JEREMIA 18:8 - PATHIEN LEKHABU THIENGTHO (BSI)

⁸ Zie nam chun thil phalo a chung u a tung ding apat a a hung kihei kit u chun, a chung u a thil phalo bawl ka guot chuh hai kit ing ka ting,

JEREMIA 18:8 ပူးပေါင်းရင်းမြစ်များ

EZEKIEL 18:21

“Ahihziekin, migilo chun a thil gilo hih chengcheng a kiheisan a, ka dân siemte a mata, dân chuh zuia thilpha a hih chun hing in tin, thilo ding ahi.

JEREMIA 26:13

“Zieziekchun, tuhin na lampiteu leh na thilhih teu siemphau unla, Lalpa na Pathien u chuh a thu zawp un; tichun, Lalpa’n na chung u a thil phalo hih dinga a gen sa chuh lunghei kit ding ahi.

HOSEA 11:8

“Aw Ephraim, bangti’n ahim ka hun paih thak theih ding? Aw Israel, bangti’n ahim ka hun taihsan theih ding? Admah ka sukmangthai bang khan na chungah bangti’n a ka hih ding? Zeboiim bangin ka hun bawl thei dinga ahim? Ka sung ah ka lunggil a kilek a, ka lungsietnate chuh a kimut âm zaw ta a.

JEREMIA 26:3

Amau chun a na ngaithau in, mitin chuh amau gitlohna apat a vaikit kha mawh ding u, khutichun, a thil phalo bawlteu ziek a thil phalo hih dinga ka ngaihtuoh chule ka kisik kha mawh die!

VAIHAWMTE 2:18

Chun, Lalpa’n amau puihuoi ding a siem saka, Lalpa chuh zie a vaihawmte kawm achun a um a, a damsung cheng u chun a melma teu khut apat in a hukdawk zela; hih gimtheih leh suklungkham a a um ziekun Lalpa’n amau chuh a lungsiet ta a.

SAM LEHKHABU THE PSALMS 106:45

Amau haw ziekin a thuthun chu a hezing a, A zahngaih dân bang zelin a lungthim a kilehhei ta a.

SAM LEHKHABU THE PSALMS 135:14

Lalpa chun a mihaw chuh vaihawm sak in, A sawntawlawi te chung thu a chun a lungthim chu kilehhei ding ahi ngâl a.

SAM LEHKHABU THE PSALMS 90:13

Aw Lalpa, hung kihei inla; bang chan lungnat guo na him? Na sawntawlawi chung ahin na lainatna sulang in,

2 KHANGTHUBU 12:6

Khutichun Israel te lawiupa te leh leng chuh a hung kikhieniem u a, “Lalpa chu a thilhih a hin a dik ahi,” a tiu a.

DAN NIHNA 32:36

Lalpa chun a mite vaihawm intin, A suokte chungah lungsietna nei ina, A thilhih theihnau a beih a, um himhim um talo a a muh tieng.

PAWTDAWKNA 32:12

Bang zieka Aigupta mite’n, ‘Amau dinga phalo ding leh, tânga thah ding leh, leichung apat a sukmangthai vek dinga a puihdawk ahi,’ a hun tih ding uh? Na lungnatna nasatak hi sudai inla, na mite chunga zie thil phalo hih tunsak dah hâm in.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

EZEKIEL 33:13

Mi diktat kawma, ‘Hing tei ina,’ ka tih a, amah chun a diktatna muong a gitlohna a hih chun, a diktatna chuh khat le hetzing hi puo’n tin; gitlohna a hih ziek chun thi zaw’n a.

EZEKIEL 33:11

A kawm u achun, ‘A hin a ka hin lai chan chuh, migilo thihna ahin kipahna himhim ka nei puo a, migilo in a umdan a nutsieh a a hin hi ka kipahna lam ahi zawi. Na umdan phalo hawu apat chun vaikit un, vaikit un! Aw Israel insung mite haw, bang ziekin e na thih ding uh?’ Lalpa Pathien chun a tii,” ti’n gen in.

JEREMIA 42:10

‘Zie gam ahi na um zing u chun hun tung dawk kit ing ka ting, hun supuk puo’ng ka; hun phut ing ka ting, hun bawt dawk puo’ng ka, na chung u a thil phalo ka tunsak te chuh ka kisik ta ngâl a.

JEREMIA 36:3

Zie tieng chuleh Juda inkawte chunga thil phalo hih ka guot haw cheng chuh hun hedawk untin, mitin chuh a thil hihkhelh nau apat in a hung kihei kit kha mawh ding u, a manlohnau leh a gitlohnau ka ngaihdam theihna dingin,” a ti a.

JEREMIA 26:19

Juda leng Hezekia leh Juda mipite khan amah a that u leh? Lalpa lau in Lalpa deihsakna chuh a ngên u a, Lalpa’n a chung u a thil phalo tung ding a tih chuh a kisik kit hilo ahim? Ei un vang ei mau a dinga thil phalo I chung u a I tunsak ding uh ahi hi,” a tiu a.

JEREMIA 15:6

Nangin nei paih tha a, na nungtawlh zel a tih hi Lalpa kamsuok ahi. Khutichun, na chungah ka khut ka tha a, ka hun sumangthai a, kisik hi ka chim tai.

JEREMIA 12:16

Chun, hiti hi hung hi’n a, Baal kawma ka mite kihâksiel a sinsak bangun, ka min a, ‘Lalpa chuh a hin zing bang in,’ ti a kihâksiel a sin u a, ka mite umdan guntaka a sin u chun ka mite lak ah tung ding ing ka.

EZEKIEL 33:14

Chun, migilo kawma, ‘Thi tei ding nei ve,’ ka tih a, a gitlohna a kiheimangsan a, a thieng leh a dik a hih a;

PAWTDAWKNA 32:14

Tichun Lalpa’n a mite chungah thil phalo ahih guot chuh a kinungzuk ta a.

EZEKIEL 33:12

“Zieziekchun, nang mihing chapa, na mite chate kawm achun gen in: ‘A sukkhelh ni chun mi diktat chuh a diktatna chun amah chuh hukdawk puo’n tin, chun, migilo chuh gitlohna chun le, a gitlohna a kiheimangsan ni chun, amah chuh supuk puo’n tin; mi diktat chule gitlohna hih ni chun a diktatna ziek chun hing thei diek puo’n a.’

AMOS 5:15

Gitlohna chuh hawu unla, phatna ngainau unla, kulh kawt ah dikna chuh tung dingun: Joseph te inkuon a mi, a na damsunte chunga chun Lalpa Sepaihte haw Pathien chun lungsietna nei ding ahi ngâl a.