JEREMIA 17:10 - PATHIEN LEKHABU THIENGTHO (BSI)

¹⁰ Kei Lalpa hi, mitin a umdan dungzui leh, a nasep gah hawu bang zela pie dinga lunggil mudawkpa leh lungthim patep sek pa chuh ka hi.”

JEREMIA 17:10 ပူးပေါင်းရင်းမြစ်များ

1 SAMUEL 16:7

Himahlele, Lalpa chun Samuel kawmah, “A mel ahim a sân lam ahim en ki’n la; amah hi chu ka deihloh ahi; Lalpa chun mihing et dân in a en puoh ngâla; mihing chun pawlam latdan a en sek a, himahleh, Lalpa chun chu lunggil a en zaw sek hi,” a ti a.

ROME 8:27

Chun, Pathien, lunggil en pa chun Thagau lunggulh chuh a he a, khutichun, Thagau in amah deihdan bangin, eihaw a dingin Pathien kawmah ei ngetsak sek hi.

THUPHUON 2:23

A nungzuite cheng chule that ing ka ting, tichun, kei hi mi tin ngaihtuohna he pa leh, en pa ka hi tih, sapchuom haw lawi chengcheng chun he ta’n au. Na lak uh a mitin, a thilhih dungzui chiet un dinthuk ing ka.

JEREMIA 11:20

Himahleh, “Aw Sepaihte Lalpa, diktaka vaihawm pa, sunggil lam leh lunggil patep sek pa; a chung u a na phuba lak chuh ei muh sak in. Ka chungchâng thu hi na kawmah ka hun vawp sak ngâl a.”

JEREMIA 32:19

Lemguotthiem leh thilhih thei tak na hi a, mihing chate umdan chengcheng muchien pa: mitin a umdan u leh a thilhih dungzui u a din sek pa.

JEREMIA 20:12

Himahleh, Aw Sepaihte Lalpa, mi diktatte pateppa, lungthim leh lunggil mulet sek pa; a chung u a na phuba lak chuh ei muhsak in. Na mitmuh ah ka chungchâng thu hi ka hun taklang ta ngâl a.

1 KHANGTHUBU 28:9

“Chun, nang ka chapa Solomon, na pa Pathien chu na Pathien hi hen la, lunggil phabukim leh lungthim lawp takin a na chu sem in. Lalpa chun lunggil a en sek a, lunggil a tupte chengcheng chu a he suok hi. Amah na hawl chun mu’n na tin, na kihei mangsan chun kumlekhuo’n hun paih tha’na.

THUPHUON 22:12

“Ngaitie! hung vak zieng ding ka hi ie! mitin, a thilhih dungzui chiet uh a piek dingin, ka kipahman ka kawmah a um hi.

MATTHAI 16:27

Mihiem Chapa hi a vânsâwlchâkte tawh, a pa lopina a kivan a hung ding ahi ngâl a. Zie tieng chuleh vang, mitin a thilhih bang zel un din chiet ina.

SAM LEHKHABU THE PSALMS 62:12

Aw Lalpa, zahngaihna hile nanga mah ahi: Mitin a thilhih dungzui chiet in na din sek ngâl a.

THUCHINGTE 17:3

Hâltuina bel chuh dangkaguo a ding ahi a; hâltuina mei chuh sana a ding ahi, himahleh Lalpa chun lungthim a enchien sek hi.

THUPHUON 20:12

Chuleh, mithi te, a lien a neu in, lalchutphah ma a ding le ka mu a. Tichun, Lehkhabu chuh a keu uh a; chun, lehkhabu dang, Hinna Lehkhabu chule a keu uh a; tichun, mithi te chuh, lehkhabu haw a zik lut, a thilhih dungzui zel uh a vaihawm sak in a um tau hi.

2 KHANGTHUBU 6:30

na umna van a pat in na ngaitha’n la, ngaidam inla, mitin a um dân chiet uh bangin lawhtit sak in, nangin mitin lunggil chu na he chiet ngâl a;

JOHAN 2:25

A chanchinhawu chuh kuomah hilh a ngai puoi, amah ngêi in a lungthim u a um haw chuh a he ngâl a.

