JEREMIA 17:14 - PATHIEN LEKHABU THIENGTHO (BSI)

¹⁴ Aw Lalpa ei hihdam inla, tichun, dam ing ka, ei hukdam inla, tichun, bit kêi in um ing ka. Ka pahchak zing sek chuh na hi ngâl a!

JEREMIA 17:14 ပူးပေါင်းရင်းမြစ်များ

SAM LEHKHABU THE PSALMS 6:2

Aw Lalpa, ei lungsiet inla; ka chansie ta ngâla: Aw Lalpa, ei sudam in ka guhhaw hi a na ngâla,

DAN NIHNA 32:39

Kei, Keimah ngêi hi, Amah chuh ka hi, he tau in, Kei tihloh pathien dang a um puoi; Ka sulum seka, ka suhing sek; Ka suliem seka, ka sudam sek; Ka thilhih ei dal thei kuomah a um puoi.

SAM LEHKHABU THE PSALMS 106:47

Aw Lalpa ka Pathien uh, ei hukdam inla, Namtin laka pan in ei puikhawm inla, Na min thiengtho chu ka pahchak theih na ding u leh, Na pahchakna sulopi ding in.

LUKE 4:18

“Liengvaite kawma Chanchin Pha gen dinga nei guot ziekin, Lalpa Thagau chuh ka chungah a um; Amah chun salte kawma pawtna thu leh, Mitdûkte kawma mit vak neih kitna thu gen ding leh, Sukgimtheih thuokte pawtdawk sakna ding leh,

DAN NIHNA 10:21

Amah chuh na pahchak dinguh ahi a, na mit ngêi u a na muh uh thil thupi tak leh lauh-um tak haw nang u dinga hih na Pathien uh ahi.

SAM LEHKHABU THE PSALMS 109:1

Aw ka pahchak Pathien, thipkêi ki’n la;

SAM LEHKHABU THE PSALMS 6:4

Aw Lalpa, kei lam hun nga’n la, ka hinna hi humbit in: Na zahngaihna dettak ziekin ei hukdam inla.

JEREMIA 15:20

Chun, zie mite a ding hin sumeng kulhpi’n hun siem ing ka ting, hun do un tin, mahleh hun zo puo’n au. Hukdam ding leh hukdawk dingin na kawm u ah ka um ngâl a,” tih hi Lalpa kamsuok ahi.

MATTHAI 14:30

Himahlele huih in tui a mut fawn a muh in a lau a; tum dingin a kisa ta a, “Lalpa, ei hukdam ah,” tin a kiko ta a.

JEREMIA 31:18

“Ephraim te haw’n, ‘Lalpa, bâwngchal sawih nem loh tawbang ka hiu a, himahleh, nangin thu-awih dân nei sinsak a, nei kaihei kit tai, Lalpa ka Pathien uh na hi ngâl a,’ ti a lungkham taka a gen u chuh ka za ngei tai!

ISAI 6:10

Chun, ka kawmah, “Zie mite lunggil hi hih thim unla a bilteu sungawng unla, a mitteu sîn sak un; khutilochun, a mit un muu untin, a bil un zau untin, a lunggil un le heu untin, hung kihei kit untin, sukdam in um kha’n au,” a ti a.

MATTHAI 8:25

Sinsakte chuh a kawmah a chieh u a, a phawng u a, “Lalpa, ei hukbit ah, mangthai ding ka hiu hi uo,” a tiu a.

SAM LEHKHABU THE PSALMS 148:14

Amah chun a mite ki chuh a dawmsang a, a mi ginum chengte chun pakchau henla; Israel chate a tel chuom te chun, Lalpa chuh pakchau in!

SAM LEHKHABU THE PSALMS 60:5

Na deihtak haw hi humbita a um theih na dingin, Na khut changlam in hukdam inla, ei dâwng in.

SAM LEHKHABU THE PSALMS 12:4

A mah chuh, “I lei u hin zo hiting un, I mûk u hi ei mau a ngêi ahi a puo, kuo a I chung u a lal um?” a ti sek u a.

KISIMNA 12:13

Tichun Mosi’n, “Aw Pathien, hihdam kit in,” ti’n Lalpa chuh a sama.

SAM LEHKHABU THE PSALMS 54:1

Aw Pathien, na min in ei hukdam inla, Na hatna chun vai ei hawm sak in.

JEREMIA 3:23

Tang haw apat a hukdamna kinep chuh a thâwn ahi a, tâng chunga thawm gi hum hum te haw chuh. A diktakin Israel hukdamna chuh Lalpa I Pathien u a um ahi.

JEREMIA 30:17

Hun sudam kit ing ka ting, na liemna apat chuh hun sudam ing ka, Lalpa’n a tii: ‘Na melmateu in nawhdawk a um, kuomah ngaihsak loh Zion ahi,’ hun ti mahleu le.”

JEREMIA 33:6

Ngaitie, damna leh hiselna hun tun ing ka ting, amau chuh sudam ing ka ting; muonna leh bitna diktak muh sak ing ka.

SAM LEHKHABU THE PSALMS 6:3

Ka hinna le a lungkham mah mah hi; Aw Lalpa, nangin bang chan a nei thahthawt guot chuh aw?

SAM LEHKHABU THE PSALMS 119:94

Nanga ka hi, ei hukdam inla; Na hukdamna thu haw chu ka hawl ngâl a.