JEREMIA 18:16 - PATHIEN LEKHABU THIENGTHO (BSI)

¹⁶ A gam uh suchavai ding leh, kumlekhuo a hagawih khum ding leh a vakviel taphawt ten maksa’n a luchang uh thin khum un au.

JEREMIA 18:16 ပူးပေါင်းရင်းမြစ်များ

SAM LEHKHABU THE PSALMS 22:7

Ei mu lam chengin ei nuihsan u a; A mûk a bo sak u a, a luchang a thing u a,

JEREMIA 25:9

ngaitiem u, mâllam a nam chengcheng chuh sam ding ka hi, Lalpa’n a tii. Ka suok Babulon leng Nebuknezar le sam ing ka ting, amanhaw chuh zie gam leh, a sunga mite leh, a kimvel a nam chengcheng hi do ding leh sumangthai vek dingin hun pui ing ka.

JEREMIA 19:8

Chun, zie khawpi chung ahin zie tawbang thil tizat-um tak chuh tunsak ing ka ting, a hawh malam taphawtte chuh maksa takin phuguih un au.

MATTHAI 27:39

Tichun, mi chieh viel-vak vielte chun a luchang uh thing in, “Nang, Pathien Ho-In phel a, ni thum sunga sakit ding pa, nang leh nang kihihdam ah:

MIKA 6:16

Leng Omri leh a chapa leng Ahab thilhih sekte na zuih ziekun, zie thil haw hi na chungu ah hungtung ina. A lemguot hawu chuh na sunzawm u a, zieziekchun, na chungu ah sietna hun tunsak ka ting; tichun, mi chengin hun musit un tin; muntin a mite chun musit takin hun bawl un au!” Chun, ka mite minsiet na chuh puo’n la, ti’n.

JEREMIA 50:13

Lalpa lungnat na ziekin luoh loh in um intin, a hawm in um zawna. Babulon a chieh taphawt chuh a sietna haw ziek chun tiza mah mah un au.

JEREMIA 49:13

Lalpa chun kei leh kei kisâm in ka kipautiem ta ngâla, Bozrah chuh maksak huoi huoi, gensiet, hawmngawn, hansiedawl hi’n tin, a khuo haw cheng le a sie’n um den ina, ti’n.”

1 LENGTE 9:8

Chun, zie In hi sang ten mahlele, a chieh pel taphawtte chun maksa’n a lunggil uh thawngguih un tin, ‘Bangati a Lalpa’n zie gam leh zie In hi zie bang a hi a bawl ahim?’ hun ti’n au.

MARK 15:29

Chun, mipi vakvielte chun a luchang uh thing in, “E khai! nang Pathien Ho-In phel a, ni thum sung a tungding kit pa!

ISAI 37:22

A chungchâng thu Lalpa’n a gen chuh ziehi ahi: Zion chanu, nungak thiengtho chun nang a hun musit a, a hun nuihsan a, Jerusalem chanu chun na nung lam apat in a luchang a hun thinkhum hi.

EZEKIEL 12:19

Chun, zie gama mite kawm achun, ‘Lalpa Pathien chun Jerusalem a cheng te leh Israel gam chungchâng achun hiti hin a tii: A an u chuh lau kawm takin ne’n tin un, a tui u chuh lungzîng takin dâwn intin un, a sunga cheng te kipawngbawlna ziekin a gam u chuh sukgam saka um ding ahi ngâl a.

EZEKIEL 6:14

Khutichun, a chung u ah ka khuttha’ng ka ting, gamthip apat Diblah chanin a chênna gam cheng u chuh gamgaw suoh sak in bangmah keh lohna’n siem ing ka ting: Khutichun, kei hi Lalpa chuh ka hi tih hun he tan au,” ti’n.

JEREMIA 9:11

“Chun, Jerusalem chuh thilsie kawihkhâwm bang mai in siem ing ka ting; si-âlte chênna mun hi’n a. Juda khawpite chuh luoh loh in suhawm ing ka,” a ti a.

ISAI 6:11

Tichun, ken a kawmah, “Bang chan ahi die Lalpa?” ka ti a. Amah chun ei dâwng a, “Khawpite hi mihing umlo hiela a hung hawma, Inte hi a cheng ding umlo khawpa, gam pumpi suksiet dimdem a a um a, a hawma nutsieh ahih ma cheng.

SAM LEHKHABU THE PSALMS 44:14

Nangin namtin lak ah a sie lam tehkalna’n nei umsak a, Mitin laka mite luchang thin khum inle nei um sak a.

