JEREMIA 2:25 - PATHIEN LEKHABU THIENGTHO (BSI)

²⁵ Na kenga kengtawbek butlo in um ki’n la, na dang le châk kihen. Nang chun la kinepna a um ta hiel puoi, gamdang mite delh ing ka, na ti a.

JEREMIA 2:25 ပူးပေါင်းရင်းမြစ်များ

DAN NIHNA 32:16

Gam dang pathiente’n a mitthîpna a chawktho u a; A milim tenum hawu in a châwk lungnau hi.

JEREMIA 18:12

Himahlele, amau chun, kinep a um puoi, ka lemguot dân chiet un um ka ting un, mitin amah lunggil gitlohna bangin bawl ung kau,” ti’n au.

JEREMIA 3:13

Lalpa na Pathien chunga na kiphin nate, thingbawk nuoi tin chenga gamdang mite a dinga na kiphal nate leh ka kamsuok na zawp loh na haw chuh thupha chawiin Lalpa’n a tii.

ROME 8:24

Zie kineppih dinga chuh hukdama um I hiu hi, himahlele, muh theih zing kinepna hi kinepna dik ahi puoi. Mi’n a muh zingsa chuh, bangti’n a a na kinep theih ding?

SUNNA LA 4:4

A chasen nawichep laiteu chu dangchâk in, a lei uh a khadang u ah a bek chak a; Naupangte chun chângthâk a ngên u a, himahleh kuoma’n a pie puou hi

JEREMIA 14:10

Lalpa chun zie mite chungchâng ahin hiti hin a tii: “Vakmang a nuom sek u a, a kalsuon uh a thunun puou; tichun Lalpa’n amau chuh a pawm puoh a, a manlohnau chuh hezing ta’n tin, a gitlohna teu chuh gawt in a.”

JEREMIA 13:22

Bang ziekin e zie thil haw hi ka chunga a hung tun? Na lungthim a na tih chun, na gitloh ziek vek hilo ahim? Na puonchen hâwk sak na hi a, na sangawn chuh a kilang ahi tai.

ISAI 57:10

Nangmah ngêi le, na pathien ding hawl na’n na kimangzo sek a, na haihsan diek puoi. Na milim pathien chun hatna hun pie a, chau ngeilo dingin na kingaihtuoh a.

ISAI 2:6

Suohlam dawi thilhih dante, Philistia dawite a chîng u a, gamdang mite tawh a kikhutzawp tâk ziekun na mi, Jakob insung chuh na nawlh ta a.

2 KHANGTHUBU 28:22

A lungzînna a san deuh deuh phet chun, Ahaz hin Lalpa chungah thil a sukhiel deuh deuh mai ta a.

DAN NIHNA 28:48

nang u hun do dinga Lalpa’n a hun sawl ding na melmateu na chuh gilkiel leh dangchâk pum in, ngawnchang leh thil chengcheng tasam kawmin sem in na tin un; a hun sukmangthai masangsieh un na ngâwng u ah kahpathik namkawl hun puoksak in au.

LUKE 16:24

Khutichun, a kiko a, ‘Hepa Abraham! nei lungsiet inla, Lazarus kha hun sawl ah, a khut zung mûk tui hun dieh hen la, ka lei hih daihna dingin, zie mei kuong a hin ka na mah mah hi!’ a ti a.

LUKE 15:22

Himahlele, a pa chun a suokte kawmah, ‘Puon phapen hun la vak unla, vak silh sak un; zungbuh le a khut ah buh sak un la, kengtawbek le a kêngpêk ah buh sak un.

HOSEA 2:3

A khutih loh a ahih chun a pienni a sangawn a a um bang khan umsak ing ka ting, a silhlechente lipthâk sak ding ka hi. Gamgaw leh bangmah keh lohna bangin siem ing ka ting, tichun dangchâk a thi ding ahi.

JEREMIA 44:17

Himahleh, kei u leh ei suonteu leh ka leng teu ka milien teu in Juda khawpi haw leh Jerusalem kawtthêl haw a a hih guol u khan, van lengnu kawma gimlim hâl, a kawma thilpiek sung dawkte, ka kamsuok bang zel u khan hih ngêi ung kau; zie lai khan a lamzang u a, nek le châk a kiting a, sietna himhim ka mu puou hi.

JEREMIA 2:31

Aw khangthak te haw Lalpa thu hih ngaihsak un, Israel a ding chun gamthip tawbang ka hi a ahim? Bangti dana ka mite chun, ka pawt chien tau a, na kawmah hung vaikit ta puo’ng kau, a tih uh ahim?

JEREMIA 13:21

Nang in guol pha a na siem te kha na chunga a kawih tieng leh bang na lawh ta die? Numei nauhanat bangin na sa ten lo ding na him?

JEREMIA 22:20

Lebanon achun chieh to inla, kap un. Bashan achun na aw suoh inla, Abarim achun kiko in. Nang hun ngaizawngte chengcheng chuh suksiet in a um ta ngâl u a.

SUNNA LA 1:2

Zan khawvak in a kap a; a mitthi teu chu a bieng u ah luong tha a. A guolphate cheng lak achun, amah thamuon ding himhim a um ta puou. A guolte chengin a thep bawl tau a, tichun, a melma a suok zo tau hi.

EZEKIEL 20:32

Na lungthim u a, Jentel te leh gam danga mite guolin thing leh suong ho leuhing, na tih u hi, tung ngei puo’n a.

HOSEA 2:5

A nuu chun nawhchi a zuok a; amau haw vawpnu chuh zahchâk-um takin a um a, “Ka an leh ka tui te, ka samul leh ka pat te, ka sathau leh ka dâwn dingte ei pie sek ka deihchakte chuh delhzui zel ing ka,” a ti sek a.

MALAKI 3:14

“Pathien nasep hi a thâwn ahi: a thupiek I zawp u leh Bangkim hihthei Lalpa ma a I thilhih teu leh kisulungkham taka I um sek u hi banga a phatchuom na?

2 KHANGTHUBU 28:23

Amah melma Damaska te pathien kawm poh ah a kithawi a; “Suria lengte pathien chun amau chuh a panpih ziekin ei panpih theihna dingin a kawm u ah kithawi ding ka hi,” a ti vangvei a. Himahleh amah leh Israel mi chengcheng te chunga sietna ahi ta a.

JEREMIA 22:21

Na lawhtit ni’n na kieng ah thu ka gen a. Nang chun la ngaitha puo’ng ka, na ti a. Ka aw na ngaithak loh hih na khangdawng lai apat ziehi na umdan ahi.