JEREMIA 17:16 - PATHIEN LEKHABU THIENGTHO (BSI)

¹⁶ Himahleh, aw Lalpa, a chunguh a thil phalo tun sak dingin ka hun sawl kha puoh ngâl a! A sietna dinguh ni le ka deih sak diek puoi tih le na hêi. Ka thugen haw le na he vek ngâl a.

JEREMIA 17:16 ပူးပေါင်းရင်းမြစ်များ

NASEPTE 20:27

Pathien thiltup chengcheng a bawnin, na kawm u a suklat ka kitim puoh kha.

NASEPTE 20:20

Khati khan, a phachuom ding thu, na kawm u ah bangmah suklat ka kitim puoh a, vantâng lak ale, In tin ale, nanguh ka hun sinsak sek kha.

JAKOB 3:1

Ka suohpihte haw, na lak uh a mi tamtak hi, sinsaktu’n a na pang kiu in. Sinsakpa chun vaihawmna nasa zawsem tuok ding ahiu ui tih I he ngâl uh a.

JAKOB 1:19

Suohpih deih takte, ziehi hezing un! A milip in thungaihthak chuh hen la, thugen chuh kiu hen la, lungna vak diek kiu hen.

2 KORINTH 2:17

Mi tamtakin Pathien thu hi dawha bawl a, sumkawlveina guola a mat sek guol un, ei uh vangin I mang puou a; mi thutak, Pathien sawl bangin, Pathien mit muh achun, Krista suok bangin thu I gen zaw sek uh ahi.

2 KORINTH 1:12

Ka kipahna pên u chuh, zie khawvel a ka hindan u leh, nang haw tawh I kizawpnau hi, Pathien apat a, thieng tak leh dikna leh; mihing chitna hilo in, Pathien hehpihna thilhih theihna ahi tih, ka sie leh pha hetnau hin ei hetpihna hi ahi.

JEREMIA 20:9

“Amah min chuh gen kha ta puo’ng ka ting, Amah min in le thu gen ta puo’ng ka,” ka ti a. Himahleh, ka guh sung ahin mei-âm kikhum bang mai in ka lunggil sung ahin a sa hut hut a, ka thip hiet hiet thei puoh a, ka kichawl thei puoh ngâl a.

JEREMIA 18:20

Gitlohna hi thilpha ditthukna ahi ngei em? Amau haw’n vang ka hinna dingin kawkhuk a lai u a, amau apat na lungnatna bei ding leh, amau dinga thilpha gen dinga na ma a ka din sek kha hezing in.

JEREMIA 13:17

Himahleh, na ngaihthak loh u chun na chapona ziekun ka hinna hi a gûk in kap in a. Ka mitthitui nasatak in luong zing in tin; Lalpa belam hawn chuh sala puih ahih tâk ziek un.

JEREMIA 9:1

Ka luchang hi tui hi henla, ka mit hi mitthi tuinak hile chuh aw! Ka mi, ka chanu thah a um te a ding chun sun le zan in kap ing ka.

JEREMIA 12:3

Himahlele, Aw Lalpa nangin nei hechien a; nei mu a, nang lam ah ka lunggil na patep a, Amau chuh belam thah ding bang mai in luoi dawk inla, a thahna ding ni chuh guot in.

AMOS 5:10

Kulh kawtkhak a hilhgaihpa chuh a hawu a, thudik tak gen pa chuh a kihdak u a.

JEREMIA 15:15

Ziephet chun, ken “Aw Lalpa nangin na hechien a, ei hezing inla, ei hung veh in. Ei sugimtheite chung achun phuba ei lak sak in. Na zahngaihna ziekin ka hinna hi sumang hiel ki’n; Nang mah ziek a minsietna tuok ka hi tih he’n.

JEREMIA 20:7

Aw Lalpa, nang in nei na thêm a, thep a um ka hi ta hi. Nang chuh kei sangin na hatzaw a, nei zo ta a. Nichang tumin nuihzatbuk ka hi a, micheng in ei nuihsan u a.