JEREMIA 13:16 - PATHIEN LEKHABU THIENGTHO (BSI)

¹⁶ Lalpa na Pathien u chuh limbawl unla, thim a hun tunsak ma a mielzul a tâng chung haw a na keng uh na suih mau hin, vak na kinep lai tak un thim a hung tunsak a, thim sah tak mai chuh siem ding ahi.

JEREMIA 13:16 ပူးပေါင်းရင်းမြစ်များ

ISAI 59:9

Zieziekchun, diktatna chuh ei uh apat in a gamla a, diktatna chuh I kawmuh ahung tung zo ta puoi; Vak I ngak u a, himahleh, thim ahung tung zaw ta a, chun, vak a um sangin thim lak ah I chieh zaw tau hi.

ISAI 8:22

Chun, leituol en untin, lungkhamna leh thimna, lungngai a nguina chuh hi’n tin, tichun, thim sah tak lak ah nawhmang in um in au.

ISAI 60:2

Ngaitie, lei chung hi thim in khuh intin; thim sah tak chun mipite chuh khuh ding ahi a; himahleh, Lalpa chuh na chungah vak intin; A lopina vak chun hun salh ding ahi.

ISAI 5:30

Zie ni chuleh tuisuohgiet gi hum hum bangin a chung u ah gi hum hum un au. Tichun, mi’n gam chuh a vak et u chun, thimna leh lungzînna ngenin dim intin, vak chule meipi’n lieh thim ina.

THUCHINGTE 4:19

Mi gilote lampi chuh thim sah tak tawbang ahi a, bang ahim a suih khak uh tih nasan le a he thei puou hi.

JOSHUA 7:19

Chun, Joshua chun Akan kawmah, “Ka chapa, Lalpa Israel te Pathien chuh pakchah aw; a masang a chun kiphuong mai in; na thilhih chuh ei hilh inla; ka kawmah hin îm hiel ki’n,” a ti a.

JEREMIA 23:12

Zieziekchun, amau haw a dingin a chieh nau lampi chuh, thim lak lam nal haw tawbang hi’n tin; tak achun delh zui in um untin, kithawlh pai un au! A chungu ah thil phalo hun tun sak ding ka hi ngâl a! Amau haw gawtna hun ding kum haw chuh, tih hi Lalpa kamsuok ahi.

JEREMIA 4:23

Leichung chuh ka vak en a, ngaitie, a sie leh a hawmngawn ahi a; van haw chun le vak a nei puou a.

SAM LEHKHABU THE PSALMS 44:19

Nangin Si-âl haw umna ah nei sawisa ek a, Thihna lima nei khuh na dingin.

1 SAMUEL 6:5

Zieziekchun, na âkngawn lim hawu leh na gam uh susie sek santhim lim haw chu siem unla; chun Israel te Pathien chu limbawl un, khutichun a khut chu nang u leh na pathienteu leh na gam uh apat ahih zângkhai nuom mawh die.

PAWTDAWKNA 10:21

Chun, Lalpa’n Mosi kawmah, “Van lam ah na khut vak tungin, ti a chuh thim nasatak mai a hung um a, Aigupta gam hi a hun khuh theihna dingin,” a ti a.

1 PETER 2:8

Chun, Pathien Lehkhabu mun danga, “Pukna suong leh dalna suongpi tawh” ti a a gen guol khan. Thu chuh a taksan loh ziekun a kipalpai sek uh a; zie chuh, Pathien in amau haw dinga a phasak chuh ahi.

JOHAN 12:35

Chun, Isu’n a kawm u ah, “Vak hi chawmkhat na kawm u ah um tadih ina. Vak na neih sung u hin na thilhih teu hih zawm zel un, thim in a hun dal lohna dingin; kuole thima leng chun a chiehna chin a he sek puoi.

SUNNA LA 4:17

Ei u chu panpihna hungtung lo ding thîlna’n I mitteu a chau zo ta a; Ei hukbit theilo ding namte chu I ngak u a.

JEREMIA 14:19

Juda chuh na paih thak kei ahim? Zion chuh na hing muhdah ahi ta’m? Bang zieka sukdam na umlo hiela kei uh nei thawk sak ahim? Muonna ka hawl u a, mahleh phatna bangmah a hung tung puoi. Sukdam na ding hun le, ngaitie, lauhthawng na mai ahi.

