JEREMIA 14:3 - PATHIEN LEKHABU THIENGTHO (BSI)

³ A milienteu in a suokteu chuh tuikhai in a sawl u a. Tuikul a zuon u a, mahleh tui a mu puou a, tuibel hawm chawiin a vaikit u a; a lungdawng u a, gen ding helo in a luu a khuh u a.

JEREMIA 14:3 ပူးပေါင်းရင်းမြစ်များ

2 SAMUEL 15:30

Khutichun David chu olive tâng chieh tohna achun a kalto a, a chieh toh kawm chun a kap zel a; a luchang a khuh a, keng ngawnin a chieh a: a kawma um cheng chengte chun le a luchang uh a khuh u a, kap kawm zelin a chieh u a.

SAM LEHKHABU THE PSALMS 40:14

Ka hinna hihbei guo a hawlte chuh Muolpho tak leh zakcha tak in um hawn u hen; Ka sietna chunga kipâk haw chuh vaihkit sak in sukzahchak in um u hen.

2 LENGTE 18:31

“Hezekia thugen hi ngaitha kiu inla, Asuria leng chun hiti hin a tii: Ei kichampih un la, ka kawma hin hung suk un; tichun, nangmau grep gui apat in neu un na tin, mitin in amah theipi gah kinek intin, mitin in amah tuibel apat in tui dâwn ina.

AMOS 4:8

Khutichun, khawpi nih ahim thum ahim chuh, khawpi dangah tui dâwn dingin a vak u a, a khawp diek puou a, khutisa chun le ka kawm lam ah na hung vaikit nuom puou ui,” tih hi Lalpa kamsuok ahi.

JEREMIA 2:13

Ka mite’n thil phalo nih a hih ta ngâl u a, kei hinna tuikhuk ei taihsan u a; tui kitin na ding tuikhuk a lai u a, a tuikhuk laih u chuh a khi, tui kiting theilo ding chuh!

JOEL 1:20

Ahi, luicha tui haw chuh a kan tâk ziek in gamsate nasan chuh nang hun ngaiin a ha huoi huoi u a; gammâng a hamhing mun haw chuh mei in a katum zo ta ngâla.

JEREMIA 20:11

Himahleh, Lalpa chuh mi hangsan lauh-um tak bangin ka kawmah a um zing a. Zieziekchun, ei dote chuh puk untin, ei zo puo’n au. Zahhuoi takin um untin, a lawhtit loh ding ziekun. A kumkhuo minsietnau chuh hetngilh in um ngei puo’n a.

JEREMIA 14:4

Lei chuh a khi zo ta a, leichung a guoh zuk loh ziek in, leilet te chuh a lungdawng u a, a mai uh a sel u a.

SAM LEHKHABU THE PSALMS 109:29

Ei dote chuh zahchâkna puon silh sak in um u hen la, Puonâk a kituom guol in amau haw chuh muolpho na’n kituom u hen.

JOB LEHKHABU THE BOOK OF JOB 6:20

Himahleh, luicha kang pang achun a kinepnau a bei ta sek hi.

ESTHER 6:12

Chun, Mordekai chuh leng kulh kawtkhak lam a chun a chieh kit a, himahleh, Haman chuh ngui takin a mai puon kikhuh in a In lam kin takin a delh tai.

1 LENGTE 17:7

Chun, hun chawmkhat lo kâl in hiti hi ahi a, zie gama chu guoh himhim a zuk takloh ziekin lui tui chule a hung kang ta a.

2 SAMUEL 19:4

Chun, leng chun a mai a khuh a, “Aw ka chapa Absalom, aw Absalom, ka chapa, ka chapa,” ti’n ngeih tak in a kap a.

JEREMIA 2:37

Na lu chunga khut kilhtuoh in a kawm u apat hung pawtdawk inla, na kiginchak na haw chuh Lalpa’n a paih tha ta ngâl a; amau haw ziek chun hausa puo’n la.

JEREMIA 3:3

Ziehaw ziek chun guoh zuk sak ahi puoh a, guoh nunung le a zu diek puoi. Nang chun mihûk maiput in na pu a, na zakcha nuom hiel puoh ngâl a.

JEREMIA 15:18

Bangti dana ka thuokna hi tawp lo a, sukdam ut lo bang mai ahi; ka natna hi sukdam loh ahim? Keia dingin luicha thephat tui kang sek bang na hi,” ti’n.

SUNNA LA 4:4

A chasen nawichep laiteu chu dangchâk in, a lei uh a khadang u ah a bek chak a; Naupangte chun chângthâk a ngên u a, himahleh kuoma’n a pie puou hi

HOSEA 2:3

A khutih loh a ahih chun a pienni a sangawn a a um bang khan umsak ing ka ting, a silhlechente lipthâk sak ding ka hi. Gamgaw leh bangmah keh lohna bangin siem ing ka ting, tichun dangchâk a thi ding ahi.

ZEKARIA 14:17

Chun, hiti hi hung hi’n tin, lei chunga inkuon chengcheng, Bangkim hihthei Lalpa ho dinga Jerusalem a chieh lo taphawtte chung achun guoh zu puo’n a.

AMOS 4:7

“Chun, buh âtna ding tha thum a um lai in, na chung u a guoh zu ding le ka tutâng a: khawpi khat chunga zuk sak in, khawpi dang chungah ka zuk sak puoh a, mun khenkhat ah a zu sek a, a zuk lohna munte chuh a gaw sek a.