JEREMIA 17:4 - PATHIEN LEKHABU THIENGTHO (BSI)

⁴ Tichun, na chanvo ding ka hun piek khah chan in na tin, na gam het khâkloh gam achun melmate na hun sep sak ing ka. Ka lungnatna mei, kumlekhuo a kuong ding chuh na mût kuong ta ngâl a.

JEREMIA 17:4 ပူးပေါင်းရင်းမြစ်များ

JEREMIA 15:14

Gam na hêtkhâk loh u achun na melmateu lak ah hun kawih ing ka. Ka lungnat na mei na chunguh ah a kuong dawk ta ngâl a,” ti’n.

SUNNA LA 5:2

Ka neihlelam teu chu gamdang mite khut achun a um zo ta a; Gamdang mite chu ka In hawu achun a cheng tau hi.

JEREMIA 7:20

Zieziekchun Lalpa Pathien in hiti hin a tii: ‘Ngaitiem u, zie mun ahin ka lungnat na leh ka lauh umna sungtha’ng ka ting, mihiem chung leh gamsa chungah gam laka thing leh leichung a theigah chung haw nasan ah, tichun ka’n tin, mit kit ta puo’n a.’

ISAI 5:25

Zieziekchun, Lalpa lungnatna chuh a mite chungah a kuong dawk a, gawt dingin a khut chuh a chungu ah a tha a, amau haw chuh a zêp a, tichun, tângte chuh a kilîng dul dul a, a thi luongteu chuh khawlai dung vel achun ninpa bangin a um lemlum a. Khuti khawpa a bawlsa chun le, a lungnat chuh a hai diek puoh a, a khut a tha tei tei nalai hi.

JEREMIA 16:13

Zieziekchun, ka gam apat hin nanguh leh na pileputeu hêtkhâk loh gam achun hun nawhdawk ing ka ting, zie tak achun sun leh zan in pathien dangte nasem un lau; na chung u ah deihsakna sulang lo ding ka hi ngâl a, tih hi Lalpa kamsuok ahi.”

ISAI 14:3

Chun, na lungkhamna haw apat leh na buoina haw apatte, nasep haksa tak ahun sepsak nau haw apat chuh Lalpa’n a hun chawlhsak ni chuleh hiti hi hi’n tin;

EZEKIEL 21:31

Na chungah ka hachangthakna sungtha’ng ka ting, ka lungnatna meia hun mût ding ka hi; mi huham, mi sukmangthai thiem haw kawma chuh hun pie dawk ding ka hi.

SUNNA LA 1:12

Ziehi nang u dingin bangmahlo ahim, nang haw chieh suk chieh to te haw, ding unla, entiem u, Lalpa’n a lungnat ni a ei sukgimtheih dân hi, Zie bang lungkhamna ka thuok u hi, a thuok kha a um die aw?

JEREMIA 12:7

Ka in hun taihsan in, ka goluoh ding ka taihsan tai. Ka hinna’n a ngaih tak chuh, a melmate khut ah ka pie tai.

JEREMIA 5:29

Zie thil haw ziek hin gawt lo ding ka him, Lalpa’n a ti. Zie tawbang namte chung ahin ka hinna’n phuba la lo ding ahim?

ISAI 66:24

“Tichun, chiehdawk sek un tin, ka chunga kiphinte luong chuh mu sek un tin, a than u chuh thi ngei puo’n tin, a mei chule mit ngei puo’n tin; mi chengcheng mitmuh achun thil kihdak-um tak hi ta’n au,” ti’n.

ISAI 30:33

Tuma lam apat in Asuria leng meia hâlna ding chuh guonggalh khawlsa a hi ta ngâl a. Thuk tak leh lien tak leh, thing kisieh vum velvul a hi a. Lalpa’n zie hâlna ding chun a kawm apat in mei thahdawk in a.

NEHEMIA 9:28

Himahlele, gâlmuong a a hung um nung un na mitmuh a thil phalote a hih kit zel u a; zieziekchun, a melmateu khut ah na pie a. Tichun, a chung u ah thu a nei u a, mahleh kisika a hun sap phet un van apat in na ngaitha a, tamtak vei na zahngaihna chun na puidawk a.

2 LENGTE 25:21

Zie tak achun leng chun a zêp diek a, a that ta a. Khutichun, Judate chu, a gamsung uh apat, sala puih dawkin a hung um tau hi.

1 LENGTE 9:7

Israel te haw hi gam ka piek apat chun hih mangthai ing ka ting; zie ka min a dinga ka hih thiengtho sa hi ka mitmuh ngêi in paih ing ka. Tichun Israel te hi namtin chengte lak ah muhsit leh thupil a gensiet mai hung hi’n a.

DAN NIHNA 28:25

“Lalpa chun na melmateu zawh dingin hun siem intin; amau va do dingin lampi khat hawh in kuon in na tin un, a mau ah lampi sagih ah taizak inlau; lei chunga gam tin cheng ah thehzak in um inlau.

JEREMIA 2:14

Israel chuh suok ahi a ahim? Suok a pu In a pieng den ahim? Bang zieka tawhden a um ahi ta’m?

JEREMIA 18:23

Himahleh, nangin aw Lalpa, ei that dinga a kisak na hawu cheng na he a, a manlohnau ngaidam ki’n la. Na mitmuh apat in a gitlohnau thaimang diek ki’n. Na masang achun paih thak in um u hen la, na lungnat ni chun amau chuh paih thak in um u henla, a chungchâng uh ngaihtuoh in.”

JEREMIA 21:12

Aw David inkuonte haw Lalpa chun hiti hin a tii: “Zingkal in diktakin vaihawm unla, mi sugimtheite khut apat in sukgimtheih a umte chuh hukdawk un la, khutilochun, na thil gilo hih ziek u hin ka lungnatna chuh mei guola kuong in, kuomah phelh theih loh in hung kuong khan a”

JEREMIA 22:28

“Konia hi muhsit a um, bel gawpsa hilo ahim? A sunga deih theih umlohna hiel bel hilo ahim? Bang zieka amah leh a suonte chuh a hêtkhâk lohnau gama paih thak a um ahiu em?”

ISAI 50:11

Himahleh, nangmau meisel kidet a, thal kuong thei chawite haw, na thal kuong thei vak uh a chun khawsa himhim tiem u, Lalpa khut na thuok ding u chuh gim-um leh huoisie tak hiding ahi.

JEREMIA 5:19

Chun, hiti hi hung hi’n tin, Bang zieka Lalpa I Pathien un zie thil haw hih I chung u a a tunsak ahi? a tih tieng u leh, Kei nei taihsan u a, na gam u a pathien dangte nasep sak zaw ding na hiu hi,” ti’n a na dâwng ing ka.

EZEKIEL 7:24

Zieziekchun, Jentel te laka gilopen haw hun puilut ing ka ting, a in hawu lâksak in au; a hâtnau a kisuonpih u chuh sutawp ing ka ting, a mun zek hawu chuh sukbuok in um in au.