JEREMIA 2:11 - PATHIEN LEKHABU THIENGTHO (BSI)

¹¹ Nam dang te chun pathien tak hilo mahleh, a pathien uh a sang ngei puou a, ka mite’n vang kei a lopi na Pathien uh hi thil phachuom lo tawh ei theng tau hi.

JEREMIA 2:11 ပူးပေါင်းရင်းမြစ်များ

ROME 1:23

Thithei lo Pathien lopina chuh thithei mihiemte leh, vachate, ganhing keng li neite, ganhingte lim bang a hih sak tau hi.

ISAI 37:19

a pathienteu, pathien tak hilo, mihing khuta, thing leh suong a siemte chuh a hâltum sek hi tih hi thudik ahi a.

JEREMIA 16:20

Mi’n amah a dingin pathiente a kisiem theih a ahim? ziehaw chuh pathien a hi puou chu la.

SAM LEHKHABU THE PSALMS 106:20

Khutibang chun Pathien lopinau chu bâwngchal hampa pet lim tawh a theng u a.

MIKA 4:5

Namtin te chun amau pathien chiet ho in a thu zawp un tin uh, Himahleh Kei hawn vang, Lalpa ka Pathien chuh ho in, a thu zawp ing kau.

1 KORINTH 8:4

Chun, milimte kawma thillat nek thu achun: vannuoi ahin milim chuh bangmah ahih loh zieu leh, Pathien khat chauh a um hi tih I heu hi.

JEREMIA 2:8

Thiempu te’n la, ‘Lalpa chuh khawia um ahi,’ le a ti diek puou a, dân enkawl te’n le ei he diek puou a; vaihawm te chuh ka chung ah a hel u a, thiemgau te’n le Baal min in thu a gen u a, thilpha chuom lo a delh tau hi.

JEREMIA 2:5

Lalpa chun hiti hin a tii: “Na pileputeu in kei ahin dikloh na bang a muu hi? Kei apat in gamla tak ah a chieh mang u a; thil thulimlo a delh u a, bangmah lo mai a hung hih u hi,

SAM LEHKHABU THE PSALMS 115:4

A pathien chu dangka leh sana ahiu a, Mihiemte khut suok ahiu hi.

SAM LEHKHABU THE PSALMS 3:3

Himahlele, aw Lalpa, nang chuh ka kimvela ka phaw na hi ie; Ka lopi na leh ka luchang dawm kâng pên na hi a.

DAN NIHNA 33:29

Aw Israel, na hampha ie, Lalpa’n mipi a hukdam, nang tawbang kuo a um? A hun panpih phaw na lopina phaw, Na lopina chemzâm ahi! Na melmate na kawmah kitulut intin un, A mun sang teu chuh tawh den inla”

1 PETER 1:18

Na pulepateu hun pieksawn, na nunlekhan uh hawmngawn lak apat chuh, thil sie thei, dangka leh sana te haw a tat na hi puou a,

GALATI 4:8

Malai khan nangun, Pathien na na he puou a, pathien hilo mawng mawngte suok in na na um him uh ahi.

1 SAMUEL 4:21

Chun, “Lopina chun Israel a nusieh tai,” ti kawmin nau min ding chun Ikabod a sa a: Pathien bawm chuh a lâksak uh a, a talpupa leh a pasal chule a thih tâk ziekun.

2 KHANGTHUBU 13:9

Aron suon Lalpa thiempute chu na nawhdawk u a, Levi te chuh na nawhmang u a. Nam dang te hih guolin a mun luoh dingin thiempute na kisiem u a. Kuole, bâwng chal tawh ahim, belam sagih ahim tawh hung taphawt te chu na pathien teu dinga thiempu hi dingin kawih chuom theih ahi zel u a.

JEREMIA 5:7

Bangti’n ka hun ngaidam thei die? Na chate chun ei taihsan u a, pathien tak hilote sâm in a kipautiem u a; tai taka ka vak lai in le zawl a sai u a; nawhchizuok haw in ah a hawn hawn in a kikhawm sek ui.

JEREMIA 18:13

Zieziekchun Lalpa’n hiti hin a tii: “Nam dangte dawng mah tiem u, tuma’n zie tawbang thil hi ana um kha ngei em? Nungak thieng Israel chun thil tizat-um tak a hih tai!

EZEKIEL 5:7

Zieziekchun, Lalpa Pathien chun hiti hin a tii: Na kimvela nam haw sanga buoium zawa na uma, ka dân siem haw guola na um loh a, ka thutanna haw na zuih loh a, na kimvela nam haw dân chuh na zuih zawk ziekin,

EZEKIEL 14:5

A lungthim uh ka mat kit theihna dingin, amau chun a milim hawu ziekin ei nusieh ta ngâl u a.

DAN NIHNA 32:16

Gam dang pathiente’n a mitthîpna a chawktho u a; A milim tenum hawu in a châwk lungnau hi.

DAN NIHNA 32:21

Pathien hilo thil in ei chawk thikthusieu a, A milim pannabei hawu in ei chawk lungnau hi. Nam le ting lote mang in a thikthuu susie’ng ka ting; Nam ngawl tak mang in chawk lungna’ng ka.

1 LENGTE 11:33

Amau haw chun ei taihsan u a, Zidon mite pathiennu Asteroth te, Moab mite pathien Kemosh te, Amon te pathien Milkom te a ho ziekun, ka mitmuha thilpha hih ding leh ka thuguot te leh ka vaihawm te hi a zawp dinga a pa David banga ka lampite a hawh loh ziekun.

2 LENGTE 1:3

Himahlele, Lalpa vânsâwlchâk in, Tishbe-mi thiemgau Elija kawmah, Kipan inla, Samari khuo leng Ahaziah mi sawlte na hopih dingin va chieh inla, a kawm u ah, “Israel gama hin Pathien a um takloh ziekin ahim, Ekron khuo pathien, Baal-zebub dawng dinga na chieh tâk mai uh?