JEREMIA 21:14

Na nasep gah dungzui zel u a hun gawt ding ka hi, Lalpa’n a tii. A gammâng u haw achun mei tik ing ka ting, a gammâng achun mei pawtsak ing ka ting; a kimvel chengcheng chuh katum vek ina.

SAM LEHKHABU THE PSALMS 7:9

Aw, migilote gitlohna chuh hung tâwp hen la, himahleh, mi diktat vang chuh hihdet in. Pathien diktat tak chun lunggil leh lungthim a en chien zel sek in.

ROME 6:21

Tu a na thil zahpih hawu ahin, zielai khan gah bang ahim na muh sek uh leh? Zie thil haw tawpna khah thihna ahi sek a puo.

1 KHANGTHUBU 29:17

Ka Pathien uh nangin lunggilte na patep sek a, diknate le na kipahpih hi tih ka heu a. Kei hin vang lunggil tak takin, zie thil haw hi kipâk takin ka hun pie a, zie a na mipite hin le, kipâk taka na kawma hun lân ka muh hin ka kipâk mah mah hi.

MIKA 7:13

Himahlele, lei chuh, a chunga mi nunsiete ziek chun a hawm a nutsieh a um ding ahi.

MATTHAI 6:4

Na thilpiek u chuh a gûka hih a hihtheihna dingin, khutichun, na Pau, a gûka hun mu sek pa chun hun din ina.

NASEPTE 1:24

Chun, a paucham u a, “Nang Lalpa, mihiem chengcheng lungthim he pa,

1 LENGTE 8:39

Na umna van ah a na ngaihthak sak inla, ngaidam inla, mitin a umdan dungzui un bawlsak in; a lungthim uh nang na he ngâl a (nangmah, nang mai in mihingte lungthim na he ngâl a).

SAM LEHKHABU THE PSALMS 44:21

Pathien in zie chuh mudawk lo ding maw? Amah chun lunggil a thuguk haw hi a hezing ngâla.

THUGENPA 9:3

Ni nuoia thiltung lak ah zie hile thil phalo mah mah khat chuh ahi; mitin chunga kibang chieta thil a tun hi. Zie mai chuh hilo in mi cheng cheng te ngaihtuohna chuh ngawlna a dim ahi a, zie nung chuleh mithite kawmah a chieh sek ui.

ISAI 59:18

Amah dodalte chunga a lungnatna, a melmate chunga phulakna, leh tuikuol gamsung a chêngte chule a thilhih dungzui chiet un hun din ina.

JEREMIA 12:13

Buh a tuh u a, himahleh, ling a ât u a; a lawkna um sam lo in, a kisuchawl dik dek u a; Lalpa lungnatna lauh-um tak ziek chun, a thawhgah teu chuh zahchâkpih un au.

EZEKIEL 11:5

Chun, Lalpa Thagau chuh ka chungah a hung tunga, ka kawmah, Gen in, Lalpa chun hiti hin a tii: “Aw Israel insung mite haw, khutichun na ti sek ui; na lungthim u a thil hung lut haw chuh ka he suok kêi ngâla.

EZEKIEL 14:5

A lungthim uh ka mat kit theihna dingin, amau chun a milim hawu ziekin ei nusieh ta ngâl u a.

JOB LEHKHABU THE BOOK OF JOB 34:11

Mi a thilhih bang zel un dinthuk intin, Mi cheng chuh a umdan uh bang zelin a chung u ah tun sak ding ahi ngâl a.

SAM LEHKHABU THE PSALMS 7:10

Pathien chuh ka phaw ahi a, Amah chun lunggil diktak pute chuh a hukdam sek hi.

SAM LEHKHABU THE PSALMS 44:22

Ahi, nang ziekin ni tum in thah in ka um sek ui; Belam thah ding haw banga ngaih ka hiu hi.

THUCHINGTE 12:14

Min a kamsuok gah mah chuh ât intin, amah khut thilhih gah mah chuh a kawma piek hi’n a.

JEREMIA 23:2

Zieziekchun, Lalpa Israel Pathien chun, ka mite vengpa belampute chung thu achun hiti hin a tii: “Ka ganguol haw chuh na sudalh uh a, na delh mang uh a, na ngaihsak puou hi. Ngaitiem u! na thilhih dikloh ziekun hun tawh tha ding ka hi, Lalpa’n a tii.