JEREMIA 12:7 - PATHIEN LEKHABU THIENGTHO (BSI)

⁷ Ka in hun taihsan in, ka goluoh ding ka taihsan tai. Ka hinna’n a ngaih tak chuh, a melmate khut ah ka pie tai.

JEREMIA 12:7 ပူးပေါင်းရင်းမြစ်များ

ISAI 2:6

Suohlam dawi thilhih dante, Philistia dawite a chîng u a, gamdang mite tawh a kikhutzawp tâk ziekun na mi, Jakob insung chuh na nawlh ta a.

JEREMIA 11:15

“Thil kihdak um tak hih kawmin, ka deihtak chun ka In ah chan banga a neih ding? Thutiem leh sazek chun na sietna dinguh hun pelh sak thei ding ahim? Kisuonpih thei ding na hiu em?

HOSEA 9:15

A nunsiet nau chengcheng chuh Gilgal ah a bawl pan u a, zie tak achun amau chu ka haw ngâla: a thilhih uh gilote ziek chun ka In apat nawhdawk ing ka: amau haw chuh lungsiet ta puo’ng ka; a lawiupa teu chengcheng chuh helchîng ahi ngâl u a.

LUKE 21:24

Khenkhatte chuh chemzâma thah in um un na tin uh, khenkhatte chuh, namtin kawma sala puih in um in tin uh; tichun, Jentel te ni a bukim masang sieh, Jerusalem chuh Jentel te tawh den in um ina.

JOEL 3:2

Nam chengcheng sam khawm ka ting, Jehoshaphat guom ah pui ing ka ting; Ka mipite chunga a thilhih teu ziekin zie tak achun a chungthuu vaihawm ing ka. Israel chate chuh gamdang ah a thehzak uh a, ka gochan Israel chuh a khenzak ziekun.

JOEL 2:15

Zion achun pengkun mût un la; Anngawlh hun mang thiengtho unla, kikhawppi guntak siem un.

EZEKIEL 24:21

Israel insung mite kawm achun gen inla, Lalpa Pathien chun hitihin a tii: ‘Ngaiun, ka mun thiengtho, na kisuonpih pên uh mun det, na et chim loh uh, na lungthim kipahna pên u chuh subuok ding ka hi; na chanu na chapateu na nutsieh hawu chuh chemzâm in puk in au.

JEREMIA 51:5

Israel leh Juda chuh a Pathien uh, Sepaihte Lalpa chun a taihsan puoh ngâla, A gam u achun Israel Mi thiengtho chunga gitloh na dim mahleh.

JEREMIA 7:29

“Na sam tan inla paihmang in, Aw Jerusalem, munsang haw achun kahla sa’n la, kap in; Lalpa’n a lungnat na chawktho suon te chuh a paih tha a, a nungngat san ta ngâla.

JEREMIA 7:14

Zieziekchun Shiloh chunga ka hih bang khan, ka min puo nang u leh na suonteu kawma ka piek na ginchak uh zie In chung ahin hih ding ka hi.

JEREMIA 14:19

Juda chuh na paih thak kei ahim? Zion chuh na hing muhdah ahi ta’m? Bang zieka sukdam na umlo hiela kei uh nei thawk sak ahim? Muonna ka hawl u a, mahleh phatna bangmah a hung tung puoi. Sukdam na ding hun le, ngaitie, lauhthawng na mai ahi.

JEREMIA 17:4

Tichun, na chanvo ding ka hun piek khah chan in na tin, na gam het khâkloh gam achun melmate na hun sep sak ing ka. Ka lungnatna mei, kumlekhuo a kuong ding chuh na mût kuong ta ngâl a.

JEREMIA 23:33

“Zie mipite hi ahim, thiemgau in ahim, thiempute a him in, ‘Lalpa puokgik chuh bang ahim?’ ti a a hun dawt uh leh, hiti hin dâwng un, ‘Nang haw hi Lalpa puokgik chuh na hiu a, hun paih tha ding ka hi! tih hi Lalpa kamsuok ahi.’

JEREMIA 23:39

Zieziekchun, ngaitiem u! Hun bawt dawk ngêi ngêi ing ka ting, ka kawm apat in hun paihmang ing ka; zie khawpi nang u leh na pileputeu ka na piek hi tawh.

HOSEA 11:1

Lalpa chun, “Israel chuh a naupan lai apat in ka lungsiet a, Aigupta gam apat ka chapa dinga ka sap dawk ahi.

DAN NIHNA 33:12

Chun, Benjamin te chung thu achun; “Lalpa deihtak chuh bit takin cheng ina,” a kawmah, “ni tum in awp khum in tin; A liengkote nih kikal ah chawldam ina,” a ti a.

2 LENGTE 21:14

Chun, gawt a um mâwkte chu nungngatsan ka ting, amau haw zo ding leh, a gam uh suom dingin melmate khuta pie ding ka hi.

SAM LEHKHABU THE PSALMS 78:62

A mite chuh chemzâm kawmah a pie a, A goluoh ding chung achun a lungna ta a.

SAM LEHKHABU THE PSALMS 106:40

Zieziekchun Lalpa chuh a mite chunga a lungnat na chuh a puok zak a, chun, A goluoh te chuh a kihdak ta a.

JEREMIA 22:5

Amahvang chuh zie thu haw hi na ngaihthak loh u chun zie In hi hawm in a, ti’n kei leh kei kipautiem ka hi” tih hi Lalpa kamsuok ahi.