JEREMIA 13:10 - PATHIEN LEKHABU THIENGTHO (BSI)

¹⁰ Zie nam gilo, ka thu te ngaitha nuom lo a, amau haw lunggil tâk na bang a pathien dangte nasem leh ho dinga delh zuite hih zie kâwnggak bangmah a pang thei talo tawbang hi hung hi ding ahiu hi.

JEREMIA 13:10 ပူးပေါင်းရင်းမြစ်များ

JEREMIA 16:12

Chun, nangun na pileputeu sanga phalo zaw’n na bawl u a. Ngaitiem u, mitin in amah lunggil tak na bang zel a um in, kei thu na ngaitha puou ui.

JEREMIA 9:14

Himahleh, lochal tak leh amau deih bang taka a suonteu in a sinsak Baal chuh a delh zui zawk tâk ziekun.

KISIMNA 14:11

Tichun, Lalpa’n Mosi kawmah, “Zie mipite hin bang chan ahim ei muhsit u a, a lak u a thilmak ka hih sak sa ale bang chan ahim ei ginchak lah ding uh?

NASEPTE 7:51

“Mi genhak, lunggil leh bil tan lohte haw! kumkhuo’n Thagau Thiengtho chuh na dodal zing u a; nanguh hun suonte hih guol zel khan na hih sek uh ahi.

JEREMIA 13:7

Tichun, Euphrates lui lam zuon chun ka chieh ta a, ka thai dawk a kâwnggak ka selguk chuh ka va ladawk a. Ngaitie, kâwnggak chuh a na tui-êk vek ta a, bangmah a mattheih ahi ta puoh a.

JEREMIA 3:17

Zie tieng chuleh Jerusalem chuh Lalpa lalchutphah min vawh untin, zie chun nam chengcheng chuh Lalpa min in Jerusalem achun hung khawm untin, a lunggil uh lung khauh na bang chun chieh ta puo’n au.

HEBRAI 12:25

Thugenpa chuh a na deih lo kha’n lau, chingthei un! Lei a amau haw hilhgaihna thugen ana ngai lote bawn a suohchak loh uh chun, van apat a I kawm u a thu hun gen pa nungngatte hih, suokcha mawh zawsem hitiu!

JEREMIA 16:4

Hipi’n thiu un tin, kuomah vuih loh leh kuomah sun loh in um un au; leichung a êk khuk bang phet hung hin au. Chemzâm te, kielte’n mangthai un tin, a luong hawu chuh leichung a chung leng vachate leh gamsate an ding hi tan au.”

JEREMIA 11:18

Lalpa chun ei hetsak a, ka he tai; tichun. nang ngêi in a thil phalo hihteu chuh nei kâwkmuh ta a.

JEREMIA 8:5

“Bang zieka zie mipite hi kumlekhuo a nungchawn dinga kipuk den ahi tau hi? Thepna a tuchak kêi u a, vaihkit a nuom puou hi,

JEREMIA 5:23

Mahleh, zie mipi haw chuh lunggil khauh leh kiphin hât a hiua, a kiphin u a, a taimang u a.

ISAI 3:24

Tichun, gimlim a mat sekteu sang chun thil uih um intin, kâwnggak thasang chun khauhuol um ta’n tin, chun, sam bawk phatak thasang chun thik âm a deh sietna um ta’n a.

THUGENPA 11:9

Khangdawngte haw, na vanglai niteu achun kipâk unla. Na vanglai nite achun na lungthim kipâk hen, na hih nawp cheng hih inla, na lungthim in a nawp dân cheng chuh zui inla, na mitin a etnawp phawt chuh en in. Himahlele, zie thil haw cheng chuh Pathien in vaihawmna a hun sulang ding ahi tih hezing in.

SAM LEHKHABU THE PSALMS 78:8

A suonteu banga, Suon genhak leh kiphin hât; Suon lunggil detlo, Pathien kawma lunggil muon umlo pu a a um loh na dingun.

JEREMIA 7:6

Nam dang mite, pa neilote meithaite na bawlsiet loh u a, zie mun ahi mi dik thisan na suoh loh u a na sietna ding u a pathien dangte na delh diek loh u chun,

JEREMIA 9:6

Na chênna chuh kithepna lak ahi a, kithepna ziekin ka mite’n kei ei he nuom puou hi, tih hi Lalpa kamsuok ahi.

JEREMIA 11:10

A pileputeu, ka thu ngaitha nuom lote thulimlohna lam achun a vaikit u a; pathien dangte nasem dingin a chieh u a, Israel inkuon te leh Juda inkuonte chun a pileputeu kawma ka thugawlh chuh a bawhsie tau hi.

JEREMIA 20:4

Chun, Lalpa’n hiti hin a ti ngâl a: ‘Ngaitie, nang a ding leh na guolte chengcheng a dingin tizat-um in hun siem ing ka, tichun, a melmateu chemzâm in thah hiu un tin, nangin zie chuh na mit ngêi a mu ding na hi. Judate chengcheng chuh Babulon leng khut ah pie vek ing ka ting; amah chun Babulon ah sal in pui in tin, chemzâm in that in a.

JEREMIA 22:21

Na lawhtit ni’n na kieng ah thu ka gen a. Nang chun la ngaitha puo’ng ka, na ti a. Ka aw na ngaithak loh hih na khangdawng lai apat ziehi na umdan ahi.

JEREMIA 23:17

Lalpa thu musitte kawm achun, Nanga dingin pha’na, a ti sek ui, amau deih lam lochal taka hih hâm hâmte kawm achun, Thil phalo bangmah na chungah hungtung puo’n a,” a tiu a.

JEREMIA 35:15

Ka nasem thiemgaute chuh chawllo in na kawm u ah ka hun sawl a: na umdan gilo u apat in hung kihei kit unla; na lampiteu chuh hei zang unla, pathien dangte na sem kiu in; tichun na pileputeu kawma gam ka piek achun cheng un lau, ti’n; Himahleh na ngaihsak puou a, na zui diek puou hi.

JEREMIA 44:5

Mahleh, a ngaitha diek puou a, a nunsiet nau haihsan a pathien dang te kienga gimlim hâl loh ding chuh a ngaihsak diek puou hi.

JEREMIA 44:16

“Lalpa min a ka kawm u a na thugen haw kha vang hung ngaitha puo’ng kau.

JEREMIA 7:13

Tuhin, zie thil haw cheng hi na hih u a, chawllo a na kawm u a thu ka gen te hi na ngaih takloh u a, ka hun sap a le nei dâwn loh ziek u hin Lalpa’n a tii.

JEREMIA 9:13

Chun, Lalpa chun, “A masang u ah ka Dan ka kawih a, a hengilh u a, ka aw a ngaitha puou a, zuih le a zui puou hi.