JEREMIA 14:8 - PATHIEN LEKHABU THIENGTHO (BSI)

⁸ Aw nang Israel te kinepna, lungzîn laia hukdawkpa. Bang zieka zie gam ahi malzin zan khat giek a zin bang mai a um na him?

JEREMIA 14:8 ပူးပေါင်းရင်းမြစ်များ

JEREMIA 17:13

Aw Lalpa, Israel te kinepna na hi a, nang hun taihsan taphawtte chuh muolpho in um un au. Nang hun kiheimangsan te chuh leivui laka min zik bang phetin mangthai un au, hinna tuinak, Lalpa chuh a taihsan ziekun.

JEREMIA 50:7

A mu taphawt in a ne zel u a, a melmateu chun, ‘Ei uh thiemloh ei puoi, Lalpa chungah thil a hih gilo u a, amau suonte kinepna pên Lalpa hiel chungah thil a sukkhelh ziekuh ahi,’ a tiu a.

ISAI 43:3

Kei hi Lalpa na Pathien uh, Israel Pathien Thiengtho, nanguh hun hukdampa ka hi ngâl a. Nanguh hun puih dawkna dingin Aigupta te mang ing ka ting, Ethiopia leh Seba gamte chuh nang u dingin hun pie’ng ka.

SAM LEHKHABU THE PSALMS 50:15

Chun, lungkham ni leh ei sam inla; Hun humbit ing ka, khutichun nangin nei limbawl ding hi chin a,” a ti a.

JOEL 3:16

Lalpa chuh Zion tâng apat in kiko in tin; Jerusalem khuo apat in a aw suoh in tin; vante leh lei kilîng ina. Himahlele, Lalpa chuh a mite dingin kihumbitna hi’n tin; Israel suonte dingin kulh insang hi’n a.

ISAI 45:21

Hung u henla, a chanchin uh hung gen u hen, a panpihteu chule kidawng tuoh uh hen la; Kuoa tumasang a thil hungtung ding genlawk sek? A mite hukdawk sek chuh Kei Lalpa Pathien hi hilo ka him? pathien dang himhim a um puoh ngâl a.

ISAI 43:11

“Kei, Kei mai hi Lalpa chuh ka hi a, Kei tih loh Hukdampa dang a um puoi.

1 TIMOTHE 1:1

Paul, Pathien ei hukdampau leh, Krista Isu I kinepnau thupiek banga, Krista sawlchak apat chun,

NASEPTE 28:20

Ziezieka chuh, nang haw hi hun hopih ding leh hun kimuhpih dinga ka hun sap ahi. Israel te kineppih pa zieka zie thikkhau hi but ka hi,” a ti a.

ISAI 45:15

Nangmah ngêi chuh amah leh amah kiselgu Pathien tak tak chuh na hi, Israel Pathien, a mite Hukdampa ngêi chuh!

SAM LEHKHABU THE PSALMS 138:7

Buoina lak ah leng mahleng le, ka melmate lungnatna lak apat nangin nei vengbit a: Ei dote lungnatna suol ding in na khut zak in na tin, Na khut changlam in nei hukdam in la.

SAM LEHKHABU THE PSALMS 91:15

Amah chun ei sam intin, tichun dâwng ing ka; A lungkham pet in kei a kawmah um ing ka ting; Amah chauh humbit ing ka ting, tichun limbawl ing ka.

SAM LEHKHABU THE PSALMS 46:1

Pathien chuh I kihumbitnau leh I hât nau, Lungdawn laia panpih pai zieng nai zing ahi.

SAM LEHKHABU THE PSALMS 9:9

Khutichun Lalpa chuh nuoisiehna thuokte ding chun kulh insang a na hi’n a. Lungkham hunlai inle kulh insang ahi a;

SAM LEHKHABU THE PSALMS 10:1

Aw Lalpa bang a tih leh gamla taka ding sek na hi? Bang a tih leh lungkham lai taka kisel sek na him?

VAIHAWMTE 19:17

Chun, a vak kihei leh khawlai a lamlien a malzinpa chuh a vak mu a, a kawmah, “Khawi a chieh ding na hi? Khawia kipat a hung na hi?” a ti a.

SAM LEHKHABU THE PSALMS 71:5

Aw Lalpa Pathien, nang chuh ka kinepna na hi a: Ka khangdawng lai apat ka gin chu na hi.

ISAI 63:8

Lalpa chun, “Ka mite ahiu a, ei thêm ngei puo’n au,” ti’n. Khutichun, amau haw chuh a gimtheih thuoknau apat chun a hukdam ta a.

JEREMIA 30:7

Ehe! ni tizat-um tak chuh a hungtung ta a hi! Ni dang, a tehpih theih ding himhim a um puoi. Jakob buoina ni ahi ngâla! Himahlele, amah chuh zie apat chun hukdawk in um ding ahi.”

ZEKARIA 9:12

Nanguh, tu a kinepna nei saltângte haw, vaikit un, na kulhpiu lam achun vaikit un! Tuhin, ka hun hilh na hiu ui, a lehnih in hun pie kit ding ka hi tih ka phuong hi.

SAM LEHKHABU THE PSALMS 46:2

Zieziekchun lei hi hung zatchuom in, Tang haw hi tuisuohgiet sung pek ah kichawn mahlele lau hiel puo’ng ka ting;

ISAI 33:2

Lalpa, ka chungu ah zahngai in, nang ka hun ngak zing ngâl u a; zingkal chenga ka bit nau hi’n la, buoina apat in ei hukdawk in.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.