JEREMIA 19:4 - PATHIEN LEKHABU THIENGTHO (BSI)

⁴ Kei ei kiheimangsan u a, zie mun hi a subuok u a, amau leh a suonteu leh Juda leng te’n le a hêtkhâk loh uh pathien dangte kawmah gimlim a hâl ziekun leh zie mun hi pawi khawih lo thisan a a sukdim tâk ziek un.

JEREMIA 19:4 ပူးပေါင်းရင်းမြစ်များ

JEREMIA 2:34

Na puonchen nasan ah mi gimthei, thilsie bawllo te hinna thisan a bek hi. A hun buluh te na thah le hi sâm lo in,

ISAI 65:11

Himahlele, nang haw Lalpa nungngat a, ka tâng thiengtho Zion ngaihsak lo a, vang-etna pathien Gad leh Mini hona dawhkhâng bawla, a tupna a tun dem tih hetna dinga dawhkan a uain chawkhel a khawna sung dim sek te haw;

2 LENGTE 21:16

Lalpa mitmuha thil gilo tak hih a, Judate milim ho dinga a puih mang tih loh in, Manasseh chun gitlohna neilo, mi tamtak a that a, Jerusalem khawpi sung chu thisan in a luong hiel hi.

DAN NIHNA 28:20

“Lalpa’n na chungu ah gâusapna hun sawl intin, na sep na bawl cheng u ah buoina leh gimthawnna hun sawl intin, amah nusieh a thil phalo na hih ziekun, kintaka sietna leh châtvaihna na tuok masangsieh un.

JEREMIA 7:9

Gucha kawm in, tuolthat in, zawlsai leh lepchieh a kihâksiel in Baal kawma gimlim hâl in pathien dang na hêtkhâk loh uh na ho u a.

JEREMIA 17:13

Aw Lalpa, Israel te kinepna na hi a, nang hun taihsan taphawtte chuh muolpho in um un au. Nang hun kiheimangsan te chuh leivui laka min zik bang phetin mangthai un au, hinna tuinak, Lalpa chuh a taihsan ziekun.

JEREMIA 11:13

Aw Juda, na pathiente chuh na khawpi zah hielin a tam u a, thil zahchâk um tak, Baal kawma gimlim hâlna ding maichâm Jerusalem kawtthêl zah hiel na zahchâkna dinguh na siem tau a.

JEREMIA 2:19

Na gitloh na ngêi chun hun thawk sak intin, na nungchawn sek na haw chun hun hilhgaih ina; ei kihchak na neilo a Lalpa na Pathien na taihsan hih thil gilo tak leh kha tak ahi, tih hi hun hedawk in muchien inla tih hi, Lalpa Sepaihte Lalpa kamsuok ahi.

JEREMIA 2:17

Lalpa na Pathien chun lampi a a hun puih laia na taihmang san ziekin, zie chuh na chunga na tunsak hilo ahim?

JEREMIA 2:13

Ka mite’n thil phalo nih a hih ta ngâl u a, kei hinna tuikhuk ei taihsan u a; tui kitin na ding tuikhuk a lai u a, a tuikhuk laih u chuh a khi, tui kiting theilo ding chuh!

ISAI 59:7

A kengteu chuh thil phalo lam zuonin a suon u a; kin takin gitlohna neilote thisan a suoh sek ui. A ngaihtuohnau chuh manlohna lungthim ahi seka; a lampiu achun chigapna leh sietna aum hi.

2 LENGTE 24:4

pawikhawihlo thisan a suoh a, Jerusalem chu pawikhawih lo te thisan a a sukdim ziekin Lalpa’n a ngaihdam nuom loh ahi.

THUPHUON 16:6

Amau haw chun mi thiengthote leh thiemgaute thisan kha a na suoh uh a, nangin thisan dâwn dinga na piek thuk hi, dâwn tak him ahiu ie!” a tih uh ka za a.

LUKE 11:50

Tichun, tu huna mite hi, khawvel siem tunga kipat leh,

SUNNA LA 4:13

A thiemgaute leh thiempute gitlohna ziekin ahi a sung achun bangmah hihsie lote thisan chu a suoh ta a.

JEREMIA 26:23

Tichun, Aigupta gam apat in Uria chuh a puidawk u a. leng Jehoiakim kawmah a hun pui u a, amah chun chemzâm in a na that a, a luong chuh mi vantâng thân ah a vui tau hi.

JEREMIA 26:15

Kei nei suklup u leh vang nang u leh zie khawpi leh mipite chungah mi dik thisan phuba tunsak ngêi ding na hiu tih kihet un; diktak in zie thu haw hi na zak u a gen dingin Lalpa’n na kawm u a ei sawl ka hi ngâl a,” a ti a.

JEREMIA 22:17

Himahlele, na huoihamna te, mi dik thisan suohna dingin leh bawl sietna leh pawngbawlna ding mai in, na mit leh na lunggil na mang zo ahi.

JEREMIA 18:15

Himahleh, ka mite chun vang ei hengilh tau a, milim pathien haw masangah gimlim a hâl tau a. Ziehaw chun a chieh na lampi hawu achun a kisuih sak a, lampi lui u chuh zui lo in, lampi neu haw achun a chieh tau hi.

