JEREMIA 2:23 - PATHIEN LEKHABU THIENGTHO (BSI)

²³ Ka kisubuok puoh a, Baal pathien le ka delh puoi, bang ti a ti thei na him? Phaicham a na nung chang chuh en inla, na thilhih sa haw chuh kihet in. Sangawngsau tuoi hûk tai viel viel tawbang phet na hi.

JEREMIA 2:23 ပူးပေါင်းရင်းမြစ်များ

JEREMIA 7:31

A chanuteu leh a chapa teu hâl dingin Hinom guom achun Topheth mun sang haw chuh a siem u a, ziehaw chuh ka thupiek ahi puoh a, ka lungthim ale a um kha puoi.

THUCHINGTE 30:12

Amau mita thiengtho kisa mi le a um u a, himahlele, a thien lohnau chuh sawp theih ahi diek puoi.

ROME 3:19

Khutichun, Dan in thil bang hitaleh a gen ta chuh, kam tin cheng a thip theihna ding leh khawvel pumpi Pathien masanga thiemloh a chan theihna dingin Dan thu thu a umte kawma a gen ahi tih I heu hi.

LUKE 10:29

Himahlele, dân sinsakpa chun amah thiem kichan sak nuom in, Isu kawm achun, “Ka vengte chuh kuo ahi?” a ti a.

JEREMIA 31:22

Aw nang, chanu nungchawn, bang chan ahim na zawn vak ding? Lalpa chun lei ahin thil thak a siem ta a, numei in pasal hum zaw ta ding ahi,” ti’n.

JEREMIA 9:14

Himahleh, lochal tak leh amau deih bang taka a suonteu in a sinsak Baal chuh a delh zui zawk tâk ziekun.

JEREMIA 3:2

Tang kawlh velvul lam akhun na mit thawlh viel inla, entie, a hun kuolpih loh na mun uh a um em? Gamthip a Arabia mi bang mai in, amau haw ngak in lamsîk ah na chu zing sek a. Na gitloh na leh na hûknate ziekin gam chuh a buok zo tai.

THUCHINGTE 30:20

Numei zawlsaite lampi chuh zie tawbang hi ahi, a ne a, a mûk a thiek ngim a, thil gilo bangmah ka hih puoi, a ti a.

THUCHINGTE 28:13

Gitlohna selgute chuh lawhting ngei puo’n tin uh; himahleh kuole, kiphuonga haihsante vang chun zahngaihna mun au.

SAM LEHKHABU THE PSALMS 50:21

Ziehaw chuh na hih a himahlele ka thip zinga; Khutichun nang tawbang phet din nei ngaihtuoh a: Himahlele hun hilhgaih ing ka ting, na mitmuh ah aban banin hun hih lang ing ka.

SAM LEHKHABU THE PSALMS 36:2

“Ka thulimlohna mudawk puou untin, hun mu dah diek puo’n au,” tin. Amah mitmuh ah amah mah a kipakcha kawm ngâl seka.

ESTHER 8:16

Tichun, Judate ding chun lawpna leh nawpna leh kipahna guolzo tu a kingaihna chuh a um tai.

JEREMIA 2:36

Bangti dana baihlam taka na umdan theng viel zung zung sek na hi? Asuria’n a hun sukzahchak bangin Aigupta’n le hun suzakcha ding ahi.

JEREMIA 14:10

Lalpa chun zie mite chungchâng ahin hiti hin a tii: “Vakmang a nuom sek u a, a kalsuon uh a thunun puou; tichun Lalpa’n amau chuh a pawm puoh a, a manlohnau chuh hezing ta’n tin, a gitlohna teu chuh gawt in a.”

JEREMIA 16:10

“Zie thu haw cheng hi zie mite kawma hi na gen tieng leh amau in, Bang ziekin ahim Lalpa’n ka chung u a hiti lâwm lâwma thil phalo a hung gendawk? Bang ahim ka gitlohnau? Lalpa ka Pathien uh chung a ka thilhihkhelh u chuh bang a?” a tih u chun,

HOSEA 1:2

Hosea manga Lalpa’n thu a gen pat chun hiti hin Hosea kawmah thu a gen a, “Chieh inla, nawhchizuok zi’n va nei in la; nawhchizuok apat chun cha hing in, hitibang hin ka mite’n ei nungsawn un, zawl ei saih san tau hi,” ti’n.