JEREMIA 8:15

Muonna I hawl u a, mahleh thilpha bang mah a hung tung puoi, ngaitie sukdam na hun ding le lungkhamna mai ahi.

THUGENPA 11:8

Mihing in a damsung kum haw achun khawvak chuh kipâk takin mang hen, ahi’n zan thim hun ding chuh gel zing hen; zie hun chuh sawttak hiding ahi ngâla. Thil hungtung haw chule bangmahlo mai ahi.

JOB LEHKHABU THE BOOK OF JOB 3:5

Thim sah tak leh thihna lim chang u henla, A chungah meipi zing hen la; Sun a thim chuh tizat-um hielin um hen.

SAM LEHKHABU THE PSALMS 107:10

Khenkhat chu thim nuoi leh thihna lim ah a chuu a, Sukgimtheih leh kawlbuh sak in a um u a.

SAM LEHKHABU THE PSALMS 107:14

Thimnuoi leh thihna lîm apat chuh a puidawk a, A kannau haw chuh a hih tan ta a.

JEREMIA 2:6

Aigupta gama pata ei puidawk a, gamthip gamgaw kawkhuk leh thihna lim leh gamgaw mun, kuomah chen loh na mun apat a ei puidawk pa Lalpa kha khawia um ahi ta? a ti diek puou hi.

JEREMIA 6:21

Zieziekchun Lalpa’n hiti hin a tii, Zie mite kawm ahin kisuihna kawih ing ka ting; zie tak achun pate chuh a chapateu tawh pukkhawm un tin, inveng leh a lawipa chule mangthai un au.”

JEREMIA 50:6

“Ka mite chuh belam mang ahiu a; amau chingte chun a puimang u a, tâng haw achun a chiehmang sak u a; tânghaw leh muol dung haw achun a chieh u a, huong nasan uh a hengilh zo tau hi!

EZEKIEL 21:15

Lunggil a tuia, tamtak a pukna dingun, A kelkawt u ah chemzâm mûk zum ka pan sak hi. Katei! kawlphe guolin a val, mi thahna dinga pat ahi.

EZEKIEL 34:12

A belam taizak haw laka a um laia belampu’n a belamte a hawl dawk guolin ka belamte hawl dawk ing ka ting; vannîm henla khuo thim lele a kithehzâk nau mun cheng u apat chun hukdawk ing ka.

EZEKIEL 36:15

namte muhsitna hun het sak kha ta puo’ng ka ting, mite gensietna thuok kha ta puo’n na tin, na nam chuh kisuih sak kha ta puon la, Lalpa Pathien chun a tii, ti’n,” a ti a.

AMOS 4:13

Ngaitiem u! tângte siem a, huih siem a, mihingte a ngaihtuohna hetsak a, zingkal chuh zan suoh sak a, lei mun sangte a chieh pa chuh, Amin chuh Lalpa, Sepaihte Pathien chuh ahi ngâla.

AMOS 5:18

Lalpa ni utchate haw, na chung uh a gik hi! Bangati a, Lalpa ni utcha? vak hilo in thim ahi zaw ngâl a.

SAM LEHKHABU THE PSALMS 29:2

Lalpa kawmah a min lopi na chuh pieu inla, Thientho kilawmna silh in Lalpa chuh ho un.

ISAI 59:10

Mitdûk guolin bang I zut u a, mit bei guolin I kimai thawh u a; zan a vak guolin sun chang lai takin I kisuipai u a; mithite tawbang in mun thip ah I um ui.

JOEL 2:2

Thimna leh vannîm ni, meizin ni leh thim sah ni hi’n tin; Tang chunga meipi thim zeng zung a kai bangin, khaupe hawn hattak, masanga a na um khalo leh, tunung lele um talo hiel ding chuh hung leng un tin, tâng chuh phalvak in a tuom bangin hun tuom un au.

MALAKI 2:2

Ka min sulopi dinga na ngaihthak loh u a, lunggil a na vawp loh u chun, na chungu ah hansie hun tunsak ing ka. Na vangsakna dawnteu chuh hansie buok ing ka. Ahi, na laku ah, lunggil taktak a ka thupiekte vawp na um loh ziekun hansie ka lawh ta him ahi.