JEREMIA 13:14 - PATHIEN LEKHABU THIENGTHO (BSI)

¹⁴ Amau haw chuh kisuktuoh sak ing ka ting, pate leh chapate nasan le tih hi Lalpa kamsuok ahi. Amau haw sukmangthai lohna ding khawp in lungsietna ahim khawtuohna ahim nei puo’ng ka ting, susie zaw bawn ing ka.

JEREMIA 13:14 ပူးပေါင်းရင်းမြစ်များ

DAN NIHNA 29:20

Zie tawbang mi chuh Lalpa’n ngaidam hiel puo’n tin, Lalpa lungnatna leh thikthusietna chun amah chuh kâng intin, zie lehkhabu a hansie chuong tincheng hi a chungah tung intin, Lalpa’n a min chuh vannuoi apat in thaimang ina.

SAM LEHKHABU THE PSALMS 2:9

Amau haw chuh thik tiengkhut in suphel ing ka ting, Beldengte’n bel a paih gawp tawbang in paih gawp inla,” a ti a.

JEREMIA 21:7

Zie zawh tieng chuleh, Lalpa kamsuok chun a tii. Leng Zedekia leh a miliente leh midang zie khawpi a hipi leh chemzâm leh kiel a thi lote chuh Babulon leng Nebuknezar khut leh a melmateu khut leh nang haw hun thah guote khut achun pie’ng ka ting. Chemzâm hiem ah thiu un tin, amau chuh sit puo’n tin, lungsiet diek puo’n tin, lainat diek puo’n a.

JEREMIA 6:21

Zieziekchun Lalpa’n hiti hin a tii, Zie mite kawm ahin kisuihna kawih ing ka ting; zie tak achun pate chuh a chapateu tawh pukkhawm un tin, inveng leh a lawipa chule mangthai un au.”

ISAI 27:11

Thing bawkte chuh hung vuoi tha’n tin, bawng intin, tichun, numeite’n meia tih dingin chawm khawm un au. Mipite chun bangmah het theihna mawng mawng a nei puou a, a siempau Pathien in lungsietna leh a chung u a zahngaihna himhim latsak ta puo’n a.

MARK 13:12

Chun, suklup dingin suohpihpa’n a suohpih matsak in tin, pa’n a chapa matsak in tin, chate’n le a nu leh a pa do un tin. Suklup sak un au.

MATTHAI 10:21

“Mi’n a suohpihpa thah dingin matsak intin, pa’n le a cha matsak in tin; chate’n le a nu leh a pa do un tin, thah le thah sak un au.

EZEKIEL 24:14

‘Kei, Lalpa hin ka gen ta a, hung tung ngêi ina, ken hih ding ka hi ngâla, kinungzuk puo’ng ka ting, hun diem puo’ng ka ting, kisik puo’ng ka ting; na umdan haw leh na thilhih haw dungzui zelin na chunga thu tan hi’n a, Lalpa Pathien chun a tii,’ ti’n,” a ti a.

EZEKIEL 9:10

Ken le muh khelh nei puo’ng ka ting ting, lungsiet hiel puo’ng ka ting, a gitloh nau chuh a bûk-abel in khuksak ing ka,” a ti a.

EZEKIEL 9:5

Chun, adang haw kawm achun ka hetna ngêi ah, “A nunga khun khawpi chu tawh viel unla, khut thau in, muh khelh nei kiu inla lungsiet hiel kiu in.

EZEKIEL 8:18

Zieziekchun, ken le lungna taka sawisa ding ka hi: gawt loh in kawih puo’ng ka ting, a chung u a zahngai lo hiel ding ka hi; ngeih tak in ka bil ah kiko leu le ana ngaitha puo’ng ka,” a ti a.

EZEKIEL 7:9

Chun, gawt loh in hun kawih puo’ng ka ting, na chunga zahngai lo hiel ding ka hi: Na lak u a thil tenum na hih hawu leh na umdan chengcheng chuh hun dit ding ka hi: khutichun, kei Lalpa hi gawt thei ka hi tih hun hen lau.

EZEKIEL 7:4

Gawt loh in hun kawih puo’ng ka ting, na chungah zahngailo hiel ding ka hi: Na lak u a thil tenum na hih hawu leh na umdan chengcheng chuh hun dit ding ka hi; tieng chuleh Lalpa chuh ka hi tih hun he’n lau,” ti’n.

JEREMIA 48:12

“Zieziekchun, ngaitiem u, ni chuh a hungtung hi! Moab chuh zu guola sun dawk hi’n tin, a bel chuh khên kêk un tin uh, hawmngawn a kawih vek hi’n a,” tih hi Lalpa kamsuok ahi!

JEREMIA 47:3

Sakawl chalte tuol tawh git leh a kangtalai hawu taih git te leh a kangtalai kengteu kinawttuoh ziek chun, pate le a bân thateu a zawi tâk ziekin chateu en dingin a kinunghei ta puou hi.

JEREMIA 16:5

Lalpa chun hiti hin a tii: “Lusûnna In ah lut ki’n la, sun dingin le chieh diek ki’n la; amau haw le kah diek ki’n. Zie mite lak apat hin ka lungmuonna ka lamang ta ngâl a, hehpihna leh lainatna tawh tih hi Lalpa kamsuok ahi.

2 KHANGTHUBU 20:23

Ammon te leh Moab sepaih te chun Seir tânga cheng te chu a do u a, nasa takin a that u a, a suchimit vek tau a, Seir tânga mite a thah zawh phet u chun, amau leh amau kisumang dingin a kisuol tau hi.

1 SAMUEL 14:16

Chun, Benjamin gama Gibeah a Saul sepaih gâlvengte chun a vak gâl et u leh, ngaitie, mipite chu kibawhpai lem lum khawp in lehlam lehlam ah a taizak gui gui mai tau a.

JOB LEHKHABU THE BOOK OF JOB 27:22

Pathien in amah chuh paihtha’n tin, hâwi puo’n a, A khut a kipatin thingmang in a.

JEREMIA 15:5

“Aw Jerusalem, kuo a hun lungsiet ding? Kuo a hung lungkham pih ding? Na chanchin hun dawng dingin kuo a na kawma hung ding?

SUNNA LA 2:21

Khawlai a chun teksiete leh khangdawnglaite chu a kithalseh lemlum u a; Ka nungak thieng leh tangvalte chu a melmateu chemzâma thah in a um tau hi. Na lungnatna ni chun amau haw na that ta a.

HOSEA 2:4

A chapate chunga le lungsietna neilo ding ka hi, zahchâkna bei, nawhchizuok chate ahi ngâl u a.

ZEKARIA 11:6

(“Lei chunga chêngte hi lainat lo ding ka hi ngâl a, Lalpa’n a tii; chun, ngaitiem u! mi cheng chuh a invengpa khut leh, a lengpa khuta chu pie ding ka hi: tichun, gam chuh susieu intin, a khut u apat in hukdawk puo’ng ka,”)

JEREMIA 15:6

Nangin nei paih tha a, na nungtawlh zel a tih hi Lalpa kamsuok ahi. Khutichun, na chungah ka khut ka tha a, ka hun sumangthai a, kisik hi ka chim tai.

JEREMIA 25:16

Dâwn un tin, lawn duoi duoi in, kham un au, a lak u a ka sawl ding chemzâm ziek chun,” ti’n.

EZEKIEL 7:3

“Tuhi nang dingin tawpna chuh ahi, na chungah ka lungnatna chuh hun tunsak ing ka ting, na umdan bang zelin na chungah vaihawm ing ka ting, na tenumna cheng chuh hun dit ding ka hi.