DAN NIHNA 29:23

Gam pumpi chuh chi leh kât a dim, bangmah kichîn lohna, bangmah cha keh lohna leh hampa nasan le a keh lohna hi’n a. Gam chuh Lalpa’n lungna leh hachangthaka a suksiet Sodom leh Gomorra leh Admah leh Zeboiim khawpi haw tawbanga kha suksiet hi’n a.

DAN NIHNA 28:59

Lalpa’n nang u leh na suonteu chungah hipi huoisie tak tak, bei theilo leh natna huoisie tak tak leh bei thei lo lênsak ina.

THIEMPUDANTE 26:43

Himahleh, amau chun gam chuh taihsan ding ahiu a, amau haw umlo a a hâwma a um sung chun, a Sabbath kum haw achun kipâk ina; ka vaihawmna te a deihloh ziek u leh, a hinnau in ka thuguot te a hawt sek ziekin, a manlohnau gawtna chuh a pawm dinguh ahi.

THIEMPUDANTE 26:32

Na gam u chuh a hawm in um sak ka ting, tichun, na melmateu, a gam luohte chun a muh tieng u leh mak a sak hiel dingun hih sie’ng ka.

SAM LEHKHABU THE PSALMS 109:25

Amau haw gensiet ka na hi ta a: Ei muh poh poh u leh a luu a pei sek ui.

JEREMIA 42:18

“Sepaihte Lalpa Israel Pathien chun hiti hin a tii; Jerusalem a chêngte chunga ka lungnatna ka sunthak mah bangin, Aigupta gama na lut tieng u leh na chung u ah ka lungnatna sungtha’ng ka; hansiedawl leh maksak leh mi mûk chuonna leh gensiet hin na tin uh, zie mun hih mu kit ta hiel puo’n lau”.

JEREMIA 44:12

Chun, Juda umsun, Aigupta lama chen guo a kihei hâm hâm te chuh man ing ka ting, suchimit vek ing ka, Aigupta gam achun a lien pên apat a neupen tiengin, chemzâm leh kiel a sukchimit in um un tin; hansie thuok leh maksak leh mi mûk chuonna leh gensiet hi’nau.

JEREMIA 48:27

Israel chuh nanga dingin nuihzatbuk hitalo ahim? amah chuh guchate laka tel hilo ahim? A chungchang na gen cheng leh na luchang na pei khum hilo ahim?

JEREMIA 49:17

“Chun, Edom chuh maksak huoi huoi in hung um in tin, mi vakviel tapoh chun maksau untin, a siet huoisiet bêk ziek chun chekkhum un au.

SUNNA LA 1:12

Ziehi nang u dingin bangmahlo ahim, nang haw chieh suk chieh to te haw, ding unla, entiem u, Lalpa’n a lungnat ni a ei sukgimtheih dân hi, Zie bang lungkhamna ka thuok u hi, a thuok kha a um die aw?

EZEKIEL 27:36

Mite laka sumkawlveite chun hun chekkhum in au; Mite dingin tizat-um hung hi ta’n la, Kilang kit ngei ta puon la, ti’n gen ah,” a ti a.

EZEKIEL 36:3

“Zieziekchun, genlawk inla, Lalpa Pathien chun hiti hin a tii: Namte laka a dang haw a hun chan theihna ding u a ning tina a hun neh tuok u a, a hun sukhawm ziekun leh mi kamtamte holimna leh gen thanhuoi na hung hi tai.

2 KHANGTHUBU 29:8

Zieziekchun Lalpa lungnat chuh Judate leh Jerusalem a mite chung achun a um ta a, na mit uh a na muh bang ngêi u hin, buoina te, tizat-um na te chuleh êngho ding leh nuihzatbuk dingin a na siem ta ahi.

JEREMIA 29:18

Tichun, chemzâm leh kiel leh hipite’n delh zui ing ka ting, lei chunga lalgam haw lak ah zahhuoi takin siem ing ka ting, amau haw ka thehzak na gam haw achun, maksak ding leh, chekkhum a hansie buok khum leh gensiet dingin siem ding ka hi.

JEREMIA 51:37

Chun, Babulon chuh thilsie paih khawm na, si-âlte chênna mun, maksak huoi huoi leh chekkhum, a luoh um loh na mun hung hi’n a.

JEREMIA 51:43

A khawpite chuh hawmngawn in a um ta a, thalek, gamgaw, mihing himhim chen loh na, mihing cha kuomah tawh khâk loh gam a hung suok tai.