JEREMIA 17:3 - PATHIEN LEKHABU THIENGTHO (BSI)

³ Aw nang ka tâng! gamsung pumpi a na gitloh na ziek hin, na sum leh na go chengcheng te, na munsangte tawh gâllâk in pie’ng ka.

JEREMIA 17:3 ပူးပေါင်းရင်းမြစ်များ

JEREMIA 15:13

“Na sumlepai leh na gothilte chuh na gitloh ziek in aman bei in gâllâk in pie’ng ka, na gamgi tiengin.

JEREMIA 26:18

“Moraseth mi Mika chun Juda leng Hezekia lal lai khan, Juda mi chengcheng te kawma chun, Sepaihte Lalpa chun hiti hin a tii: ‘Zion chuh lo guol a kaih hi’n tin, Jerusalem chuh thilsie kipaih khawm hi’n a. A In umna tâng chuh gamlak munsang tawbang hi’n a,’ ti’n a genlawk a.

2 LENGTE 24:13

Chun, Ho-In leh leng In a go cheng chu Babulon lam ah a puo mang vek ta a. Lalpa’n a na gen guol in, Nebuknezar chun, leng Solomon in Ho-In matchâk, sanati a a siem chengcheng chu a sugawp vek ta a.

MIKA 3:12

Zieziekchun, nang haw ziekin Zion chuh lo lei guola kalh hi’n tin; Jerusalem chuh thilsie kawihkhâwm guolin um ina. Chun, Ho-In umna tâng chuh gammâng hungsuok ina.

EZEKIEL 16:39

Na ngaihzawngte khut ah hun pie’ng ka ting, na munsang haw chuh supai intin un, na thawihmuol haw chuh suchim in au; na puonte hun hâwk sak intin un, na kicheina sana haw chuh kilak intin un, sangawn leh ngawnchang in hun nusieh in au.

EZEKIEL 6:3

Nanguh Israel tângte haw, Lalpa Pathien thu hi ngaithau in: Lalpa Pathien chun muol leh tâng haw leh kawlsie haw leh guom haw kawm a chun” hiti hin a tii: Ngaitiem u, kei, keimah ngêi hin na chung u ah chemzâm hun pan ing ka ting, milim pathien na honau mun sang haw chuh susie vek ding ka hi.

SUNNA LA 1:10

A melmate chun a go neih cheng chu a lâksak tau a; Lalpa’n na mi pungkhawmte laka a lut loh dinguh ahi, ti a thu ana piek te achu a lut tâk ziekun.

JEREMIA 12:12

Thalek tângsangte chuh pal tan in susie tute a hung u a; gam tawp langkhat apat a langkhat tiengin, Lalpa chemzâm chun ne zo ding ahi ngâl a, muonna nei kuomah a um ta puou hi.

ISAI 27:9

Zieziekchun, Jakob te manlohna chuh zie hin sawp thien hi’n tin, ziehi a gitloh nau gah ngen ahi, Asher leh nisa limte chuh thokit talo ding khawp in, maichâm suong chengcheng chuh phel lemlum a bawl ahiu ui. (Himahlele, milim pathien maichâmte chuh, leia suongnip banga suknel leh, gimlim hâlna maichâm ahim, Asher pathien lim melchiknate chuh suksiet a hih ma’n, Israel te gitlohna chuh ngaihdam hi puo’n a.)

THIEMPUDANTE 26:30

Chun, na munsang teu suchim ing ka ting, na nisa limteu, na gimlim hâl nau maichâmte chuh hihchim ing ka, chuleh, na luongteu chuh na milim pathien uh gawpsate chung achun paih ing ka. Ka lungnatna a tâwp khawk a tun tâk ziekin.

SAM LEHKHABU THE PSALMS 78:58

A munsangteu in amah chuh a sulungnau a, A milim geikuok hawu in amah chuh a thik sak behlap a.

JEREMIA 20:5

Zielo chule khawpi hauhsakna chengcheng te, a sepdawk chengcheng teu, a go thillul haw cheng leh Juda lengte go haw cheng chuh a melmateu khut ah pie’ng ka ting, amau chun buluh un tin, kilak un tin, Babulon lam ah kipuok un au.

ZEPHANIA 1:13

A thuomphuo teu chuh gukmang hung hi’n tin, a inteu chuh sie’n tin; ahi, inte sau intin, mahleh luoh diek puo’n au. Grep huonte bawl un tin, himahleh, uain chuh dâwn diek puo’n au.”

JEREMIA 21:13

Ngaitiem u, guom sunga chêngte leh nanguh phaizawl suongpi a chêngte haw, nanguh ka hun kilanpih na hiu hi, Lalpa’n a tii. Nang haw chun “Ei do dingin kuo a hung kum tha ding, kuote a I chênnau a hunglut ding?” na tiu a.

EZEKIEL 23:46

Lalpa Pathien chun hiti hin a ti ngâla: A chung u ah mipi punkhawm unla, sawisa diek unla, suom un.