JEREMIA 15:1 - PATHIEN LEKHABU THIENGTHO (BSI)

¹ Chun, Lalpa chun ka kawmah hiti hin a gena, “Mosi leh Samuel ka masang ah hung ding mahleu le; ka lunggil in zie mite lam hi nga diek puo’n a. Ka muh phakloh in nawhdawk inla, chieh mang u hen!

JEREMIA 15:1 ပူးပေါင်းရင်းမြစ်များ

EZEKIEL 14:14

Zie mi thum te, Noah leh Daniel leh Job hiel hile a sunga chuh um ana hi leu, a diktatnau in amau chauh kihukdawk in au” Lalpa Pathien chun a tii.

JEREMIA 14:11

Lalpa chun ka kawmah, “Zie chite phatna ding hin ngetsak ki’n.

JEREMIA 11:14

Zieziekchun, ziehaw hi ngetsak ki’n la, amau dingin aw suoh in paucham sak diek ki’n; a buoi tieng u leh ei sap u chuh ngaitha lo ding ka hi ngâl a, ti’n.

SAM LEHKHABU THE PSALMS 106:23

Zieziekchun hun sumang khan a, ti a a lungnat na thêm lungdam dingin, A mi tel Mosi chuh a masang ah ding kivang henla hileh chuh, sukmangthai a guot ahi ta khah!

SAM LEHKHABU THE PSALMS 99:6

A thiempute lak achun Mosi leh Aron a tel u a, Amin samte lak achun Samuel a tel a; Amah chun Lalpa chuh a sama, a mah chun a dâwng ta a.

1 SAMUEL 12:23

Zie mai chule hilo in kei ding vangin, nang haw dinga paucham haihsan a Lalpa chunga gitlohna hih ding chu thil hithei lo hiel ahi; lampi pha leh dik chu hun kâwkmuh zel zaw’ng ka.

2 LENGTE 17:20

Chun, Lalpa’n Israel chate cheng chu deih lo in, a gawt ta a, a mitmuh apat a a delh mang macheng chun, melma gilo takte khut ah a pie ta a.

1 SAMUEL 7:9

Chun, Samuel chun belamno nawicheplai khat a la a, hâlmang kithawihna thilpiek dingin Lalpa kawmah a pie a: Israel te dingin Lalpa chu a sama; tichun, Lalpa chun a dâwng a.

JEREMIA 52:3

Lalpa chuh a lungnat mah mah ziekin Jerusalem leh Juda gam achun a masanga pata paih dawk na kham hiel in thil a hung um ta a; tichun Zedekia chuh Babulon lengpa chung ah a hel ta a.

JEREMIA 23:39

Zieziekchun, ngaitiem u! Hun bawt dawk ngêi ngêi ing ka ting, ka kawm apat in hun paihmang ing ka; zie khawpi nang u leh na pileputeu ka na piek hi tawh.

JEREMIA 18:20

Gitlohna hi thilpha ditthukna ahi ngei em? Amau haw’n vang ka hinna dingin kawkhuk a lai u a, amau apat na lungnatna bei ding leh, amau dinga thilpha gen dinga na ma a ka din sek kha hezing in.

JEREMIA 15:19

Zieziekchun, Lalpa chun hiti hin a ti a, “Na kisik chun hun tung ding kit ing ka ting, chun, ka masangah ding kit ding na hi. Asie hilo a thilpha ngen na gendawk chun ka kam tawbang hin la. Amau chun nang lam hun nga kit un tin, himahleh, nangin vang amau lam na ngat ding ahi puoi.

THUCHINGTE 14:35

Suok pilvang tak chuh leng deihsakna a chang a, himahleh, a zahchâkna ding hihte chung achun a lungnatna a chu sek hi.

HEBRAI 9:24

Krista chuh khuta sak, Mun Thiengtho, a tak kibatpih achun a lut puoh ngâl a; Pathien ma ah, I sik uh a ding dingin van ngêi ah a lut zaw ta a.

JEREMIA 35:19

Sepaihte Lalpa, Israel Pathien chun hiti hin a gen hi: Jonadab, Rekab chapa hin ka masanga ding ding mi bangtik lai inle tasam puo’n a,” ti’n.

VAIHAWMTE 5:9

Ka lunggil chuh Israel te vaihawmpa kawmah a um zing a, Mipi kiphal taka kipie dawk te kawm achun a um a; Lalpa chuh pahchak in um hen.

THILSIEMBUL 19:27

Chun, Abraham chuh zingkal vaima takin Lalpa masanga a dinna mun akhan a chieh to a.

ZEKARIA 3:3

Tichun, Joshua chuh silhlechen nin taka kithuom in vânsâwlchâk ma achun a hung ding ta a.

DAN NIHNA 9:26

Chun, Lalpa kawm achun ka paucham a, ‘Aw, Lalpa Pathien, na thilhih theihna thupi taka na tatdawk, Aigupta gam apat a khut hât taka na puih dawk na mite leh na gochante hi sumangthai ki’n.

1 SAMUEL 12:19

Chun, mipite chengcheng chun Samuel kawm achun, “Ka thih lohna dingun Lalpa na Pathien kawm achun na suokte dingin ngên in: zie thil phalo tak, leng ka na nget u hin ka gitlohna chengcheng uh behlap ka na hi tau hi,” a tiu a.

JEREMIA 9:19

Zion apat chun kahlemau thawm a kiza a, “I siet nau huoisiet zie chuh; I lungzîng mah mah u a. Gam chuh I taihsan ziek u leh, I chênnau apat a paih dawk I hih ziekun.”

JEREMIA 10:18

Lalpa chun hiti hin a tii; Ngaitiem u, tuhin gama chêngte hi khatvei thahdawk ing ka ting; a het theihna dingun sugimthei ing ka.

JEREMIA 16:5

Lalpa chun hiti hin a tii: “Lusûnna In ah lut ki’n la, sun dingin le chieh diek ki’n la; amau haw le kah diek ki’n. Zie mite lak apat hin ka lungmuonna ka lamang ta ngâl a, hehpihna leh lainatna tawh tih hi Lalpa kamsuok ahi.

JEREMIA 16:13

Zieziekchun, ka gam apat hin nanguh leh na pileputeu hêtkhâk loh gam achun hun nawhdawk ing ka ting, zie tak achun sun leh zan in pathien dangte nasem un lau; na chung u ah deihsakna sulang lo ding ka hi ngâl a, tih hi Lalpa kamsuok ahi.”

JEREMIA 22:28

“Konia hi muhsit a um, bel gawpsa hilo ahim? A sunga deih theih umlohna hiel bel hilo ahim? Bang zieka amah leh a suonte chuh a hêtkhâk lohnau gama paih thak a um ahiu em?”

EZEKIEL 22:30

Chun, gam chuh ka suksiet lohna dinga bâng chuh sapha ding leh a chipna muna gam thathenga ka masanga ding ding amau haw lak achun ka hawla; himahleh, khatchale ka mu puoh a.

JEREMIA 14:12

Anngawl mahleu le a kiko u chuh ngaitha puo’ng ka ting, hâlmang thilpiek leh buh leh bâl thillat a piek tieng u leh le pawm puo’ng ka; Chemzâmte, kielte, hipite’n amau chuh sumangthai zaw’ng ka,” a ti a.

HOSEA 9:15

A nunsiet nau chengcheng chuh Gilgal ah a bawl pan u a, zie tak achun amau chu ka haw ngâla: a thilhih uh gilote ziek chun ka In apat nawhdawk ing ka: amau haw chuh lungsiet ta puo’ng ka; a lawiupa teu chengcheng chuh helchîng ahi ngâl u a.