JEREMIA 12:6 - PATHIEN LEKHABU THIENGTHO (BSI)

⁶ Na suohpih, na pa inkawte ngêi chun, amau ngêi chun a hun thêm ta ngâl u a; amau chun a hun delhzui u a, ngeih tak in a hun sam u a. Thupha tak tak na kawmah gen mahleu le gingcha hiel kiu in.

JEREMIA 12:6 ပူးပေါင်းရင်းမြစ်များ

THUCHINGTE 26:25

Thu pha tak a gen in le gingcha diek ki’n, a lungthim achun thil kihdak-um sagih a selgu zing ngâl a.

JEREMIA 9:4

Mitin chuh amah inveng kawmah chingthei chiet henla, na chanau teu chungah ginna nga kiu in; chanau thephat ahi ngâl u a. In vengte gensie dingin a vakviel sek ui.

SAM LEHKHABU THE PSALMS 12:2

Mitin in a vengteu kawmah lepchieh thu mai a gen a gen sek u a; Kipahchak na lêm mûk leh lepbawlna lunggil pun thu a gen sek u a.

MATTHAI 10:21

“Mi’n a suohpihpa thah dingin matsak intin, pa’n le a cha matsak in tin; chate’n le a nu leh a pa do un tin, thah le thah sak un au.

JEREMIA 11:21

Zieziekchun, Sepaihte Lalpa chun Anathoth mi na hinna hawlpa, “Ka khutlum u a na thih lohna dingin Lalpa min in genlawk kih,” tite chung thu achun hiti hin a tii:

JEREMIA 11:19

Himahleh, kei chuh la belamno thunuom tak, thah dinga puih bang mai ka hi. Thing chuh a gah pum in susiei ting un, mihing gama pat hin amah chuh sumang kei hitiu: Amin himhim zak loh na dingin, ti a ka chunga a thilbawl guot u chuh ka na he pha puoh a.

NASEPTE 18:12

Chun, Gallio chuh Akaia gama hausa thasanga a um lai in, Judate chuh kipunkhawm in Paul chuh a man u a, vaihawmna chutphah ma ah a pui u a.

JEREMIA 20:10

Mi tamtak te’n, ning tin ah lauh-um a um a. Kihetloh sak un la, pang khawm hitiu, ti a a phunguk sausau uh ka za a. Ka melhet ka puk chânggu zing sek te chun, thep in um intin, zo ding I hiu, a chungah phuba lai tiu, a tiu a.

SAM LEHKHABU THE PSALMS 69:8

Ka suohpihte lak ah malzin ka na hita a, Ka nu chate lak ah hêtkhâk loh ka na hi tai.

JOB LEHKHABU THE BOOK OF JOB 6:15

Himahlele, nang haw ka guolte hin, Guoh zuk loh phata luicha tuikang bang mai hin nei thêm u a.

JOHAN 7:5

(A suohpihte nasan chun le amah a gingcha ngâl puou a.)

MARK 12:12

Tichun, Juda lawiupate chun Isu chuh mat a guo tau a, zie tehkal thu chuh amau haw chungthu genna ahi tih a het ziekun. Himahleh, mipite chuh a lau u a, khutichun, a nusieh uh a, a chieh mang tau hi.

ISAI 31:4

Lalpa chun hiti hin a tii, “Sakeibaknei ahim, sakeibaknei vanglai in a sa nek lai a humham khuma, belamchingte tamtak amah suol dingin sap dawkin um mahleh, a kiko u chuh lau lo a, a thawm ziek u a a kitim diek loh bang in, Sepaihte Lalpa chuh Zion tâng hukbit dingin hungsuk ding ahi.

NASEPTE 16:22

Khutichun, mipite chule sawlchakte lang dingin a hung kipan u a, thutante chun a puonhawu chuh a sahthek sak u a, mawlh a zêp ding thu a pieu a.

JEREMIA 9:2

Ka mite apat a ka taihmang theihna dingin, thalek ah mun nei leng ka nuom na e! Mi ginumlo ngen leh thep hât ngen ahiu a.

JEREMIA 9:5

A bawn un lampi diklo ah a guol teu a pui u a, thudik gen a um ta puou hi. A lei u chuh lepchieh gen a sinsak u a, a gitlohnau haihsan diek lo in.

SAM LEHKHABU THE PSALMS 12:3

Lalpa chun pahchak lêm na mûk haw chengcheng chuh ât tha hen la, Thu chapo tak genna lei haw chuh tawh:

THUCHINGTE 23:8

Na thil nek chuh lawdawk kit in na tin, kamthiem thu cheng chuh beimang ina.

JEREMIA 9:3

A lei u chuh thalchang bangin lepchieh in, lepchieh leh thu diklo chun a mang u a, gam ah a khanglien u a, thutak a khang lo in. Gitloh apat gitlohna lam ah a khang zel u a, kei ei helo in, tih hi Lalpa kamsuok ahi.