JEREMIA 14:9 - PATHIEN LEKHABU THIENGTHO (BSI)

⁹ Bangati a mi lungkie tak a um bang leh, pasalpha hukdam theilo tawbang mai a um na him? Mahleh, Aw Lalpa nang chuh ka lak uh ah na um a, na min pu ka hiu a, ei taihsan ki’n.

JEREMIA 14:9 ပူးပေါင်းရင်းမြစ်များ

ISAI 63:19

A chung u a vai na hawm khâk loh mite bang leh, na min a na sap khâk loh mite ka bang mai tau hi uo!

ISAI 59:1

Ngaitiem u, Lalpa khut chuh hukdam theilo dingin hih chawm in a um puoh a; a bil chule za theilo dingin a ngawng diek puoi!

JEREMIA 15:16

Na thu chuh suklat ahi ta a, na thute chuh ka ngaitha a. Aw Lalpa Bangkim hihthei Pathien, nanga ka hi a. Na thu chun ka lungthim hi lawpna leh kipah na’n a hih dim a.

SAM LEHKHABU THE PSALMS 46:5

Pathien chuh a lak u ah a um a; kilîng puo’n a: Pathien in khawvak thak tak leh panpih ina.

KISIMNA 11:23

Chun, Lalpa’n Mosi kawmah, “Lalpa khut chuh sukchawm ahim? Ka gen chuh a guitung em, a guitung puo’m, hun mun la,” a ti a.

HEBRAI 13:5

Na lungput uh chuh, dangka ngaihlul na tello hi hen; na thil neih hawu chung achun lungkim un; amah chun, “Bangtik chan inle hun kangbawl hiel puo’ng ka ting, thah le hun thahthawt puo’ng ka,” a ti ngâl a.

2 KORINTH 6:16

Milim haw leh Pathien Ho-In inle banga kituokna a neih uh? Eihaw vang, Pathien hing Ho-In I ngâl u a: Pathien in, “Kei, amau lak ah cheng ing ka ting, Amau tawh kitawn ing ka: Chun, a Pathien uh hi’ng ka ting, Amau haw le ka mite hi’n au,” a tih bang khan.

THUPHUON 21:3

Lalchutphah apat chun aw ngeih tak in, “Ngaitie! Pathien bâwkcha chuh mihiem lak ah a hung um tai, Amah chuh a kawm u ah um intin, Amau haw chuh a mite hiu intin uh; Pathien mawng chuh a kawm u ah um intin, A Pathien uh le hi’n a.

ZEKARIA 2:5

Tichun, Kei hi a kimvel ah mei kulh hi’ng ka ting, a sung achun lopi taka cheng ding ka hi ngâl a,” Lalpa’n a tii.

JEREMIA 8:19

Gamsung dung leh vaia ka chanu ka mite kah thawm chuh ngaitiem u! Zion achun Lalpa a um puoh ahim? A sunga chun a Leng umlo ahim? Bang zieka a milim siem kawm teu leh a gamdang pathien teu a ei sulungna ahiu em?

ISAI 51:9

Aw Lalpa tho in, tho in! Na khut in ei panpih in; malai nite bang khan na thilhih theihna mang in keihaw ei hukdam in! Nang chuh Rahab satnelpa Dragon sunpa kha hilo na him?

ISAI 12:6

Zion a umte haw chuh ngeih tak in kiko u henla, Israel Pathien Thiengtho, a mite laka cheng chuh a lopi ngâl a,” ti’n.

SAM LEHKHABU THE PSALMS 27:9

Kei ahin na mai sel ki’n la; Na suok hi lungna’n kihei mangsan ki’n la: Nang chuh ei panpih pên na hi sek a; ei paih tha ki’n la, ei taihsan hiel ki’n. Aw ka Hukdamna Pathien!

1 SAMUEL 12:22

Amin lopi tak ziek hin Lalpa chun a mite chu kilehheisan ding ahi puoh ngâla: A mite dinga hun siem chu Lalpa kipah lam tak ahi ngâla.

DAN NIHNA 23:14

Lalpa na Pathien u chun nang u hun vengbit ding leh na melmateu na khut u a hun pie dingin na giehmun vel uh achun a vakviel sek ngâla; zieziekchun, na giehmun chuh a thientho ding ahi; khutilochun, na lak u ah thil buok mu’n tin, hun kiheimangsan kha’n a.

NASEPTE 15:17

Mi dang, Jentel chengcheng, ka min sam haw chun, Lalpa a hawlna dingun zie bâwkcha chuh tungding ing ka, ti’n,

EZEKIEL 48:35

A kimvel in tawng singkhat leh sanggiet hi’n tin; zie ni apat chun khawpi min chuh “Jehovah Shammah” Lalpa umna tih hi ding ahi, ti’n.

HABAKKUK 1:2

Aw Lalpa, bang chan ahim, nei ngaihthak ma leh, thagum suoh te apat a nei hukdawk masanga panpihna ngên a na kawma ka kiko ding?

DAN NIHNA 28:10

Khutichun, khawvel a namtin in Lalpa min pu na hih u hi hun he’n tin un, hun kihcha’n au.

2 KHANGTHUBU 7:14

Ka minpu ka mite chuh, kingainiema a paucham uh a, ka mel a hawl uh a, a umdan giloteu kisik a a haihsan u chun, van apat in a na ngaitha’ng ka ting, a gitloh nau ngaidam ing ka ting, a gam uh sudam kiting ka.

SAM LEHKHABU THE PSALMS 10:1

Aw Lalpa bang a tih leh gamla taka ding sek na hi? Bang a tih leh lungkham lai taka kisel sek na him?

ISAI 43:7

Ka minpu mimal tin te chuh, ka lopina dinga umlo apat ka um sak leh ka guonggalh leh ka siem na hiu, hun ti ding ka hi.”

JEREMIA 51:5

Israel leh Juda chuh a Pathien uh, Sepaihte Lalpa chun a taihsan puoh ngâla, A gam u achun Israel Mi thiengtho chunga gitloh na dim mahleh.

SUNNA LA 5:20

Bang zieka kumkhuo a ei hengilh a, Tuhun sung cheng hi bang zieka nei hetngilh ahi?

ZEKARIA 8:3

Lalpa chun hiti hin a tii, ka khawpi thiengtho, Zion lam ah hung kihei kit ka ting, Jerusalem lailung achun cheng ing ka, tichun, Jerusalem chuh THUTAK KHAWPI, ti a het hi’n tin, Lalpa tâng chuh, Tang thiengtho tih hi ta’n a.