JEREMIA 2:13 - PATHIEN LEKHABU THIENGTHO (BSI)

¹³ Ka mite’n thil phalo nih a hih ta ngâl u a, kei hinna tuikhuk ei taihsan u a; tui kitin na ding tuikhuk a lai u a, a tuikhuk laih u chuh a khi, tui kiting theilo ding chuh!

JEREMIA 2:13 ပူးပေါင်းရင်းမြစ်များ

2 LENGTE 22:17

Ei hengilh u a, pathien dangte kawmah gimlim a hâl u a, a khutsuok u a ei suklungnat ziekun, zie muna hin ka lungnatna so sang ding ahi a, mit thei mai ding ahi puoi.

SAM LEHKHABU THE PSALMS 36:9

Hinna tuikhuk chuh na kieng ah a um ngâla: Na vak achun vak mu’ng ka tin uh.

THUGENPA 1:14

Ni nuoia thil a na kibawl cheng chengte chuh ka mu a; zieziekchun ngaitie, thil chengcheng hi bangmahlo mai ahi a; huih delh tawbang ahi.

THUGENPA 1:2

Bangmahlo maite bangmahlo mai ahi, thugenpa chun a ti a, thil chengcheng hi bangmahlo mai ahi.

THUGENPA 12:8

Thugenpa chun, “Bangmahlo mai ahi, thil chengcheng hi bangmahlo mai ahi,” a ti a.

THUGENPA 2:11

Tichun, ka khutsuok chengcheng leh, ka sepgimna a ka thilhih chengcheng ka ngaihtuoh a, thil chengcheng hi bangmahlo leh thâwn mai ahi. Bangmahlo, huih delh tawbang phet ahi, Ni nuoia hin thil phachuom a um puoi.

THUGENPA 2:21

Pilna leh hetna leh thiemna manga semgimpa chun, sem lo hielte go dinga chuh a nutsieh sak ding ahi. Zie hile bangmahlo leh thil diklo tak ahi.

THUGENPA 2:26

Pathien in amah sulungkimte kawma chun pilnate, hetnate, kipahnate a pie ngâl a; migilote chun vang, Pathien sulungkimte kawma piek dingin a khawlkhawm hâm zawu hi. Zie chule bangmahlo leh huih delh tawbang ahi.

THUGENPA 4:4

Sepgimna cheng leh, muh beh ding utchaknate hi ki-awhchâk tuohna zieka hung um ahi tih ka he tai. Ziehi le bangmahlo leh huih delh tawbang ahi tih ka he tai.

ISAI 1:3

Bâwngchal in a pu a he a, sabiltung inle a pu an piekna a he a; himahleh, Israel te hin vang chuh a he puou a, ka mite hin chuh a helo himhim uh ahi,” a ti a.

ISAI 1:4

E! nam gilo, manlohna a dim, thil phalo tak hih sek leh, migilo na hi! Na gitlohna chun a hun hihniem a Lalpa Israel Pathien thiengtho chuh na deih puoh a, amah chuh na kiheimangsan uh a, na nungchawn tau hi.

ISAI 12:3

Dangchâkte dinga tui thieng tak chuh kipahna ahih mah bangin, Pathien hukdamna chuh a mipite kipahna ahi ngâl a,” ti’n.

ISAI 5:13

Zieziekchun, ka mite chuh hetna a neih loh ziekun sala puih in a um tau a. A mi zahumteu chuh a gil uh a kiel a, a mipiteu chuh dangchâk in a dang uh a gaw zo tai.

ISAI 55:2

Vahna ding hilo a, bang zieka dangka seng a, lung-awihna tun diek lo dinga bang zieka na sepgim uh ahi? Ka thugente hi gunchuh takin ngaithau unla, an pha chuh neu inla, tichun, na hinnau chuh thil thau achun lung-awi hen.

ISAI 63:8

Lalpa chun, “Ka mite ahiu a, ei thêm ngei puo’n au,” ti’n. Khutichun, amau haw chuh a gimtheih thuoknau apat chun a hukdam ta a.

JEREMIA 1:16

Ei taihsan u a, pathien dangte kawmah gimlim a hâl u a; amau haw khutsuok ngêi a ho u a, a gitloh na hawu chengcheng chunga ka lunggel haw chuh phuong ing ka.

JEREMIA 14:3

A milienteu in a suokteu chuh tuikhai in a sawl u a. Tuikul a zuon u a, mahleh tui a mu puou a, tuibel hawm chawiin a vaikit u a; a lungdawng u a, gen ding helo in a luu a khuh u a.

JEREMIA 15:6

Nangin nei paih tha a, na nungtawlh zel a tih hi Lalpa kamsuok ahi. Khutichun, na chungah ka khut ka tha a, ka hun sumangthai a, kisik hi ka chim tai.

JEREMIA 17:13

Aw Lalpa, Israel te kinepna na hi a, nang hun taihsan taphawtte chuh muolpho in um un au. Nang hun kiheimangsan te chuh leivui laka min zik bang phetin mangthai un au, hinna tuinak, Lalpa chuh a taihsan ziekun.

JEREMIA 18:14

Lebanon tânga Sirion suong phawm lak haw achun vuk umloh kal a um ngei em? Ahihloh leh, tâng a tui chuh a kang in, luicha tui vawt hung luongte chuh a kang ngei em?

JEREMIA 19:4

Kei ei kiheimangsan u a, zie mun hi a subuok u a, amau leh a suonteu leh Juda leng te’n le a hêtkhâk loh uh pathien dangte kawmah gimlim a hâl ziekun leh zie mun hi pawi khawih lo thisan a a sukdim tâk ziek un.

