JEREMIA 16:12 - PATHIEN LEKHABU THIENGTHO (BSI)

¹² Chun, nangun na pileputeu sanga phalo zaw’n na bawl u a. Ngaitiem u, mitin in amah lunggil tak na bang zel a um in, kei thu na ngaitha puou ui.

JEREMIA 16:12 ပူးပေါင်းရင်းမြစ်များ

JEREMIA 13:10

Zie nam gilo, ka thu te ngaitha nuom lo a, amau haw lunggil tâk na bang a pathien dangte nasem leh ho dinga delh zuite hih zie kâwnggak bangmah a pang thei talo tawbang hi hung hi ding ahiu hi.

JEREMIA 7:26

Himahleh, ei ngaitha diek puou a, a bil u le a dawh diek puou a; a lunggil uh a sukhauh u a, a pileputeu sang khan a gilo zaw tau hi.

JEREMIA 9:14

Himahleh, lochal tak leh amau deih bang taka a suonteu in a sinsak Baal chuh a delh zui zawk tâk ziekun.

THUGENPA 9:3

Ni nuoia thiltung lak ah zie hile thil phalo mah mah khat chuh ahi; mitin chunga kibang chieta thil a tun hi. Zie mai chuh hilo in mi cheng cheng te ngaihtuohna chuh ngawlna a dim ahi a, zie nung chuleh mithite kawmah a chieh sek ui.

MARK 7:21

Sunglam a mihiem lunggil apat in ngaihtuohna gilote a hung pawt sek hi, zawlsaihna te, thanhuoina, tuolthahna te;

JEREMIA 7:24

Mahleh, a ngaitha puou a, a bil u le a dawh diek puou a; a lungthim gilo uh sukkhauh in amau thu thu’n a um zaw tau a, malam zawt sangin a nungchawn zaw tau hi.

1 SAMUEL 15:23

Helna hi phunsan a gitlohna tawh a kibanga, lochalna hi milim ho leh manlohna tawh kibang ahi. Lalpa thu na deihloh ziekin ama’n le leng dingin a hun deih diek ta puoi,” a ti a.

VAIHAWMTE 2:19

Himahlele, hiti hi a hi a, amau puihuoi pên chuh a thih tieng leh a nungchawn kit sek u a, pathien dangte nasem in leh chibai bûk in, zie thu a hin a pileputeu sangin a hung sie zaw tau a; a thilhih sek teu leh a genhak nateu chuh a haihsan loh ziek un.

HEBRAI 3:12

Suohpihte, chingthei un, khutilochun, Pathien hing chuh puksan dingin, na laku ah khatto chungah ginchak lohna lungthim phalo hung um kha’na,

2 TIMOTHE 3:13

Migilo leh mi thep hatte vang chuh, mi thep bawl leh thepthak a um in, hung sie zaw deuh deuh un au.

JEREMIA 17:9

“Lunggil hi thil chengcheng sanga thep hatpen, sie tâwp khawk a hi a; kuo a hethiem thei ding?

THUGENPA 8:12

Migilo thil gilo zakhat vei hih a, sawttak damte sang chun; Pathien lauh chuh a pha zawi tih ka hêi, a masanga chuh lauthawng taka ding ding ahih ziekun.

DAN NIHNA 29:19

Zie tawbang mi chun zie kihâksiel khum thuthun thu haw hi a het tieng leh amah leh amah kihamphat intin, ‘Ka ut dân dân in, lochal takin, um zing leng le bangmah ti puo’ng ka,’ ti’n, ngaihtuoh ina. Zie chun na bawn u a hun susie ding ahi, mi pha le mi phalo le.

DAN NIHNA 9:27

Na suokte Abraham leh Isak leh Jakob chuh hezing inla, zie mipite luhlulna leh a nunsiet nau leh a gitlohnau hi kimuhloh sak in;

THILSIEMBUL 8:21

Chun, Lalpa’n zie gimlim chuh a he a; Lalpa chun a lunggil in, “Lei hi mihiem ziekin hansie lawh kit ta puo’ng ka, mihiem lunggil ngaihtuohna haw chuh a naupan lai apat in a gilo ngâl a; tu a ka gawt bang hin thilhing tincheng le gawt kit ta puo’ng ka,

THILSIEMBUL 6:5

Chun, Lalpa chun, lei ahin mihiem nunsiet dân chuh huoisie tak ahi tih leh, a lunggil u a gitlohna ngaihtuoh zing zing ahiu hi tih a mu a.

JEREMIA 18:12

Himahlele, amau chun, kinep a um puoi, ka lemguot dân chiet un um ka ting un, mitin amah lunggil gitlohna bangin bawl ung kau,” ti’n au.

SUNNA LA 5:7

Ka pileputeu chu a na gilo tau a, himahleh tuhin a um zo ta puou a; A gitloh manteu chu kei un ka puo tau hi.

EZEKIEL 20:30

Khutichun Israel inkawte kawm achun gen inla, Lalpa Pathien chun hiti hin a tii: Na pileputeu guola nangmau kisubuok in a tenumna lampi hawu a chuh petmang na hi tau maw?

AMOS 2:4

Lalpa chun hiti hin a tii, “Juda bawhsietna thum ziekin ahi, li ziekin, a gawtna chuh suhai puo’ng ka. Ka thuhilhte a musita, ka thupiekte a zawp puoh ngâl a. A pileputeu pathien diklo mah khan a puih mang ziekin.

MALAKI 3:7

Nanguh hun suonte hun a kipat khan, ka thuguot te na kiheimangsan u a, zuih le na zui kha puou ui! Ka kawmah hung vaikit un la, tichun, Keile na kawm u ah hung vaikit ing ka, Bangkim hihthei Lalpa’n a tii. Nang haw chun la, ‘Bang haw ahin ahim ka hung vaihkit ding uh?’ na tiu a.

JEREMIA 22:28

“Konia hi muhsit a um, bel gawpsa hilo ahim? A sunga deih theih umlohna hiel bel hilo ahim? Bang zieka amah leh a suonte chuh a hêtkhâk lohnau gama paih thak a um ahiu em?”