JEREMIA 2:30 - PATHIEN LEKHABU THIENGTHO (BSI)

³⁰ Na chateu ka zêp a la a phachuom puoh a; a phatpih diek puou hi. Sakeibaknei gawlham tak bang mai in na chemzâm teu in thiemgau te a that zo ta a.

JEREMIA 2:30 ပူးပေါင်းရင်းမြစ်များ

NEHEMIA 9:26

“Himahlele, thu awilo in na chungah a kiphin u a; na dân a nungngat u a, nang lam a hun puihkit guo thiemgaute chuh a that u a, lungnat um takin thil a hih u a.

1 THESSALONIKA 2:15

Ziete chun Lalpa Isu leh thiemgaute that in, keihaw le ei sugimthei u a. Pathien a sukipak puou a, mi chengcheng le a kikalhpih sek ui.

NASEPTE 7:52

Nanguh hun suonte’n, thiemgaute laka kuo a, a bawlsiet loh uh um? Mi Diktat hung ding thu hilhlawkte khah a that u a; zie Mi Diktat chuh matsakte leh thatte chuh nangmau hi na hiu apuo!

JEREMIA 5:3

Aw Lalpa, thutak chuh na muh nawp lam hilo ahim? amau chuh na zêp a, mahleh a lungkham diek puou; amau haw chuh a ne zo u a, thununna chuh a pawm nuom diek puou hi. A mai u chuh suongpi sanga tak zaw’n ahih u a, a kisik nuom diek puou hi.

ISAI 1:5

Bang zieka zêpa um a, kiphin nalai ding na him? Luchang chuh a pum in a na a, lunggil chule a pum in a chau zo tai.

MATTHAI 23:29

“Na chunguh a gik hi! Nang haw Danthuzikte leh Pharisai, gukhahte haw,

JEREMIA 7:28

Chun, a kawm u ah, ‘Zie nam hi Lalpa a Pathien uh aw ngaitha lo leh thununna dâwnglo nam ahiu hi,’ ti’n na tin. Thudik a mangthai ta a, a kam u apat paihmang ahi tai.

ISAI 9:13

Himahlele, Israel mite chuh a kisik puou a, amau haw gawt mahleh, sepaihte haw Lalpa lam chuh a nga diek puou.

THUPHUON 16:9

Khutichun, mite chuh sa taka haih in a um tau a, tichun, zie gawtna chunga thuneitu Pathien min chuh a gensie tau a. Himahlele, a lopina pakcha dingin, a gitlohnau apat chun a lunghei nuom diek puou hi.

ZEPHANIA 3:2

Lalpa thu a ngaitha nuom puoh a, a thamuonna a deih diek puou a. Lalpa chuh a taksang puou a, a Pathien lam a naih puou hi.

EZEKIEL 24:13

Na thienlohna chuh hûkna hi ahi a, hun sukthien ka guo a, na thien diek loh ziekin na chunga ka lungnatna ka sunthak vek masangsieh bangmah tik na thienlohna apat chun sukthien hita puon la.

JEREMIA 31:18

“Ephraim te haw’n, ‘Lalpa, bâwngchal sawih nem loh tawbang ka hiu a, himahleh, nangin thu-awih dân nei sinsak a, nei kaihei kit tai, Lalpa ka Pathien uh na hi ngâl a,’ ti a lungkham taka a gen u chuh ka za ngei tai!

2 KHANGTHUBU 36:16

Himahleh Pathien mi sawlte chu a na musit u a, a thugen chu a ngaihsak puou a, Thiemgau te chu a nuihsan u a, suohchak na himhim umlo khawpa, Lalpa lungnatna a mite chunga a tun ma chun.

2 KHANGTHUBU 28:22

A lungzînna a san deuh deuh phet chun, Ahaz hin Lalpa chungah thil a sukhiel deuh deuh mai ta a.

2 KHANGTHUBU 24:21

Leng Joash le Zekaria thah guo lak ah a panga, lengpa thupiek in Zekaria chu Ho-In huongsung ah suongin a sep lum tau hi.

1 LENGTE 19:14

Amah chun, “Lalpa sepaihte Pathien a dingin phachuom ka ngai mah mah sek a. Israel chate hin lah na thugawlh a nusieh u a, na maichâmte a suchim u a, na thiemgaute chemzâm in a that u a; kei, keimah mai hi a um sun ka hi, kei hinna le sukmangthai ding guo’n a hawl nalai ui,” a ti a.

1 LENGTE 19:10

Amah chun, “Lalpa sepaihte Pathien a ding hin phachuom ka ngai mah mah sek a. Israel chate chun lah na thugawlh a nusieh ta ngâl u a, na maichâmte a suchim u a, na thiemgaute chemzâm in a satlum u a; Kei, keimah mai hi a um sun ka hi, kei hinna le sukmangthai ding guo’n a hawl nalai ui,” a ti a.

ISAI 59:3

Na khutteu chuh thisan a sukbuok in a um a, na khutzungteu chule manlohna a sukbuok in a um a; na mûk teu chun lepchieh a gen a, na lei u chu gitlohna thugen in a phun mulmul sek hi.

JEREMIA 46:14

“Aigupta gam achun gen zak unla, Migdol ah phuongzak un! Noph leh Tahpanhes achun phuong unla: ‘Ding det in, kigalging unla, na kimvel uh a umte chuh chemzâm in a thi zo tau! ti’n va gen un.

SUNNA LA 4:13

A thiemgaute leh thiempute gitlohna ziekin ahi a sung achun bangmah hihsie lote thisan chu a suoh ta a.

EZEKIEL 22:24

“Mihing chapa, gam kawm achun gen inla, Gam sukthien loh, lungnatna ni a guohtui chang lo chuh na hi a.

DANIEL 9:13

Mosi dana kizik bangin zie thil phalo chengcheng hi ka chung u ah a tung a, himahleh, ka manlohna teu chuh lehngatsan in na thudik hetthiem nate ka neih na dingun Lalpa ka Pathien uh lung-awihna chula ka hawl diek puoh ngâl u a.