JEREMIA 17:22 - PATHIEN LEKHABU THIENGTHO (BSI)

²² Chun, Chawlhni’n na In uh apat in puokgik na puok dawk dinguh a hi puoh a, na mawng mawng le na sep loh dinguh ahi. Nanguh hun suonte kawma ka thupiek bangin, Chawlhni chuh na nit thiengtho dinguh a hi” ti’n.

JEREMIA 17:22 ပူးပေါင်းရင်းမြစ်များ

EZEKIEL 20:12

Zielo chun le, kei leh amau kikala melchikna dingin ka chawlhni haw chuh amau ka pie a, kei hi amau haw suthiengtho Lalpa chuh ka hi tih a het theihna dingun.

ISAI 58:13

Chawlhni chuh bawhsie lo dinga, ka ni thiengtho a na deihlam hih lo dinga na kêngpêk chuh na kihei saka, chawlhni kipah-um na saka; Lalpa ni thiengtho chuh na zah a, nangmah lampi hawh lo a, nangmah thu gen lo a na limbawl chun,

PAWTDAWKNA 23:12

“Ni gup sungin na sem inla, a ni sagih ni chun na chawlh ding ahi; tichun, na bâwngchal ahim, na sabiltung ahim a na châwl thei untin, na suok leh nam dangte le a hat thak theih na dingun.

THUPHUON 1:10

Lalpa ni achun, Thagau in ka hung um a, chun, ka nung lam ah, pengkun gi tawbang, aw ngeih tak in,

LUKE 23:56

Tichun, a kilehkit u a, thil gimlim leh thau gimlim chuh luong nuh ding chun a guonggalh tau a. Chawlhni chun, Dan Thupiek bangin a châwl tau hi.

LUKE 6:5

Chun, Isu mah in a kawm u ah, “Mihiem Chapa hi Chawlhni Lal ahi,” a ti a.

EZEKIEL 22:8

Ka thil zek haw na musita, ka sabbath haw na bawhsie ahi”.

THIEMPUDANTE 23:3

Ni gup sung chuh na nasep dinguh ahi a, himahleh, ni sagih ni vang chuh na chênna taphawt u ah Sabbath chawlhni ahi a, kikhawpna thiengtho a na mat dinguh ahi a; Zie ni a chuh na nasep loh dinguh ahi.

THIEMPUDANTE 19:3

Mitin in na nu leh pateu na zah dinguh ahi a, thu ka hun piek bang takin Chawlhni le na nit dinguh ahi. Kei hi Lalpa na Pathien uh ka hi ngâl a,’” ti’n.

NEHEMIA 13:15

Zie hun lai chun, Juda mi khenkhat chawlhni a uain thawk te, buhphal hun pawlut a, uain te, grep te, theipi te leh van puokgik chichuom chuom a sabiltung teu a hun puok sak haw chuh ka mu a; ziehaw chun chawlhni’n Jerusalem ah a hun pawlut u a. Chun, zie ni a nek ding a zawk u chuh a dikloh zie ka hetsak a.

JEREMIA 17:24

Chun, Lalpa thu pawt chun hiti hin a tii: Khawksa tak a ka thu na ngaihthak u a, chawlhni a zie khawpi kawtkhaka chu thil gik na puoklut loh u a, na himhim sem lo a chawlhni na nit thiengtho u chun,

ZEKARIA 1:4

Thiemgau masate’n, na umdan gilo u kha tuhin kiheisan un la, na thil gilo hih hawu kha kilehheisan un, a tii, ti a na pileputeu a hilh sau ale ngaitha lo a, limsak lo bang khan um kiu in, tih hi Lalpa kamsuok ahi.