JEREMIA 15:2 - PATHIEN LEKHABU THIENGTHO (BSI)

² Chun, khawi ah ka chieh mang ding um? ti a a hun dawt tieng u leh hiti hin dâwng in, Lalpa’n hiti hin a tii, ‘Hipi a thi ding haw chuh hipi kawmah, chemzâma thi ding haw chuh chemzâm ah; kiel a thi ding chuh kiel ah, saltâng dingte chuh sal ah,’ ti’n.

JEREMIA 15:2 ပူးပေါင်းရင်းမြစ်များ

JEREMIA 43:11

Tichun, hung in tin, Aigupta gam chuh gawt intin, hipi a thi dinga laitante chuh hipi ah, saltâng dinga laitante chuh sal ah, chemzâma thi ding a laitante chuh chemzâm in thi’n au.

ZEKARIA 11:9

Chun, a kawmuh achun, “Nanguh chingpa hi puo’ng ka, a thi ding chuh thi hen la, sukmangthai a um ding chuh, sukmangthai in um mai hen. Chun, a thi mâwk cheng chuh, amau taksa kinetuoh u hen,” ka ti a.

THUPHUON 13:10

Kuole, sala mat dingte chuh, sala mat in a um sek ui; kuole, chemzâma thah dinga umte chuh, chemzâm mah a thah in a um sek ui. Zie hin, mi thiengthote thuokhatna leh taksanna chuh a hung kilang dawk sek hi.

EZEKIEL 5:2

Mun thuma khena mun khat chuh huola a um sung nite a bukim tieng leh khawpi laia meia na hâl ding ahi a, mun thuma khena mun khat dang chuh lân na tin, khawpi kimvela chemzâma na sat nêl ding ahi; chun, mun thuma khena mun khat kit chuh huih tawhmang dinga na thehzak ding ahi a, zie nung chuleh ken chemzâm in delh zui ing ka.

EZEKIEL 5:12

Mipite mun thuma khena mun khat chuh hipi ahim, kiel ahim in na sung ah thiu intin un; mun thuma khena mun khat dang chuh na kimvel ah chemzâm in thiu intin un; mun thuma khena mun khat kit chuh thehzak ing ka ting, amau chuh chemzâma delhzui nalai ding ka hi.

JEREMIA 14:12

Anngawl mahleu le a kiko u chuh ngaitha puo’ng ka ting, hâlmang thilpiek leh buh leh bâl thillat a piek tieng u leh le pawm puo’ng ka; Chemzâmte, kielte, hipite’n amau chuh sumangthai zaw’ng ka,” a ti a.

ISAI 24:18

Tichun hiti hi hi’n tin, thil tizat-um thawm zieka taite chuh kawkhuk ah kieu untin, kawkhuk a pawtdawkte chuh thâng ah âwk un au. Van apat in guohpi nasa takin hung zu’n tin, lei kingakna hi suklîng in um ina.

AMOS 5:19

Sakeibaknei lau a taimang a, savawm kituokpih mi bang leh, ina lut a, bang chunga khut nga a, gul in a chuk bang chuh ahi.

DANIEL 9:12

Chun, a thu ka chung u a a gen leh ka vaihawm teu, vai ei hawmsakte chunga a gen kha ka chung u a thil phalo nasa tak tunsak in a hih kim ta a: Jerusalem chunga kihih bang chuh vannuoi pumpi ale hih in a um ngei puoi.

EZEKIEL 14:21

Lalpa Pathien chun hiti hin a ti ngâla, “A sunga mite leh gancha haw sumangthai dinga Jerusalem chunga ka gawtna lite, chemzâm leh kiel leh gamsa hâng haw leh hipi ka tun kim sak tieng chuleh bang tawbanga huoisie ahi ta dem?

JEREMIA 14:16

Chuleh, a thu gen uh a na dawng namte chule kiel leh chemzâm in Jerusalem kawtthêl achun paih dawk in um un tin, amau haw leh a ziteu, a chanuteu leh a chapateu pum in a vui ding umlo khawp in um un au. A nunsiet nau chuh a chung u a sungtha ding ka hi ngâla.

JEREMIA 16:4

Hipi’n thiu un tin, kuomah vuih loh leh kuomah sun loh in um un au; leichung a êk khuk bang phet hung hin au. Chemzâm te, kielte’n mangthai un tin, a luong hawu chuh leichung a chung leng vachate leh gamsate an ding hi tan au.”

JEREMIA 19:7

Tichun, zie mun ahin Juda leh Jerusalem thil guot haw chuh bangmahlo suok sak ing ka ting; chun, amau chuh a melmateu masang achun chemzâm in thah sak ing ka ting, a luong hawu chuh chung leng vachate leh lei a gamsate an dingin pie’ng ka.

EZEKIEL 12:11

Nang u dingin etsak na ka hi, ka hih tawbang hin a chung u ah hih hi’n a; saltâng dingin puok mang hi’n au,’ ti’n.

EZEKIEL 33:27

“Hiti a hi a kawm u a na gen ding ahi, ‘Lalpa Pathien chun hiti hin a tii: A hi’n a ka hin sung chuh, khawpi siesa nunga umte chuh chemzâm in puk tei tei intin un, gamtalai-laka umte chuh gamsate nêk zawh dingin pie’ng ka ting, kulhpi leh kâwlhâwm sunga umte chuh hipi’n thi’n au.

ISAI 10:4

Kidona a thah ahim, a hihloh leh sala puih a him in um inla. Khuti khawpa a hihsa chun le Lalpa lungnat chuh a hai diek puo a, gawt dingin a khut a tha zing nalai hi.