JEREMIA 2:11

Nam dang te chun pathien tak hilo mahleh, a pathien uh a sang ngei puou a, ka mite’n vang kei a lopi na Pathien uh hi thil phachuom lo tawh ei theng tau hi.

JEREMIA 2:17

Lalpa na Pathien chun lampi a a hun puih laia na taihmang san ziekin, zie chuh na chunga na tunsak hilo ahim?

JEREMIA 2:26

Gucha matdawk ahih a a zahchâk bangin, Israel inkuon te le a zakcha tau hi, a leng teu leh a milien teu, a thiempu teu leh a thiemgau teu chun.

JEREMIA 4:22

Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.

JEREMIA 5:26

Ka mite lak achun mi nunsiete a um ngâl u a, vacha thângkamte guol in a châng zing u a; thâng a kam u a, mite chuh a âwk u a.

JEREMIA 5:31

Thiemgaute chun lepchieh thu ngen a genlawk u a; thiempute chun la a thu thuu in vai a hawm u a; ka mite chun khutibang hih chuh a nawp lam uh ahi. Himahleh, a tâwp a hung tun tieng bangti’n na hih ta ding u le?

EZEKIEL 14:5

A lungthim uh ka mat kit theihna dingin, amau chun a milim hawu ziekin ei nusieh ta ngâl u a.

EZEKIEL 47:1

Tichun, Ho-In kawtkhak achun ei leh puihkit a, chun, ngaitie, Ho-In kawtkhak bul nuoi apat chun, suohlam zuon in tui a hung luong dawk a; ho-In chuh suohlam nga ahi ngâla, tichun, tui chuh maichâm simlam a Ho-In sik changlam apat chun a hung luong tha a.

MIKA 2:8

Himahlele, Lalpa chun a dâwng a, “Ka mite chuh melma bangin na do u a, kido nuom lo a, In ah gâlmuong takin um ing ka tite apat in, a silhlechenteu puonâk chuolteu na hâwkthak sak u a.

MIKA 6:3

Lalpa chun, “Aw ka mite haw, na chungu ah banga ka hih le? Bang tiengin ahim nang haw ka hun suk lungkham? Ei hun dâwng tiem u!

ZEKARIA 13:1

“Zie ni chuh a hungtun tieng leh, David suonte leh Jerusalem mite gitlohna leh milim honau apat sukthien na dingin tuikhuk hawn in um ina,

JOHAN 4:10

Isu’n a dâwng a, a kawmah, “Pathien thilpiek leh dâwn ding nei pie’n ti a na kawma ngên pa hi he leh chin, nangin a kawma ngên zaw ding na hi a, tichun, ama’n hin tui hun pie zaw ding hi a,” a ti a.

JOHAN 4:11

Chun, numei chun a kawmah, “Hepu, a khaih dawkna ding la bangmah na nei puoh a, tuisutdawk a thuk siet tawh, khawi apat in a hintui na muh?

JOHAN 4:14

kuole, a kawma tui ka piek ding dâwn ta chuh, kumkhuo’n a dang uh châk kit ta puo’n a, ken tui a kawm u a ka piek ding chuh a sung u ah tuinak hung um intin, kumkhuo tuonga hinna dingin kichik to ina,” a ti a.

JOHAN 7:37

Chun, Kut kichaihna ding ni lopi pên achun Isu a ding a, aw ngeih tak in a kiko a, “Kuole, a dang a châk chun, ka kawmah hung hen la, dâwn heh.

DAN NIHNA 31:16

Chun, Lalpa’n Mosi kawma chun, “Ngaitie, na pilepute kienga ipmu ding na hi ta a, zie mite hi kipan untin, a va umna dingteu gama pathiente chung achun zawl ei saihsan intin un, ei ngaihsak puo’n tin un, amau tawh ka thuthun chuh bawtsie’n au.

2 PETER 2:17

Ziete haw chuh, tuikhuk tui umlo leh, meibuol huih in a mût lêng viel viel tawbang ahiu hi; amau a ding chun khawthim sah tak chuh kumkhawtuong a ding a sit sak ahi.

THUPHUON 21:6

Chun, ka kawmah, “Hih zawh ahi tai! Kei Alpha leh Omega, a Bul leh a Tawp chuh ka hii. Dangchâk ta chengte kawm achun, Hinna tuikhuk a um, a thawn in pie’ng ka.

THUPHUON 22:1

Chun, amah chun hinna luipi chîm tak, krustal suong tawbanga val, Pathien leh Belam No Lalchutphah apat hung luong dawk chuh ei etsak a.

THUPHUON 22:17

Thagau leh mo chun, “Hung ah,” a tiu a. Kuole, a za ta cheng chun, “Hung ah,” tiu hen. Dangchâk ta cheng hung uh hen; a nuom ta chengin Hinna tui hi a thawn in hung kilak u hen.

VAIHAWMTE 10:13

Himahlele, nangun nei kihei mang san u a, pathien dangte na na sem zaw tau a; zieziekchun hun hukdawk ta puo’ng ka.

1 SAMUEL 12:10

Chun, Lalpa chu a sam u a, ‘Lalpa chu I kinungheisan u a, Baal haw leh Asteroth haw na ka nasep ziekun ka na gilo tau ahi: himahlele ka melmateu khut apat hi ei hukdawk inla, tichun na na sem ing kau,’ a tiu a.