JEREMIA 13:13 - PATHIEN LEKHABU THIENGTHO (BSI)

¹³ Chun, nang in a kawm u ah, Lalpa chun hiti hin a tii: Ngaitiem u, zie gama cheng haw cheng, David chutphah a chu lengte, thiempute, thiemgaute leh Jerusalem a chêngte chengcheng chuh zukham in sudim ing ka.

JEREMIA 13:13 ပူးပေါင်းရင်းမြစ်များ

ISAI 63:6

Tichun, mipite chuh ka chilgawp a, ka thangtawmna chun amau chuh ka gawt nêl a; a hinnau thisan chuh leituol ah ka sung tha vek ta a,” ti’n.

ISAI 51:17

Aw Jerusalem, tho dawkin! Nangmah kipan inla; ding dawk in! Lalpa’n a lungnatna khawn dâwn ding a hun piek chuh na dâwn zo ta a, Na dâwn zo a, a hun sulawn duoi duoi a.

SAM LEHKHABU THE PSALMS 75:8

Lalpa khut achun khawn a um a, chun uain chu a phuon a thil helkhawm in a dim a, amah chun zie mah chu a sung dawk a; Thawnlo in a nen haw na tiengin, lei a minunsie haw chengcheng in dâwn thieng tin ten un au.

SAM LEHKHABU THE PSALMS 60:3

Na mite hi thil haksa na thuok saka: Humhaihna uain chuh nei dâwn sak ta a.

HABAKKUK 2:16

Lopina hilo in zahchâkna’n a hun khuh a, nang ngêi inle hun dâwn in na tin, chun, na sangawnna chuh kilang ina. Lalpa khut changlam a khawn chuh nang lam ah hung kihei intin; tichun, na chungah zahchâkna hungtung ina.

JEREMIA 51:7

Babulon chuh Lalpa khuta sana khawn, lei chung pumpi kham sakna chuh ahi; nam te chun a uain chuh a dâwn u a, zieziekchun namte lungthim chuh a chavai zo tai,

JEREMIA 25:27

Chun, a kawm u ah, “Sepaihte Lalpa, Israel Pathien chun hiti hin a tii: ‘Dâwn unla, kham unla, luou unla, puk unla, thokit ta kiu in; na lak uh a chemzâm ka lên sak ding ziek chun,’ ti’n.

ISAI 49:26

Nang haw hun bawl gimtheite chu amau leh amau kithah tuoh sak ka ting; lungnatna leh tuolthahna thisan chun uain guolin dâwn kham un au. Khutichun, Kei hi Lalpa, nang haw hun hukdawkpa leh, Jakob mihat chuh ka hi tih micheng in he ta’n au,” ti’n.

JEREMIA 51:57

Chun, a lal teu leh a miching teu, a milien teu leh a vaihawm teu leh a mihat teu chuh kham sak ing ka ting, kuol den untin, khanglo puo’n au tih hi Lalpa, a min Sepaihte Lalpa kamsuok ahi.

ISAI 51:21

Zieziekchun, nang haw liemna thuok, Jerusalem a gimtheihna thuokte haw, uain dâwn kham hisâm lo a lawn duoi duoi te haw, zie hi heu in!

ISAI 29:9

Ding zing unla, maksau un! kimuhmawh sak unla, mitdûk in um den un! a kham u a, himahlele, uain ziek ahi puoi; a lawn a lawn u a, mahleh, zu dâwn ziek ahi puoi.

JEREMIA 13:12

Chun, zie thu hi a kawm u a na gen ding ahi: Lalpa Israel Pathien in hiti hin a tii: “Savun thei cheng uain in dim in a, ti’n”. Chun, amau chun, savun pêng cheng chuh uain in dim in a tih chuh ka he puou a ahim? tiu un tin.

JEREMIA 25:29

Ngaiun! ka min pu khawpi ahin thil phalo bawl ka pan ta a, nang haw hi gawt loh a um diek ding na hiu em? Gawt loh in um puo’n lau: lei chunga mi chengcheng chungah chemzâm lên sak ding ka hi ngâl a,’ tih hi sepaihte Lalpa kamsuok ahi.”