JEREMIA 2:14 - PATHIEN LEKHABU THIENGTHO (BSI)

¹⁴ Israel chuh suok ahi a ahim? Suok a pu In a pieng den ahim? Bang zieka tawhden a um ahi ta’m?

JEREMIA 2:14 ပူးပေါင်းရင်းမြစ်များ

PAWTDAWKNA 4:22

Tichun nangin Pharaoh kawmah, ‘Lalpa chun, Israel hi ka chapa, ka cha lutîl ahi’ a tii, ti a na gen ding ahi.

ISAI 50:1

Lalpa chun, “Mi’n a zi a mâk a a sawlmang guolin ka mite ka sawlmang a ahim? Khuti ahih chun ka mâkna lehkha chuh khawitaka um ahim? Mi’n a chate suok a a zuok bangun, salin ka hun sawl a ahim? Hilo e, na gitloh ziek u a sala puih in na um u a; Na thilhih gitloh ziek u a sawlmang a um na hi zawu hi.

THUGENPA 2:7

Suok numei leh pasal ka kichâwk a, ka In a pieng den suok le a um u a. Jerusalem a a na cheng masate cheng neih sanga tamzaw ganguol haw a lien a neu le ka nei a.

THILSIEMBUL 15:3

Chun, Abram mah in, “Ngaiin, suon himhim la nei neihsak puoh ngâl a; ka In a pieng, ka suokte laka khat hi ka goluoh ding chuh ahi,” a ti a.

PAWTDAWKNA 12:49

Chun, zie gam a pieng den leh na kawm u a nam dang umte dingin dân kibang a um ding ahi,” a ti a.

JEREMIA 5:19

Chun, hiti hi hung hi’n tin, Bang zieka Lalpa I Pathien un zie thil haw hih I chung u a a tunsak ahi? a tih tieng u leh, Kei nei taihsan u a, na gam u a pathien dangte nasep sak zaw ding na hiu hi,” ti’n a na dâwng ing ka.

JEREMIA 17:4

Tichun, na chanvo ding ka hun piek khah chan in na tin, na gam het khâkloh gam achun melmate na hun sep sak ing ka. Ka lungnatna mei, kumlekhuo a kuong ding chuh na mût kuong ta ngâl a.