JEREMIA 2:20 - PATHIEN LEKHABU THIENGTHO (BSI)

²⁰ Malai a kipat khan na namkawl chuh na kisukbawt a, na kânna khaugui le na sutan a; tichun, nasem ta puo’ng ka na ti a. Tang sang chung haw leh thingbawk nuoi tin cheng achun nawhchizuok guolin na kûn viel viel a.

JEREMIA 2:20 ပူးပေါင်းရင်းမြစ်များ

DAN NIHNA 12:2

Na va luoh dingu gama cheng nam haw chun tâng tin muol tin chung leh thingbawk tincheng nuoia a pathienteu na a sepna mun chengcheng teu chuh na suksiet suok kêi dinguh ahi

THIEMPUDANTE 26:13

Kei hi Lalpa na Pathien uh, a suok uh na hih loh na ding u a, Aigupta gam apat a hun puidawkpa chuh ka hi; na namkawlteu chuh ka subawng a, chang taka dingin ka hun chieh sak hi” ti’n.

JEREMIA 17:2

Thing hing bul tin leh, tâng sang chunghaw achun a chateu in a maichâmteu leh Asher te chuh a hezing ngâl uh a.

HOSEA 3:3

Chun, a kawmah, “Ni tamtak sung chuh kei nei ngak ding ahi; nawhchi na zuok ding ahi puoh a, kuomah zi ale na um ding ahi diek puoi: khutibang mah chun kei le nanga dingin um ding ka hi,” ka ti a.

JEREMIA 30:8

Sepaihte Lalpa chun hiti hin a tii: “Zie ni chuh a hung tun tieng leh, a ngâwng uh a namkawl chuh subawng ing ka ting, a kawlbuhteu chuh phel sak ing ka ting; tichun, gamdang mite suok in um ta puo’n au.

ISAI 1:21

Bangti dana khawpi ginum tak chuh nawchizuok hung suok ahi ta die aw! Thudik a vaihawm sek, diktatna a dim ahih maizen tawh, tuhin vang chuh tuolthatte a chêng tau hi.

NAHUM 1:13

Tuhin, na chung u a Asuria te thuneihna chuh sutawp ing ka ting, a hun kân nau thikkhau chuh bawttan ding ka hi,” ti’n.

HOSEA 2:5

A nuu chun nawhchi a zuok a; amau haw vawpnu chuh zahchâk-um takin a um a, “Ka an leh ka tui te, ka samul leh ka pat te, ka sathau leh ka dâwn dingte ei pie sek ka deihchakte chuh delhzui zel ing ka,” a ti sek a.

EZEKIEL 23:5

“Chun, Oholah chuh keia ahih nung in a kizuok a, a deihchak, a inveng, Asuria chuh a utcha zinga;

EZEKIEL 20:28

Khut zak hiela amau ka tiem gama hi ka puih lut phetin, tâng sang leh thingbawk pha a muhna taphawt u ah kithawihna a siem u a, a thilpiekteu lungnat-um tak haw chuh a pieu a. A gimlim thilpiek hawu chuh a pieu a, a dâwn ding thilpiek hawu chuh a sungtha ngâl u a’, ti’n.”

EZEKIEL 16:41

Na In haw chuh mei in hâl intin un, numei tamtak muhna ah na chungah vaihawm intin un; na nawhchizuok hi suhai ing ka ting, na kingaihpihte bangmah pie ta puo’n la.

EZEKIEL 16:31

Lamtuongpi lutna cheng achun milim hona in na sa a, kawtthêl tin achun thawihmuol na siem a; ahi’n, lawh na delh loh ziek hin nawhchizuok maimai le na hi puoi.

EZEKIEL 16:28

“Asuria mite kawma le na hûk manga, na khawp theih loh ziekin ahi, a kawm u ah na kiphahkadak a, na khawp diek chuong puoh nalai a.

ISAI 14:25

Ka gama chun Asuria mite chuh hihsie’ng ka ting, ka tânghaw achun chil diek ing ka. Zie nung chuleh, Asuria te namkawl chuh amau haw apat bei ta’n tin, a puokgik puok sak u chuh amau haw apat chuh bei ta’n a.

