JEREMIA 13:18 - PATHIEN LEKHABU THIENGTHO (BSI)

¹⁸ Leng leh a nu kawm achun, “Kingainiem un, na lallukhuk teu a ketha ta ngâl a. Na lallukhuk uh, na lopi nau chuh” tiu in.

JEREMIA 13:18 ပူးပေါင်းရင်းမြစ်များ

JEREMIA 22:26

Na pienna hilo, gamdang ah, nang leh na nu a hun hing ngêi chuh paih dawk ing ka ting, zie tak achun thi ding na hiu hi.

2 LENGTE 24:12

Tichun, Juda leng Jehoiakin chu, a nu tawh, a chapate tawh, a miliente tawh, a leng In enkawlte chengcheng chu tawh, leng kawm achun a kipie tau a. Nebuknezar in a vaihawm, kum gietna achun Jehoiakin chu a man a.

2 LENGTE 24:15

Chun, Nebuknezar chun Jehoiakin chu Babulon ah a pui a; chun, lengnu te, lengpa zite, a miliente leh Juda gama mihat hangsante chu tawh salin a pui vek ta a.

2 KHANGTHUBU 33:19

Chuleh, a pauchamnate leh, Pathien in a dawnna thute, a kikawihniem ma a a gitloh na chengcheng, milim ho na a siem, Asher pathien lim leh milim siemkawm a tundawkna mun chengcheng te chuh thiemgau chanchin zik na bu ah a kizik vek hi.

ISAI 47:1

“Aw Babulon chanu, nungak thiengtho, na lalchutphah apat chun hung kum tha’n la, leivui lak ah chu tha’n, Kaldai chanu! tuhin chuh, tino leh deihum hi talo ding na hi ngâla! Tuhin suok in na um zaw tai.

2 KHANGTHUBU 33:12

A thuok gimtheihna apat chun Lalpa lam a nga kit a, a pilepute Pathien masang achun nasatak in a kingainiem a.

1 PETER 5:6

Zieziekchun, a phatcha a chuh nanguh a hun chawihsân theihna dingin, Pathien khut tha hattak nuoi achun nuoilutchuh un.

JAKOB 4:10

Lalpa masang achun kingainiem un, tichun, ama’n hun chawisâng ina.

MATTHAI 18:4

Khutichun, kuole zie chapang neucha guola kingainiem ta chuh zie ngêi chuh van gama chun lopipen ina.

JONA 3:6

Zie thu chuh Ninevi khuo lengpa chun a hun zak phetin, a lalchutphah apat chun a dingdawk a, a lal puonte a lip tha a, kawlladip puon silh in, vut lak ah a chu tha a.

ISAI 3:26

A kulh kawtkhakteu achun a âwm uh kichup in kap untin; khawpi chuh hawmngawn a um in, leituol ah chu’n a.

2 KHANGTHUBU 33:23

Himahleh a pa banglo tak in, kingainiem in Lalpa lam a nga kit nuom puoh a; a pa sangin a gilo zaw ta a.

PAWTDAWKNA 10:3

Khutichun, Mosi leh Aron chuh Pharaoh kawm achun a valut u a, a kawmah, “Lalpa, Hebraite Pathien in, ‘Ka masang ah bang chan ahim kingainiem nuom lo a um na guot? Ka mite hin kei ei ho theihna dingun pawtsak in.

SUNNA LA 2:10

Zion chanu upate chu tuol ah a chuu a; Saidippuon kisilh in a luchang u achun leivui a kibuok khum u a. Jerusalem ngâklakte chu tuol lam ah a kûn tha tau hi.

PAWTDAWKNA 39:28

patngatpuon a siem, thiempu dielkawp, pat ngât taka siem diel hawihtak te, pat ngât tak a kawpa siem patngât pheika te,

THUCHINGTE 27:24

Sumlepai hi kumkhuo a ding ahi puoh a; lallukhuk hin le suon chengcheng a daih zo a ahim?

ISAI 3:20

luchang kânna te, kengbuh thik kikuoituohte, kawnggakte, gimlim bawmte, kivenna haw;

JEREMIA 29:2

Leng Jekonia leh lengnu te, mitilgeh te, Juda leh Jerusalem a miliente, mi khutthiem leh thîk sekte’n Jerusalem a pawt san nung uh a a thâk ahi.

JEREMIA 36:16

Chun, hiti hi a hung hi a, zie thu haw chuh a zak phet un lau in a ki-en tuoh u a, “Zie thu haw cheng hi ka lengpau hilh ngêi ngêi ung kau,” a tiu a.

SUNNA LA 1:6

Zion chanu melhawih na chengcheng chu a beizo ta a. A milienteu chu sazuk chal tatna mun neilo bang mai in a um tau hi. Melmate masanga taihna dingin tha leh zung himhim a nei ta puou.

SUNNA LA 1:9

A kihdak-umna chu a puonmawng ah a bek a; himahleh a tawpna ding chu a ngaihtuoh puoi. Nasa takin a puksie ta a; thamuontu ding himhim a nei puoi. A melmate’n a zo tau a, zahngaihna ngenin Lalpa, ngaitie, ka melma ten ei sukgimtheih zieu hi.

SUNNA LA 5:16

Ka luchang u apat lallukhuk a kie ta a; ka na gilo tau a ka chunguh a gik tai.

EZEKIEL 16:12

Na nak ah nakbuh, na bil ah bilbah, na luchang ah lallukhuk hawihtak haw chun ka hun chei a.

EZEKIEL 21:26

Lalpa Pathien chun hiti hin a tii: Hotu dielkawp chuh lâkdawk sak unla, lallukhuk chuh paih sak un, thil chuh angei ngêi in um ta puo’n a: mi nuoinungte chuh chawisâng unla, mi thupi te chuh suniem un.

EZEKIEL 24:17

Agukcha’n mau inla, mithi sûnna himhim chuh nei ki’n; na diel kawp inla, na kengtawbek but inla, na mûk tuom ki’n la, lusûnte an le ne ki’n,” a ti a.

EZEKIEL 24:23

Na diel uh kawp in na tin un, na kengtawbek hawu but inlau: sûn puo’n na tin un, kah hiel puo’n lau; na gitlohna ziek u chun gawptha’n na tin un, kikahhuon zaw’n lau.

EZEKIEL 44:18

A luchang uh ah patngatpuon diel kawp untin, patngatpuon pheika cheng un tin, khawsa-ul supawt thei mâwng mâwnga chuh a kivan loh dinguh ahi.

DANIEL 5:20

Himahleh, a lungthim a hung chapo a, a lungthim a hung kichunglap a, chapo takin a tawi ta a; zieziekchun a lalchutphah chuh hihniem in a um ta a, a lopina chuh lâksak a hi ta a.

JEREMIA 22:24

“Ka hin zing bang in, tih hi Lalpa kamsuok ahi. Juda leng Konia, Jehoiakim chapa chuh ka khut changlama namna zungbuh himahleh chin, zie apat chun hun bawt dawk tei ding ka hi.