JEREMIA 2:19 - PATHIEN LEKHABU THIENGTHO (BSI)

¹⁹ Na gitloh na ngêi chun hun thawk sak intin, na nungchawn sek na haw chun hun hilhgaih ina; ei kihchak na neilo a Lalpa na Pathien na taihsan hih thil gilo tak leh kha tak ahi, tih hi hun hedawk in muchien inla tih hi, Lalpa Sepaihte Lalpa kamsuok ahi.

JEREMIA 2:19 ပူးပေါင်းရင်းမြစ်များ

ISAI 3:9

A langkaihnau in amau haw a hêk kawm ngâl a, a gitlohnau chuh Sodom guol zetin a latsak uh a, a sel puou hi. A chung uh a gik hi, thil phalo in a kidinthuk kawm ngâl u a.

JEREMIA 4:18

Na umdan leh na thilhih teu chun ziehaw hi na chunga a tunsak ahi. Zie hih na sietna ding chuh ahi a, a na mah mah ngâla, na lungthim a sun hi.

JEREMIA 2:17

Lalpa na Pathien chun lampi a a hun puih laia na taihmang san ziekin, zie chuh na chunga na tunsak hilo ahim?

SAM LEHKHABU THE PSALMS 36:1

Minunsie sukkhelhna chun ka lunggil sung ah thu a gen a, “A mitmuh ah Pathien lauh na mawngmawng a um puoi,” tin.

HOSEA 5:5

Israel mipite chapona chu a maikawk ngêi u ah hetsak in a um u a. Ephraim chuh a gitlohna chun a kipalpaih sak a, a puk uh a, tichun, Juda chule amau haw tawh a pukkhawm tau hi.

AMOS 8:10

Na guolvaknateu chuh lungkhamna suoh sak ing ka ting, na la teu chuh kahna suok hen; kawlladip puon hun chen sak chiet ka ting, luchang met kawlh in, chapa neihsun sun a lungkham bang leh, a tawpna chuh khatna ni bangin siem ing ka,” ti’n.

HOSEA 11:7

Ka mite chun ei kihei mangsan guo zing u a. A chung u a namkawl kibat ziek chun Chungnung pên pa chuh sam untin, mahleh kuoma’n lakthak sak puo’n a.

JEREMIA 5:6

Zieziekchun, gammânga sakeibaknei in amau chuh pet intin, gamgaw a ngei haw chun amau chuh ne zo ina. Keite chun a khawpiteu chuh chang intin; a hung pawtdawk tak u leh bawttel ina. A bawhsiet nau chuh a tama, a nungchawnnau haw a nasat ziekin.

ROME 3:18

A mitmuh u ah Pathien lauhna himhim a um puoi,” tih zik guol khan.

ZEKARIA 7:11

“Himahleh, ka mite chun a ngaitha nuom puou a, a lochal u a a zak theih lohna dingun, a bil uh ahim u a.

HOSEA 14:1

Aw Israel, Lalpa na Pathien uh lam ah hung vaikit un! Na manlohna ziekin na kisui a, na puk ta ngâla.

JEREMIA 8:5

“Bang zieka zie mipite hi kumlekhuo a nungchawn dinga kipuk den ahi tau hi? Thepna a tuchak kêi u a, vaihkit a nuom puou hi,

HOSEA 4:16

Israel mipite chuh sabiltung genhak tawbang in a genhak u a, bangti’n a belamno hampa phatna muna um tawbanga ka vak theih ding?

JEREMIA 5:22

Nei kihcha puou maw? Lalpa’n a tii. Ka masang ahin kithing lo ding na hiu maw? Kei hi luipi guom panga dinga sehpho kumlekhuo a a let loh na dinga siempa chuh ka hi.

JEREMIA 3:22

Aw nang haw nungchawn hatte haw, hung vaikit unla, na nung chawnnau apat in hun na sudam ing ka. Ngaitie, na kawmah ka hung ui, nang chuh Lalpa ka Pathien uh na hi ngâla.

ISAI 50:1

Lalpa chun, “Mi’n a zi a mâk a a sawlmang guolin ka mite ka sawlmang a ahim? Khuti ahih chun ka mâkna lehkha chuh khawitaka um ahim? Mi’n a chate suok a a zuok bangun, salin ka hun sawl a ahim? Hilo e, na gitloh ziek u a sala puih in na um u a; Na thilhih gitloh ziek u a sawlmang a um na hi zawu hi.

ISAI 5:5

“Tuhin, ka grep huon chunga ka hih ding chuh hun hilh ing ka; a ling dai chuh lamang ing ka ting, nek zawhin um in tin, a suong pal chuh suchim ing ka ting, gamsate tawhden in um ina.