ISAI 10:27

A hun a hungtun tieng chuleh, Asuria te thuneihna apat chun hun pawtdawk sak ka ting a namkawl u chuh na liengko u a ding chun puokgik hi ta puo’n a,” ti’n.

ISAI 9:4

A namkawlteu leh a gawtna mawlh uh a liengko u a kibat zing chuh na sukbawt sak ta a. Na mite sugimthei leh pawngbawl sek namte chuh, Midian sepaihte na zawh guol khan na zo ta a.

SAM LEHKHABU THE PSALMS 78:58

A munsangteu in amah chuh a sulungnau a, A milim geikuok hawu in amah chuh a thik sak behlap a.

1 LENGTE 12:32

Jeroboam chun Juda gama kut a neih mah bangun, tha gietna, zie tha ni sawmlenga ni chuh kut ni dingin a guot a, maichâm achun a va chieh a, Bethel achun bâwngno lim siem kawm achun kithawihna a siem a; Bethel a munsang a siemna achun thiempute chu a kawih a.

1 SAMUEL 12:10

Chun, Lalpa chu a sam u a, ‘Lalpa chu I kinungheisan u a, Baal haw leh Asteroth haw na ka nasep ziekun ka na gilo tau ahi: himahlele ka melmateu khut apat hi ei hukdawk inla, tichun na na sem ing kau,’ a tiu a.

JOSHUA 24:26

Khutichun, Joshua’n zie thu haw chuh Pathien dân bu ah a zik a; chun, suong lien tak a la a, Lalpa mun thiengtho kawm a gangpi thing nuoi ah a phut ta a.

JOSHUA 24:24

Chun, mipite chun Joshua kawmah, “Lalpa ka Pathien uh na chuh sem ung ka tingun, a thu awi zel ung kau,” a tiu a.

JOSHUA 1:16

Chun, amau chun Joshua kawmah, “Hih dinga thu nei piek chengcheng chuh hih zel ing ka tingun, chun, nei sawlna cheng ale chieh zel ung kau.

DAN NIHNA 26:17

Tuni hin a lampite hawh a, a dân haw, a thupiek haw leh a vaihawmna haw zuia Lalpa chuh na Pathien u hi dingin na phuong tau a;

DAN NIHNA 15:15

Aigupta gama khan suok na hi tau a, Lalpa na Pathien un a hun tatdawk na hiu hi tih hi na hetzing dinguh ahi; ziezieka chuh zie thu hi ka hun piek ahi.

DAN NIHNA 5:27

Nangin va naih inla, Lalpa I Pathien un a gen ding chengcheng chuh nang keihaw kawmah gen inla, khutichun, ngaitha’ng ka ting un, zui ing kau,’ na tiu a.

DAN NIHNA 4:34

Ahihloh leh, Lalpa na Pathien un Aigupta gama na mitmuh ngêi u a a hih guola patepnate, thilmakte manga nam dang lak apat amah dinga nam khat puihdawk guo pathien a um kha mawng mawng em?

DAN NIHNA 4:20

Lalpa chun a mite, a go hiding in thik hâltuina apat, Aigupta gam apat chuh ahun puihdawk zawk na hiu hi, tu a na hih na bang u hin.

PAWTDAWKNA 24:3

Tichun Mosi chuh a va chieh a, Lalpa thugen chengcheng leh vaihawm dân ding chengcheng chuh mipite kawmah a va gen a: chun, mi chengcheng chun, “Lalpa gen chengcheng chuh hih ing kau,” ti’n kiguol in a dâwng u a.

PAWTDAWKNA 19:8

Chun, mipi chengcheng chun, “Lalpa gen chengcheng chuh hih zel ing kau,” ti’n kiguol takin a dâwng u a. Tichun Mosi’n mipite thugen chuh Lalpa a hilh sawn a.

