidau hi.

1 KORINTH 4:8

Na thil mamawh chenguh na nei tau maw? Na hung hausa tau maw? Ka tel lo in vai na hawm tau ahi maw? Ahi, vaihawm tak tak leu chin ka nuom hi, ti a chuh nangmau haw tawh vai ka hawm khawm theihna dingin.

MIKA 6:9

Lalpa’n khawpi chuh a kiko khum a, “Pilna nei mi chun na min lauh dân thiem ina; Khetbuk leh a bawl pa heu in.

AMOS 1:1

Juda Leng Uzia vaihawm lai leh, Israel Leng Joash chapa Jeroboam vaihawm laia, leiling um ma kum nihna a chun, Tekoa muna ganguol vengte laka Amos in Israel te chungchâng thu a muh chuh:

HOSEA 13:6

Himahleh, gam phatak chuh na lut phet un, ne vah in na lungkim mah mah tau a; tichun na hung chapo tau a, nei hengilh tau hi.

ISAI 45:19

Thim lak ah a gûkin thu ka gen puoh a, ka thiltup te le ka selgu diek puoi. Jakob suonte chuh bangmah um lohna mun ei hawl dingin ka ti ngei puoh a. Kei Lalpa chuh ka hi a, thudik tak ka gen sek hi,” ti’n.

THUCHINGTE 30:9

Khutilochun vah taluo leng hun hengilh kha’ng ka ting, Lalpa chuh “Kuo ahi?” ti kha’ng ka; a hihloh leh hung chagah taluo leng gu kha’ng ka ting, ka Pathien min susie khang ka.

SAM LEHKHABU THE PSALMS 12:4

A mah chuh, “I lei u hin zo hiting un, I mûk u hi ei mau a ngêi ahi a puo, kuo a I chung u a lal um?” a ti sek u a.

SAM LEHKHABU THE PSALMS 10:4

Migilosalo chun “Kisaktheih melpu’n Pathien a hawl puoh a,” a ti sek, A ngaihtuoh na chengcheng chuh, Pathien a um puoi, tih ngen cha ahi.

2 KHANGTHUBU 31:10

Zadok mi thiempu lien Azaria chun a kawmah, “Mite’n Ho-In a thilpiek a hun chawih tung u a pat in I ne zel u a, Lalpa’n a mite a vangsak ziekin, a val a um gei guia, ziehaw hi I nek val uh ahi hi,” a ti a.

DAN NIHNA 31:20

A pileputeu kawma piek dinga kihâksiela ka tiem, bâwngnawi leh khuoizu luonna gam achun ka puih luta, ne leh cha a a um u a, a hung tai u a, a hung khawsak theih tiengu leh pathien dang haw lam hun nga’n tin un, a nau sem in tin un, ei musit intin un, ka thuthun haw bawhsie ding ahi ngâl u a.

JEREMIA 2:20

Malai a kipat khan na namkawl chuh na kisukbawt a, na kânna khaugui le na sutan a; tichun, nasem ta puo’ng ka na ti a. Tang sang chung haw leh thingbawk nuoi tin cheng achun nawhchizuok guolin na kûn viel viel a.

JEREMIA 2:25

Na kenga kengtawbek butlo in um ki’n la, na dang le châk kihen. Nang chun la kinepna a um ta hiel puoi, gamdang mite delh ing ka, na ti a.

DAN NIHNA 32:18

A hun hingtu Suongpi chuh na limsak puoi, A hun siempa Pathien chuh na hengilh tai.

1 LENGTE 11:22

Khutichun, Pharaoh chun a kawmah, “Ka kawma na um hin tâksap bang na nei a ahim, na gam lam u a chieh kit na guot mai chuh?” a ti a. Amah chun, “Bangmah tâksap a um puoi, himahlele ei chieh sak himhim in,” a ti a.

JOB LEHKHABU THE BOOK OF JOB 21:14

Chun, Pathien kawmah, “Kei uh ei nusieh in, Na lampi haw het hi ka nuom puou hi,

JEREMIA 5:5

Milien te kawma va chieh in va hopih ing ka ting; amau chun Lalpa dân leh a Pathien uh lampi chuh a heu hi, ka ti a. Himahleh, ziete hin a namkawl uh a susieu a; a gâk na khauhuol chuh a sutan tau hi.

JEREMIA 5:6

Zieziekchun, gammânga sakeibaknei in amau chuh pet intin, gamgaw a ngei haw chun amau chuh ne zo ina. Keite chun a khawpiteu chuh chang intin; a hung pawtdawk tak u leh bawttel ina. A bawhsiet nau chuh a tama, a nungchawnnau haw a nasat ziekin.

EZEKIEL 14:5

A lungthim uh ka mat kit theihna dingin, amau chun a milim hawu ziekin ei nusieh ta ngâl u a.