THUCHINGTE 5:22

Minunsie chuh amah gitlohna ngêi chun man intin, a gitlohna khauhuol a kantawm in um in a.

THUCHINGTE 1:31

Zieziekchun, na tuh gahteu ngêi chuh neu in na tin uh, na thilhih guot hawu ngêi chun suknat in um inlau.

THUCHINGTE 1:32

Mimawlte chiehkhelh na chun amau chuh thih lawh untin, mingawlte nawpsak bawlna chun amau chuh susie ding ahi ngâl a.

JEREMIA 5:24

A lunggil un Lalpa Pathien, a hun taka guoh masa leh guoh nunung zuk sakpa, buh-ât hunbi ei guot sakpa chuh kihchai tiu, a ti diek puou hi.

EZEKIEL 39:24

A thientho lohnau leh, a bawhsietnau bang zelin a chungu ah ka hih a, amau apat in ka mai ka sel hi.

HOSEA 7:2

A gitloh nau chengcheng ka hezing hi tih a lungthim un a ngaihtuoh puou: Tuhin chuh a thilhih teu ngêi in a ûmkimvel ta a, ka maikawk ngêi ah a kilang tai.”

HOSEA 13:9

“Aw Israel, nang haw hun sumangthai ding ka hi. kuo a hun panpih ta ding?

MIKA 1:5

Ziehaw chengcheng hi Jakob inkawte Pathien do a a kiphinna ziek u leh, Israel inkawte gitlohna ziek ahi. Jakob inkawte bawhsietna chuh kuo ngawh ding ahi? Samari khawpi ngêi chuh hilo ahim? Juda milim hona chuh kuo mawhpuok ahim? Jerusalem hilo ahim?

PAWTDAWKNA 33:6

Zieziekchun, Israel mipite chun a kicheina hawu chuh Horeb tâng apat chun a suoh tha den tau hi.

VAIHAWMTE 10:13

Himahlele, nangun nei kihei mang san u a, pathien dangte na na sem zaw tau a; zieziekchun hun hukdawk ta puo’ng ka.

1 LENGTE 18:18

Chun, amah chun a dâwng a, “Israel te ka sulungkham puoi; nang leh na pa inkuonte na hiu a puo, sulungkham zaw chuh, Lalpa thupiekte hih kiheisan a, Baal te na ho zawk tâk na ahin.

2 KHANGTHUBU 12:5

Thiemgau Shemaiah chu Rehoboam leh Juda te lawiupa Shishak a pata suohchak guon Jerusalem a kikhawmte kawm achun a va chieh a, a kawm u ah, “Lalpa chun hiti hin a tii: ‘Nei hengilh tau a, zieziekchun ken le Shishak khuta ka hun kawih na hi tau hi,’ ti’n,” a vak ti a.

2 KHANGTHUBU 21:10

Khutichun, Edom te chu tuni chan hin Judate chungah a hel zing tau hi; chun, Lalpa a pileputeu Pathien chuh a kiheimang san ziekun, zie hun lai mah chun Libnah khuo chule a chung ah a hel ta a.

2 KHANGTHUBU 25:16

A kawma thu a gen zing lai chun, Amaziah chun, “Lengpa vaihawm sak dingin ka hun siem u a ahim? Thip mai in; a hihloh leh hun that ding ka him?” a ti a. Tichun thiemgau chun, “Pathien in hiti bang a hi na hih ziek in leh ka lemguot na ngaihthak loh ziekin hun sukmangthai ding a ngaihtuoh hi tih ka hêi,” a ti a, a thip ta a.

JEREMIA 1:16

Ei taihsan u a, pathien dangte kawmah gimlim a hâl u a; amau haw khutsuok ngêi a ho u a, a gitloh na hawu chengcheng chunga ka lunggel haw chuh phuong ing ka.

JEREMIA 7:19

Kei ka hi ei suklungnat uh, Lalpa’n a tii. Amau haw zahchâkna dingin amau haw hizaw lo maw?

JEREMIA 13:22

Bang ziekin e zie thil haw hi ka chunga a hung tun? Na lungthim a na tih chun, na gitloh ziek vek hilo ahim? Na puonchen hâwk sak na hi a, na sangawn chuh a kilang ahi tai.

EZEKIEL 23:30

Nam dangte delha na hûk a a milim hawu a na kisukbuok ziekin zie thil haw hi na chungah hung tung ina.

HOSEA 9:1

Aw Israel, Pathien helote guola na kipahna siem chuh haihsan in. Na Pathien apat in na kiheimang a, amah a dinga ginum ta lo na hi. Gam sung pumpi a chun nawhchizuok guolin Baal pathien kawmah nangmah na kizuok viel a, buhte chuh lawh dinga a hun piek hi a na ngaih ziekin na deih mah mah a!