JEREMIA 16:11

Hiti hin na gen ding ahi. “Nanguh hun suon ten ei taihsan ziekun ahi, pathien dang le a ho u a, a na a sem u a, a ho u a, ei taihsan u a, ka dân a zâwp puou hi.

JEREMIA 15:6

Nangin nei paih tha a, na nungtawlh zel a tih hi Lalpa kamsuok ahi. Khutichun, na chungah ka khut ka tha a, ka hun sumangthai a, kisik hi ka chim tai.

JEREMIA 5:6

Zieziekchun, gammânga sakeibaknei in amau chuh pet intin, gamgaw a ngei haw chun amau chuh ne zo ina. Keite chun a khawpiteu chuh chang intin; a hung pawtdawk tak u leh bawttel ina. A bawhsiet nau chuh a tama, a nungchawnnau haw a nasat ziekin.

JEREMIA 2:30

Na chateu ka zêp a la a phachuom puoh a; a phatpih diek puou hi. Sakeibaknei gawlham tak bang mai in na chemzâm teu in thiemgau te a that zo ta a.

DAN NIHNA 28:64

“Chun, Lalpa chun kâwlmawng langkhat apat a kâwlmawng lehlam chanin namtin lak ah hun thehzak intin, zie chun nang u leh na pileputeu in le na hêtkhâk loh uh thing leh suong pathien dang haw na va sem inlau.

DAN NIHNA 28:36

“Nang u leh na pileputeu in le a hêtkhâk loh uh, nam kawm achun nang u leh na lengpau ngêi chuh Lalpa’n hun nawhlut intin, zie chun thing leh suong a kisiem pathien dang haw na va sem inlau.

DAN NIHNA 13:13

Na laku apat Belial chate hung pawt in, “Khawi tiem u, pathien danghaw ho hitiu,” ti a na het khâk loh uh pathien haw ho dinga khuo a mipite chuh a puihmang thuu na het u chun;

DAN NIHNA 13:6

Na suohpih ahim, na chapa ahim, na chanu ahim, na pawmlai na zi ahim, na guol phapen ahim in na pileputeu ho khâk loh pathien dang ho dingin a hun thêm thei u a,

2 LENGTE 23:10

Chun, leng Josia chun, kuoma’n a chapau ahim, a chanuu ahim, Molek pathien kawma kithawihna dinga a piek lohna dingun, Ben-hinnom guoma milim pathien hona, Topheth chu a hihbuok sak a.

JEREMIA 1:16

Ei taihsan u a, pathien dangte kawmah gimlim a hâl u a; amau haw khutsuok ngêi a ho u a, a gitloh na hawu chengcheng chunga ka lunggel haw chuh phuong ing ka.

JEREMIA 7:6

Nam dang mite, pa neilote meithaite na bawlsiet loh u a, zie mun ahi mi dik thisan na suoh loh u a na sietna ding u a pathien dangte na delh diek loh u chun,

JEREMIA 17:20

Lengte leh, Juda mipite chengcheng kawma leh, mi tin, Jerusalem a chêngte leh, zie kawtkhaka lut sekte cheng kawm achun ka thugen hi va hilh in.”

JEREMIA 22:3

Lalpa chun hiti hin a tii; Diktak leh thudik in vaihawm un la, sugimtheite khut a gimtheihna thuokte chuh hukdawk unla, chun, gamdang mite, pa neilote leh meithaite chungah diklohna ahim, hiemngam na ahim chîng kiu in; zie mun ahin mi diktat thisan le hun suoh diek kiu in.

JEREMIA 44:3

Amau leh nang u leh na suonteu un le, pathien dang te a het khâkloh uh nasem ding leh, a kawm u a gimlim hâla ei sulungna dingin a thulimlohna teu a hih tâk ziekun.

EZEKIEL 7:22

Amau lak achun va kikum puo’ng ka ting, ka mun zek chuh subuok in au. Tichun, guchate lut intin un, subuok ding ahi ngâl u a.

EZEKIEL 20:26

Kithawihna a cha lutîl mei laka paih luta amau leh amau kisubuok in ka um sak ta a, lauhna a a hung dim u a, a tâwp leh Lalpa chuh ka hi tih a hun het theihna dingun.

DANIEL 11:31

chun, a sepaihte laka khenkhatte chun Ho-In chuh subuok un au. Ni chenga kithawihnate chuh sutawp untin, zie tak achun Thil tenum, Luoksuok-um tak chuh dindawk sak un au.

VAIHAWMTE 5:8

Israel te chun pathien dang a hun neih phet un, Gamsung achun kidona a hung um ta a; Israel mi sang sawmli lak achun phaw leh tiengcha chawi a um mawng um?

SAM LEHKHABU THE PSALMS 106:38

Sietna neilote thisan, a chanuteu leh a chapateu thisan ngêi chuh a suoh tau a, Ziehaw chun Kanaan gama milimte kawmah a kithawi u a; Zie gam chuh thisan in a hung buok ta a.

EZEKIEL 8:11

Chun, a masang u a chun Israel inkuon upa haw laka pasal sawmsagih te chuh a ding u a, a lailung tak a chun Shaphan chapa, Jaazaniah, chuh a dinga, mitin chun gimlim hâlna a chawi chiet u a; chun, gimlim khu chuh a chiehto nguoh nguoh zieng a.