PAWTDAWKNA 3:8

Tichun, Aigupta pata hukdawk ding leh, zie gam apat a chuh puidawk a, Kanaan mite, Hit mite, Amor mite, Periz mite, Hiv mite, Jebus mite umna gam phatak leh lientak, bâwngnawi leh khuoizu a luong gama chuh puilut dinga hungsuk ka hi tai, a ti a.

THUPHUON 17:1

Chun, vânsâwlchâk sagih, belhbu sagih chawite laka khat chuh ka kawmah a hung a, ka kawmah, “Hung tie, luipi tamtak panga kisa, khawpi lopi taka nawchizuok lopitak nu gawtna ding chuh hun etsak ding ka hi.

1 LENGTE 14:23

Amau haw chun le tângsang cheng leh thing hing nuoi tin achun thing milim te, mihing lim te leh, munsang haw leh Asher te lim a siem u a.

SAM LEHKHABU THE PSALMS 107:14

Thimnuoi leh thihna lîm apat chuh a puidawk a, A kannau haw chuh a hih tan ta a.

JEREMIA 2:31

Aw khangthak te haw Lalpa thu hih ngaihsak un, Israel a ding chun gamthip tawbang ka hi a ahim? Bangti dana ka mite chun, ka pawt chien tau a, na kawmah hung vaikit ta puo’ng kau, a tih uh ahim?

JEREMIA 3:13

Lalpa na Pathien chunga na kiphin nate, thingbawk nuoi tin chenga gamdang mite a dinga na kiphal nate leh ka kamsuok na zawp loh na haw chuh thupha chawiin Lalpa’n a tii.

JEREMIA 5:5

Milien te kawma va chieh in va hopih ing ka ting; amau chun Lalpa dân leh a Pathien uh lampi chuh a heu hi, ka ti a. Himahleh, ziete hin a namkawl uh a susieu a; a gâk na khauhuol chuh a sutan tau hi.

JEREMIA 13:27

Phul laka tâng haw a na zawlsaihnate, na hûk hâm git te, na kiphal nasat ziete, zie na thilhih kihdak-um tak haw chuh ka mu tai. Aw Jerusalem na chung a gik na e! Hih thiengtho hilo ding na him? Bangtik leh hih thientho na hita dem?

HOSEA 4:13

Tangsip haw achun a kithawi u a, muol vum a thing sangte leh thing nuoi lim muntin haw achun kithawi in gimlimte a hâl u a, a limte chuh anawp bêk ziekin! “Zieziekchun, na chanuteu chun nawhchizuok a sin u a, na moteu chun le zawl a saih lawh tau hi.

VAIHAWMTE 2:11

Chun, Israel chate chun Lalpa mitmuh in thil gilo a hih u a, Baal na a sem u a.

VAIHAWMTE 2:13

Tichun, Lalpa chuh a kiheimang san u a, Baal te leh Ashtaroth te na chuh a sem tau a.

VAIHAWMTE 10:6

Chun, Israel chate chun Lalpa mitmuh in thil gilo a hun hih kit tau a, Baal te, Ashtaroth te, Suria pathien te, Zidon pathien te, Moab pathien te, Amon suon pathiente, Philistia pathiente na a sem u a; tichun Lalpa a kiheisan tau a, a na a sem ta puou hi.

SAM LEHKHABU THE PSALMS 2:3

“A thuneihnau chuh paih thai ting un, A vaihawmna nuoi u apat pawt hitiu,” a tiu a.

HOSEA 1:2

Hosea manga Lalpa’n thu a gen pat chun hiti hin Hosea kawmah thu a gen a, “Chieh inla, nawhchizuok zi’n va nei in la; nawhchizuok apat chun cha hing in, hitibang hin ka mite’n ei nungsawn un, zawl ei saih san tau hi,” ti’n.

HOSEA 9:1

Aw Israel, Pathien helote guola na kipahna siem chuh haihsan in. Na Pathien apat in na kiheimang a, amah a dinga ginum ta lo na hi. Gam sung pumpi a chun nawhchizuok guolin Baal pathien kawmah nangmah na kizuok viel a, buhte chuh lawh dinga a hun piek hi a na ngaih ziekin na deih mah mah a!