JEREMIA 2:21 - PATHIEN LEKHABU THIENGTHO (BSI)

²¹ Chi diktak manga grep chi thieng tak a ka phuh na hih maizen tawh; bangti dana kihei a kei a dinga grep lêm hung suok ta mai na him?

JEREMIA 2:21 ပူးပေါင်းရင်းမြစ်များ

ISAI 5:4

Ka grep huon a hin ka hihsa tihloh banga hih beh naklai ding? Grep gah phatak gah dinga ka kinep mai zên tawh, bang zieka grep lêm ngen hung gah mai ahi ta?

PAWTDAWKNA 15:17

Nangin amau haw chuh puilut in na tin, na goluoh tâng achun phut inla, Aw Lalpa, nangin na umna dinga mun na siem achun, Aw Lalpa, mun thiengtho na khut ngêi a na dindawkna achun.

JOHAN 15:1

“Kei Grep gui taktak chuh ka hii, ka Pa a huon ngakpa ahi.

SAM LEHKHABU THE PSALMS 44:2

Nang mah khut ngêi in namtin chuh na nawhdawk a, himahleh, amau chuh na phut ta a; Mipite chuh na sugimthei a, amau chu na suohchak sak a.

SAM LEHKHABU THE PSALMS 80:8

Aigupta gam apat in grep gui na hun puoh a; Namte chuh na nawhdawka zie chun na phut ta a.

DAN NIHNA 4:37

Na pu na pateu a hehpih ziekin a nung u a a suonteu chuh a hun tel a, a umpihna leh a hatna nasatak chun Aigupta apat a hun puidawk a;

LUKE 20:9

Chun, Isu’n zie tehkal thu hi mipite kawm achun a gen a: “Kuo a him in Grep huon a bawl a, a ngakte kawm achun thawhlawh dingin a pie a, sawttak châm dingin gam dangah a chieh san ta a.

MARK 12:1

Chun, Isu’n tehkal thu’n a kawm u ah thu a gen a: “Mi kuo ahim in huon a bawl a, pal in a um kimvela, grep thâwkna ding khuk a lai a, venna insang a sa a. Tichun, huon enkawlte kawmah thawhlawh dingin a pie a, tichun, gam gamla tak ah a chieh ta a.

DAN NIHNA 32:32

A grepgui u chuh Sodom grepgui leh Gomorra gama hung kipan ahi: A grep gah u chuh gu a dim ahi a, A gah bawk haw chuh khatna’n a dim a.

MATTHAI 21:33

“Tehkal thu dang ngai un, mi kuo ahim, gam nei khat a um a, zie pa chun grep huon a bawl a pal in a ûmkimvel a; grep thâwkna khûk a lai a, in sang a sa a, tichun a ngakte kawmah thawh lawh dingin a pie a, gam chuom ah a chieh ta a.

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.

ISAI 41:8

“Himahlele, nanguh Israel te, ka suok Jakob haw, ka mi tel, ka guolpa Abraham suonte na hiu a.

ISAI 1:21

Bangti dana khawpi ginum tak chuh nawchizuok hung suok ahi ta die aw! Thudik a vaihawm sek, diktatna a dim ahih maizen tawh, tuhin vang chuh tuolthatte a chêng tau hi.

SAM LEHKHABU THE PSALMS 105:6

Aw a suok Abraham suonte haw, A tel chuom Jakob suonte haw.

JOSHUA 24:31

Chun, Joshua damsung leh upate Joshua sanga damsawt te, Lalpa’n Israel te a dinga thil a hih chengcheng hete damsung chun Israel te chun Lalpa na a sem zel u a.

SUNNA LA 4:1

Bangti dana sana chuh muol tha a, bangti dana sana thieng takte chu muoltha zo ahi ta! Mun thiengtho a suonghaw chu ning tin a thehzak in a um zo tai.

THILSIEMBUL 32:28

Amah chun, “Na min chuh Jakob hita puo’n tin, Israel hizaw ta’n a; Pathien leh mihing na suol a, na zo ta ngâl a,” a ti a.

THILSIEMBUL 18:19

Lalpa lampi a hawh theih na ding u leh a nung u a a chate leh a inkuonpih teu thil dik hih ding leh diktaka vaihawm ding leh kitûp taka hih dinga thu a piek theih na dingin amah chuh ka guot ta ngâla. Khutichun, a chungchâng thu Lalpa’n a gen chuh Abraham chunga a tunsak theih na dingin,” a ti a.

ISAI 27:2

Zie ni chuleh grep huon hawih tak limbawl in la sau un:

JEREMIA 11:17

“Sepaihte Lalpa nangmah hun phutpa chun, Israel inkuon leh Juda inkuon te gitlohna, Baal kawma gimlim hâla, ei suklungnat nau thil, amau sepdawk chunga thil phalo ding thu chuh a phuongdawk tai.”

SAM LEHKHABU THE PSALMS 80:9

A masang u ah gam na guonggalh sak a, Thuk takin zung a kai a, gam chu a luoh dim vek ta a.

JEREMIA 5:10

A grep huon pal haw achun kal unla, susieu un. Amahvang chuh na suksiet vek loh dinguh ahi a, a bâk haw chuh thiek unla, Lalpa a a hi puoh ngâl u a tih hi Lalpa kamsuok ahi.

JEREMIA 11:16

Lalpa chun na min dingin. olive thing hing, ‘gah pha hawih tak’ a hun sa a. A chung achun huihpi guola gi lullul in mei tik intin, a bâkte chuh katum zo ding ahi.

EZEKIEL 15:2

“Mihing chapa, gammâng nuoia thing laka grepgui chuh, thing dang sangin banga a phat zawk diek na?